കൊല്ലം: ജനുവരി 19, 20 തീയതികളിൽ കൊല്ലത്ത് നടക്കുന്ന കേരള അഗ്രിക്കൾച്ചറൽ മിനിസ്റ്റീരിയൽ സ്റ്റാഫ് ഫെഡറേഷൻ അഞ്ചാം സംസ്ഥാന സമ്മേളന നടത്തിപ്പിനായി സംഘാടക സമിതി രൂപീകരിച്ചു. പി.എസ്.സുപാൽ എം.എൽ.എ ചെയർമാനും മനോജ് പുതുശേരി ജനറൽ കൺവീനറുമായി 251 അംഗ എക്സി. കമ്മിറ്റിയെ തിരഞ്ഞെടുത്തു. എ.ഐ.ടി.യു.സി ജില്ലാ സെക്രട്ടറി ജി.ബാബു ഉദ്ഘാടനം ചെയ്തു. ജോ. കൗൺസിൽ ചെയർമാൻ എസ്.സജീവ് മുഖ്യപ്രഭാഷണം നടത്തി. കാംസഫ് സംസ്ഥാന പ്രസിഡന്റ് സതീഷ് കണ്ടല അദ്ധ്യക്ഷനായി. ജോ. കൗൺസിൽ സംസ്ഥാന സെക്രട്ടേറിയറ്റ് അംഗം എൻ.കൃഷ്ണകുമാർ, സംസ്ഥാന കമ്മിറ്റി അംഗങ്ങളായ കെ.വിനോദ്, വി.ശശിധരൻപിള്ള, ആർ.സരിത, ജില്ലാ പ്രസിഡന്റ് സതീഷ്.കെ.ഡാനിയേൽ, വൈസ് പ്രസിഡന്റ് എസ്.ജുനിത, മേഖല പ്രസിഡന്റ് ശ്രീകുമാർ തുടങ്ങിയവർ സംസാരിച്ചു.