കൊ​ല്ലം: പോളയത്തോട്ടി​ലെ മാലിന്യപ്രശ്നം പരിഹരിക്കാൻ മെ​ക്ക​നൈ​സ്​​ഡ്​ എ​യ്റോ​ബി​ക്​ കമ്പോസ്റ്റ് യൂണിറ്റ് സജ്ജം. പോളയത്തോട് ശ്മശാനത്തിന് സമീപം ​കോ​ർ​പ്പറേ​ഷ​ന്റെ മേ​ൽ​നോ​ട്ട​ത്തി​ൽ ആധുനിക സംവിധാനങ്ങളോടെയാണ് ജൈവമാലിന്യ സംസ്കരണ യൂണിറ്റ് പൂർത്തി​യാക്കി​യത്.

കേരള ശുചിത്വ മിഷൻ സർവിസ് പ്രോവൈഡറായ, കൊല്ലം ആസ്ഥാനമായി പ്രവർത്തിക്കുന്ന ടെക് ഫാം ഇന്ത്യയാണ് പ്ലാന്റ് സ്ഥാപിച്ചു പ്രവർത്തിപ്പിക്കുന്നത്. ഡിസൈൻ ബിൽഡ് ഓപ്പറേറ്റ് മോഡലിലായി​രുന്നു നി​ർമ്മാണം. വൈദ്യുതി​ മാത്രമാണ് ഇനി ലഭിക്കാനുള്ളത്. അടുത്ത ആഴ്ചയോടെ പ്ലാന്റ് പൂർണ പ്രവർത്തനസജ്ജമാകും. ജൈവ​മാ​ലി​ന്യ സം​സ്​​ക​ര​ണം കൂ​ടു​ത​ൽ വേ​ഗ​ത്തിലും ശാ​സ്ത്രീ​യ​മാ​യും നി​ർ​വ​ഹി​ക്കാ​നാ​കും എ​ന്ന​താ​ണ്​ പ​ദ്ധ​തി​യു​ടെ പ്ര​ത്യേ​ക​ത. സു​ര​ക്ഷ ക്യാ​മ​റ, അലാറം എ​ന്നി​വയും ഉണ്ടാകും.

ചു​റ്റും മ​റ​ച്ചതും ആ​ധു​നി​ക രീ​തി​യി​ലുള്ളതും ശീ​തീ​ക​രി​ച്ചതുമായ പോ​ർ​ട്ട​ബി​ൾ ക​ണ്ടെ​യ്​​ന​ർ കാ​ബി​നു​ക​ളും അ​തി​നു​ള്ളി​ൽ ജൈ​വ​മാ​ലി​ന്യം സം​സ്ക​രി​ക്കു​ന്ന യ​ന്ത്ര​വും ആ​ണ്​ യൂ​ണിറ്റിന്റെ ഭാ​ഗ​മാ​യി സ്ഥാ​പി​ക്കു​ന്ന​ത്. മാ​ലി​ന്യ സം​സ്ക​ര​ണ യ​ന്ത്ര​ത്തി​ന്​ എ​ട്ട​ര അ​ടി നീ​ള​വും ര​ണ്ട​ടി വീ​തി​യും നാല​ടി ഉ​യ​രവുമുണ്ട്. മാ​ലി​ന്യം സം​സ്ക​രി​ക്കു​മ്പോ​ൾ ദു​ർ​ഗ​ന്ധ​മോ മ​ലി​ന​ജ​ല​മോ പു​റ​ത്തേ​ക്ക്​ വ​രി​ല്ല എന്നതും പ്രത്യേകതയാണ്.

സ​ർവീസ്​ ചാ​ർജുണ്ട്

ലാന്റിലേക്കുള്ള മാലിന്യ ശേഖരണത്തിനായി രണ്ട് ഓട്ടോ റിക്ഷകളുണ്ടാവും. 24 മണി​ക്കൂറും പ്രവർത്തി​ക്കുന്ന പ്ളാന്റി​ലേക്ക് വീടുകൾ, ആശുപത്രികൾ, ഹോട്ടലുകൾ എന്നി​വി​ടങ്ങളി​ൽ നിന്നെല്ലാം ജൈവമാലിന്യങ്ങൾ ശേഖരിക്കും. ഷിഫ്റ്റ് അടിസ്ഥാനത്തിൽ 2 ജീവനക്കാരെയാണ് നിലവിൽ നിയോഗിച്ചിട്ടുള്ളത്. ​വേ​ർ​തി​രി​ച്ച്​ എ​ത്തി​ക്കു​ന്ന ജൈ​വ​മാ​ലി​ന്യം മാത്രമേ സ്വീകരിക്കുകയുള്ളൂ. പ്ളാന്റി​ലേക്ക് നേരി​ട്ടും എത്തി​ക്കാം. ഇങ്ങനെ എത്തിക്കുന്നതിനും വീ​ടു​ക​ളി​ൽ എത്തി ശേഖരിക്കുന്നതിനും കിലോ ഗ്രാമിന് നിശ്ചിത തുക വെവ്വേറെ സർവീസ് ചാർജ് ഈടാക്കും.

..........................

 പ്രവർത്തന സമയം: രാവിലെ 7 മുതൽ 11 വരെയും വൈകിട്ട് 5 മുതൽ 10 വരെയും

 തരംതിരിച്ച ജൈവ മാലിന്യങ്ങൾ ഈ സമയങ്ങളിൽ വ്യക്തികൾക്ക് നേരിട്ട് എത്തിക്കാം

 നേരിട്ട് എത്തിക്കാൻ കഴിയാത്തവർക്ക് വാതിൽപ്പടി ശേഖരണ സൗകര്യവും ലഭ്യമാണ്.

 പ്രതിദിനം 3 ടൺ ജൈവമാലിന്യം ശാസ്ത്രീയമായി സംസ്കരിച്ച് വളമാക്കി മാറ്റാനാവും