ബോളിവുഡിൽ മാത്രമല്ല, ലോകത്ത് എല്ലായിടത്തും ആരാധകരുള്ള നടനാണ് ഷാരൂഖ് ഖാൻ. നവംബർ രണ്ടിനാണ് അദ്ദേഹത്തിന്റെ ജന്മദിനം. ഇന്ന് അദ്ദേഹത്തിന് 60 വയസായി. എല്ലാവർഷവും ഈ ദിവസം തന്റെ വസതിയായ മന്നത്തിന്റെ ബാൽക്കണിയിൽ നിന്ന് അദ്ദേഹം ആരാധകരെ കാണാറുണ്ട്. ജന്മദിനത്തിന് മാത്രമല്ല പല വിശേഷ ദിവസങ്ങളിലും ഇത് പതിവാണ്. ജന്മദിനത്തിലും മറ്റ് പല സ്ഥലങ്ങളിൽ നിന്ന് ഷാരൂഖിനെ കാണാൻ ആരാധകർ വീടിന് മുന്നിൽ എത്തും. എന്നാൽ ഈ വർഷവും തന്റെ ആരാധകരെ കാണാൻ ഷാരൂഖ് ബാൽക്കണിയിൽ എത്തിയില്ല. ഇതിന് ക്ഷമ ചോദിച്ച് താരം കുറിപ്പ് പങ്കുവച്ചിട്ടുണ്ട്.
'നിങ്ങളോടെല്ലാം ഞാൻ അഗാധമായി ക്ഷമ ചോദിക്കുന്നു. പക്ഷേ ജനക്കൂട്ടത്തെ നിയന്ത്രിക്കുന്നതിലെ പ്രശ്‌നങ്ങൾ കാരണം എല്ലാവരുടെയും സുരക്ഷയ്ക്ക് വേണ്ടിയാണിതെന്ന് അധികൃതർ എന്നെ അറിയിച്ചിട്ടുണ്ട്. നിങ്ങൾ എന്നെ കാണാൻ ആഗ്രഹിക്കുന്നതിനെക്കാൾ കൂടുതൽ എനിക്ക് നിങ്ങളെ കാണാൻ കഴിയാത്തതിൽ വിഷമമുണ്ട്. വരും ദിവസങ്ങളിൽ നിങ്ങളെ എല്ലാവരെയും കാണാനും സ്നേഹം പങ്കുവയ്ക്കാനും ഞാൻ ആഗ്രഹിക്കുന്നു. ലൗ യൂ ആൾ'- ഷാരൂഖ് കുറിച്ചു. കഴിഞ്ഞ വർഷവും ഷാരൂഖ് ആരാധകരെ കാണാൻ ബാൽക്കണിയിൽ എത്തിയിരുന്നില്ല.
Have been advised by authorities that I will not be able to step out and greet all you lovely people who have been waiting for me.
— Shah Rukh Khan (@iamsrk) November 2, 2025
My deepest apologies to all of you but have been informed that it is for the overall safety of everyone due to crowd control issues.
Thank you for…