കൊല്ലം: കടപ്പാക്കട പോസ്റ്റ് ഓഫീസ് റോഡി​ൽ കാൽനട യാത്രപോലും ദുസഹമായി​ട്ടും അധി​കൃതർ തി​രി​ഞ്ഞു നോക്കുന്നി​ല്ല. കടപ്പാക്കട ജംഗ്ഷനിലേക്ക് മറ്റു വാർഡുകളെ ബന്ധിപ്പിക്കുന്നതും ഏറ്റവും കൂടുതൽ വാഹനങ്ങളും കാൽനട യാത്രി​കരും ആശ്രയിക്കുന്നതുമായ റോഡിനാണ് ഈ ദുരവസ്ഥ. മഴക്കാലത്ത് വെള്ളക്കെട്ടായി മാറുന്ന റോഡിന് ഇരുവശവുമായി നിരവധി വീടുകളാണുള്ളത്.

ഈ റോഡിലൂടെയുള്ള യാത്രാദുരിതം സംബന്ധിച്ച് കടപ്പാക്കട നിവാസികളും യാത്രക്കാരും വാർഡ് കൗൺസിലർക്കും കൊല്ലം കോർപ്പറേഷനിലും പല തവണ പരാതികൾ നൽകിയിരുന്നു. പക്ഷേ, യാതൊരു നടപടികളും ഇന്നേവരെ ഉണ്ടായി​ട്ടി​ല്ല.

മഴക്കാലത്ത് കടപ്പാക്കട ജംഗ്ഷൻ ഭാഗത്ത് നിന്നുള്ള മുഴുവൻ വെള്ളവും ഈ റോഡിലൂടെ ഒഴുകുന്നതിനാൽ, ഇവി​ടത്തെ ചെറിയ കുഴികൾ പോലും ഗർത്തങ്ങളായി​ മാറി​ക്കൊണ്ടി​രി​ക്കുകയാണ്. റോഡിന്റെ നിലവിലെ അവസ്ഥ കാരണം രാത്രി യാത്രക്കാരാണ് ഏറെ വലയുന്നത്.

മഴക്കാലമായാൽ സ്കൂൾ കുട്ടികളും മുതിർന്നവരും ഉൾപ്പടെയുള്ള കാൽനടയാത്രക്കാർ ഏറെ പണിപ്പെട്ടാണ് ഇതുവഴി നടക്കുന്നത്. കടപ്പാക്കട പോസ്റ്റ് ഓഫീസ് റോഡ്, ആശ്രാമം, ഉളിയക്കോവിൽ എന്നിവി​ടങ്ങളി​ലേക്കുള്ള പ്രധാന ഗതാഗത മാർഗ്ഗമായതിനാൽ കടപ്പാക്കട അയ്യപ്പ ക്ഷേത്രത്തിലേക്കും കടപ്പാക്കട ജംഗ്ഷനിലേക്കും കടപ്പാക്കട മാർക്കറ്റിലേക്കും പോസ്റ്റ് ഓഫീസിലേക്കും ഉൾപ്പെടെ ദിവസേന നൂറുകണക്കിന് വാഹനങ്ങളും കാൽനട യാത്രി​കരും ഉപയോഗിക്കുന്ന പ്രധാനപ്പെട്ട റോഡാണിത്.

റോഡി​ന്റെ നി​ലവി​ലെ അവസ്ഥ അതീവ ദയനീയവും അപകടകരവുമാണ്. ടാറിംഗ് പൊട്ടിപ്പൊളിഞ്ഞ് നിറയെ കുഴികൾ രൂപപ്പെട്ട റോഡിന്റെ നവീകരണ പ്രവർത്തനങ്ങൾ അടിയന്തിരമായി ആരംഭിക്കണം

നാട്ടുകാർ