തിരുവനന്തപുരം : കര്‍ണാടകയ്ക്ക് എതിരായ ഇന്നിംഗ്‌സ് തോല്‍വിയോടെ കേരളത്തിന്റെ ഈ സീസണിലെ രഞ്ജി ട്രോഫി സാദ്ധ്യതകള്‍ക്ക് മേല്‍ കരിനിഴല്‍ പരന്നു. കഴിഞ്ഞസീസണില്‍ ചരിത്രം സൃഷ്ടിച്ച് ആദ്യമായി ഫൈനലില്‍ കളിച്ച ടീമിന് ഇക്കുറി ആദ്യ മൂന്ന് മത്സരങ്ങളില്‍ ഒന്നില്‍പ്പോലും ജയിക്കാനായില്ല. മഹാരാഷ്ട്രയ്ക്കും പഞ്ചാബിനും എതിരായുള്ള മത്സരങ്ങളില്‍ ലീഡ് വഴങ്ങി സമനിലയിലായതിന് പിന്നാലെയാണ് കര്‍ണാടകത്തിനെതിരായ കനത്ത തോല്‍വി.മൂന്ന് മത്സരങ്ങളില്‍ നിന്ന് രണ്ട് പോയിന്റ് മാത്രമുള്ള കേരളം എട്ടു ടീമുകളുള്ള എലൈറ്റ് ഗ്രൂപ്പ് ബിയില്‍ ഏഴാം സ്ഥാനത്താണ്.
നാലുമത്സരങ്ങള്‍ മാത്രമാണ് ഇനി സീസണില്‍ കേരളത്തിനുള്ളത്. ഇത് നാലും ഇന്നിംഗ്‌സ് ലീഡോടെ ജയിച്ചാലേ ക്വാര്‍ട്ടര്‍ ഫൈനലിലേക്ക് പ്രവേശിക്കാന്‍ സാദ്ധ്യതയുള്ളൂ. കരുത്തരായ സൗരാഷ്ട്ര, മദ്ധ്യപ്രദേശ്,ചണ്ഡിഗഡ്,ഗോവ എന്നിവരുമായാണ് ഇനിയുള്ള മത്സരങ്ങള്‍.
കേരളത്തിന്റെ ഇനിയുള്ള മത്സരങ്ങള്‍
നവംബര്‍ 8-11
Vs സൗരാഷ്ട്ര
മംഗലപുരം
നവംബര്‍ 16-19
Vs മദ്ധ്യപ്രദേശ്
ഇന്‍ഡോര്‍
ജനുവരി 22-25
Vs ചണ്ഡിഗഡ്
മംഗലപുരം
ജനുവരി 29-ഫെബ്രു.1
Vs ഗോവ
പോവോറിം
എലൈറ്റ് ഗ്രൂപ്പ് ബി പോയിന്റ് നില
(ടീം, കളി,ജയം, തോല്‍വി, സമനില , പോയിന്റ് ക്രമത്തില്‍)
ഗോവ 3-1-0-2-11
കര്‍ണാടക 3-1-0-2-11
മഹാരാഷ്ട്ര 3-1-0-2-10
മദ്ധ്യപ്രദേശ് 3-0-0-3-9
സൗരാഷ്ട്ര 3-0-0-3-9
പഞ്ചാബ് 3-0-0-3-9
കേരളം 3-0-1-2-2
ഛണ്ഡിഗഡ് 3-0-2-1-0
ക്വാര്‍ട്ടറിലെത്താന്‍
എട്ട് ടീമുകള്‍ വീതം മത്സരിക്കുന്ന എലൈറ്റ് എ,ബി ഗ്രൂപ്പുകളില്‍ നിന്ന് അഞ്ചുടീമുകള്‍ക്കാണ് ക്വാര്‍ട്ടറിലേക്ക് പ്രവേശനം. 16 ടീമുകളില്‍ ആദ്യ അഞ്ചസ്ഥാനത്തിനുള്ളില്‍ എത്തണം. എലൈറ്റ് ഗ്രൂപ്പ് സിയില്‍ നിന്ന് രണ്ട് ടീമുകളും പ്‌ളേറ്റ് ഗ്രൂപ്പില്‍ നിന്ന് ഒരു ടീമും ക്വാര്‍ട്ടറില്‍ കളിക്കും.