പാലക്കാട്: കേരളപ്പിറവി ദിനത്തോടനുബന്ധിച്ച് കേരള ഖാദി ഗ്രാമ വ്യവസായ ബോർഡിന്റെ സ്‌പെഷ്യൽ റിബേറ്റ് മേളയ്ക്ക് തുടക്കമായി. നവംബർ അഞ്ച് വരെ നടക്കുന്ന മേളയിൽ ഖാദി തുണിത്തരങ്ങൾക്ക് 30% വരെ ഗവൺമെന്റ് റിബേറ്റ് അനുവദിച്ചിട്ടുണ്ട്. കോട്ട മൈതാനം, ടൗൺ ബസ് സ്റ്റാൻഡ് കോംപ്ലക്സ് എന്നിവിടങ്ങളിലെ ഖാദി ഗ്രാമ സൗഭാഗ്യ ഷോറൂമുകൾ , തൃത്താല, കുമ്പിടി, കൊല്ലങ്കോട് ഖാദി ഷോറൂമുകളിലും, മണ്ണൂർ, ശ്രീകൃഷ്ണപുരം, പട്ടഞ്ചേരി, കളപ്പെട്ടി, വിളയോടി, എലപ്പുള്ളി, കിഴക്കഞ്ചേരി, മലക്കുളം, ചിതലി ഗ്രാമശിൽപ്പകളിലും മേളകൾ സംഘടിപ്പിച്ചിട്ടുണ്ട്. ഫോൺ: 0491 2534392.