കൊല്ലം: ജില്ലാ പഞ്ചായത്ത് ആധുനിക സൗകര്യങ്ങളോടെ നവീകരിച്ച ആസ്ഥാന മന്ദിരം ഉദ്ഘാടനം ഇന്ന് രാവിലെ 10ന് നിയമസഭാ സ്പീക്കർ എ.എൻ.ഷംസീർ നിർവഹിക്കും. ജില്ലാ പഞ്ചായത്ത് പ്രസിഡന്റ് പി.കെ ഗോപൻ അദ്ധ്യക്ഷനാകും. ഒ.എൻ.വി പ്രതിമ അനാച്ഛാദനം, കാവ്യമണ്ഡപം ഉദ്ഘാടനം മന്ത്രി കെ.എൻ.ബാലഗോപാൽ നിർവഹിക്കും. പ്രോഗ്രസ് റിപ്പോർട്ട്, ഡോക്യുമെന്ററി പ്രകാശനം മന്ത്രി ജെ.ചിഞ്ചുറാണി നിർവഹിക്കും. കളക്ടർ എൻ.ദേവിദാസ് മുഖ്യാതിഥിയാകും. ജില്ലാ പഞ്ചായത്ത് വൈസ് പ്രസിഡന്റ് ശ്രീജ ഹരീഷ്, സ്ഥിരം സമിതി അദ്ധ്യക്ഷരായ നജീബത്ത്, വസന്ത രമേശ്, കെ.അനിൽ കുമാർ, അഡ്വ. എസ്.അനിൽ കല്ലേലിഭാഗം, ജില്ലാ പഞ്ചായത്തംഗങ്ങൾ, സെക്രട്ടറി ടി.കെ.സയൂജ തുടങ്ങിയവർ പങ്കെടുക്കും.