ന്യൂഡൽഹി : ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ എയർ ട്രാഫിക് കൺട്രോൾ സംവിധാനത്തിലുണ്ടായ സാങ്കേതിക തകരാർ പരിഹരിച്ചെന്ന് എയർപോർട്ട് അതോറിട്ട് ഓഫ് ഇന്ത്യ അറിയിച്ചു. ഫ്ലൈറ്റ് പ്ലാനുകൾ അപ്ഡേറ്റ് ചെയ്യാൻ സഹായിക്കുന്ന ഓട്ടോമാറ്റിക് മെസേജ് സ്വിച്ചിംഗ് സിസ്റ്റത്തിന്റെ തകരാറാണ് രാത്രി വൈകി പരിഹരിച്ചത്. ഇതോടെ 24 മണി്ക്കൂറിലേറെ നീണ്ടുനിന്ന പ്രതിസന്ധിക്കാണ് പരിഹാരമായത്.

പ്രശ്നത്തിന്റെ കാരണം കണ്ടെത്തി പരിഹരിക്കാൻ സാധിച്ചെന്ന് പ്രസ് ഇൻഫർമേഷൻ ബ്യൂറോ അറിയിച്ചു. സിസ്റ്റത്തിന്റെ സ്ഥിരതയും പ്രവർത്തനക്ഷമതയും നിരീക്ഷിക്കുന്നതിനായി ഇലക്ട്രോണിക്സ് കോർപ്പറേഷൻ ഓഫ് ഇന്ത്യയിലെയും എ.എ.ഐയിലെയും ഉദ്യോഗസ്ഥരടങ്ങിയ സംഘം വിമാനത്താവളത്തിൽ തുടരുകയാണെന്നും പി.ഐ.ബി വ്യക്തമാക്കി. എ.എം.എസ്.എസ് ഇപ്പോൾ സാധാരണ നിലയിലായിട്ടുണ്ട്. ബാക്ക്ലോഗ് ഡാറ്റ കാരണം ഓട്ടോമേറ്റഡ് പ്രക്രിയകളിൽ ചെറിയ കാലതാമസം ഇപ്പോഴും ഉണ്ടായേക്കാം. വൈകാതെ എല്ലാം പൂർണതോതിൽ സാധാരണ നിലയിലാകുമെന്നും പി.ഐ.ബി അറിയിച്ചു. വിമാനക്കമ്പനികൾക്കും യാത്രക്കാർക്കും ഉണ്ടായ ബുദ്ധിമുട്ടിൽ എയർപോർട്ട് അതോറിറ്റി ഓഫ് ഇന്ത്യ ഖേദം പ്രകടിപ്പിച്ചു.

ഇ​ന്ന​ലെ​ ​രാ​വി​ലെ​ 8.34​ ​ഓ​ടെ​യാ​ണ് ​എ.​ടി.​സി​യി​ൽ​ ​സാ​ങ്കേ​തി​ക​ ​പ്ര​ശ്‌​ന​മു​ണ്ടെ​ന്ന് ​അ​ധി​കൃ​ത​ർ​ ​സ്ഥി​രീ​ക​രി​ച്ച​ത്.​ ​ ലോ​ക​ത്തി​ൽ​ ​ത​ന്നെ​ ​തി​ര​ക്കേ​റി​യ​ ​വി​മാ​ന​ത്താ​വ​ള​ങ്ങ​ളി​ലൊ​ന്നാ​ണ് ​ഡ​ൽ​ഹി​യി​ലേ​ത്.​ ​പ്ര​തി​ദി​നം​ ​ആ​യി​ര​ത്തി​ല​ധി​കം​ ​വി​മാ​ന​ ​സ​ർ​വീ​സു​ക​ളാ​ണ് ​ഇ​വി​ടെ​ ​ന​ട​ത്തു​ന്ന​ത്. സാ​ങ്കേ​തി​ക​ ​ത​ക​രാ​റി​നെ​ ​തു​ട​ർ​ന്ന് ​ ​വി​മാ​ന​ത്താ​വ​ള​ത്തി​ന്റെ​ ​പ്ര​വ​ർ​ത്ത​നം​ ​താ​റു​മാ​റാ​യി.​ ​ഇ​ന്ന​ലെ​ ​മാ​ത്രം​ 700​ലേ​റെ​ ​വി​മാ​ന​ ​സ​ർ​വീ​സു​ക​ളെ​ ​ബാ​ധി​ച്ചു. ചി​ല​ ​സ​ർ​വീ​സു​ക​ൾ​ ​റ​ദ്ദാ​ക്കി.​ ​ഇ​തോ​ടെ​ ​രാ​ജ്യ​ത്തി​ന​ക​ത്തും​ ​പു​റ​ത്തു​മു​ള്ള​ ​നി​ര​വ​ധി​ ​യാ​ത്ര​ക്കാ​ർ​ ​വ​ല​ഞ്ഞു. പ്ര​ശ്ന​ത്തെ​ത്തു​ട​ർ​ന്ന് ​ഡ​ൽ​ഹ​യി​ൽ​ ​നി​ന്ന് ​കൊ​ച്ചി​യി​ലേ​യ്ക്കു​ള്ള​ ​എ​യ​ർ​ ​ഇ​ന്ത്യ​ ​വി​മാ​ന​ങ്ങ​ൾ​ ​വൈ​കി.​ ​വ്യാ​ഴാ​ഴ്ച​ ​രാ​ത്രി​ 10.15​ന് ​കൊ​ച്ചി​യി​ലെ​ത്തേ​ണ്ട​ ​ജ​യ്‌​പൂ​ർ​ ​വി​മാ​നം​ ​ര​ണ്ട് ​മ​ണി​ക്കൂ​ർ​ ​വൈ​കി​യാ​ണെ​ത്തി​യ​ത്.​ ​പു​ല​ർ​ച്ചെ​ 3.20​ന് ​എ​ത്തേ​ണ്ട​ ​പൂ​നെ​ ​വി​മാ​നം​ ​രാ​വി​ലെ​ 5.05​നും​ 9.20​ന് ​എ​ത്തേ​ണ്ട​ ​ഡ​ൽ​ഹി​ ​വി​മാ​നം​ 10.40​നു​മാ​ണെ​ത്തി​യ​ത്.​ 8.15​ന് ​വ​രേ​ണ്ട​ ​ബ​ഹ്റൈ​നി​ൽ​ ​നി​ന്നു​ള്ള​ ​വി​മാ​നം​ ​ഉ​ച്ച​യ്ക്ക് 2.50​ആ​യി.​ ​ വൈ​കി​​​ട്ട് 3.10​ന് ​വ​രേ​ണ്ടി​യി​രു​ന്ന​ ​ദു​ബാ​യ് ​വി​മാ​നം​ ​എ​ത്തി​യ​പ്പോ​ൾ​ ​പു​ല​ർ​ച്ചെ​ ​നാ​ല​ര​യാ​യി.