തിരുവനന്തപുരം: തദ്ദേശ തിരഞ്ഞെടുപ്പ് പ്രഖ്യാപിക്കുന്നതിന് മുൻപ് സംസ്ഥാനത്ത് ആദ്യമായി സ്ഥാനാർത്ഥിപ്പട്ടിക പ്രഖ്യാപിച്ച് കോൺഗ്രസ്. തിരുവനന്തപുരം കോർപ്പറേഷനിലെ 48 കോൺഗ്രസ് സ്ഥാനാർത്ഥികളെയാണ് തിരഞ്ഞെടുപ്പ് ചുമതലയുള്ള കോൺഗ്രസ് നേതാവ് കെ.മുരളീധരൻ പ്രഖ്യാപിച്ചത്.

മുൻ എം.എൽ.എയും കോൺഗ്രസ് നേതാവ് ജി.കാർത്തികേയന്റെ മകനുമായ കെ.എസ്.ശബരീനാഥനാണ് മേയർ സ്ഥാനാർത്ഥി. മറ്റ് രണ്ട് മുന്നണികളും ഘടകകക്ഷികളുമായുള്ള ചർച്ചകൾപോലും പൂർത്തിയാക്കിയിട്ടില്ല. ഇതിന് മുൻപുതന്നെ കോൺഗ്രസ് പകുതിയിലേറെ സ്ഥാനാർത്ഥികളെ പ്രഖ്യപിച്ചുകഴിഞ്ഞു. ശേഷിക്കുന്ന സ്ഥാനാർത്ഥികളെ ചൊവ്വാഴ്ച പ്രഖ്യാപിക്കും.28 വനിതകളാണ് ആദ്യ പട്ടികയിലുള്ളത്.
യുവനേതാക്കൾക്കും വനിതകൾക്കും പ്രാമുഖ്യമുള്ള പട്ടികയാണ് പ്രഖ്യാപിച്ചത്.സംവരണം നോക്കാതെ വനിതകളെ ജനറൽ സീറ്റിൽ മത്സരിപ്പിക്കാനും തീരുമാനിച്ചിട്ടുണ്ട്.101 സീറ്റുള്ള കോർപ്പറേഷനിൽ ഭരണം പിടിക്കാനുള്ള ശ്രമമാണ് നടത്തുന്നതെന്ന് കെ.മുരളീധരൻ വാർത്താസമ്മേളനത്തിൽ പറഞ്ഞു.കഴിഞ്ഞ തവണ യു.ഡി.എഫ് പത്ത് വാർഡുകളിലാണ് ജയിച്ചത്.ആക്കുളം വാർഡിൽ നിലവിലെ കൗൺസിലർ ആക്കുളം സുരേഷിന്റെ ഭാര്യ സുധാകുമാരി സുരേഷാകും കോൺഗ്രസ് സ്ഥാനാർത്ഥി. ഉള്ളൂർ – ജോൺസൺ ജോസഫ്, കഴക്കൂട്ടം – എം.എസ്.അനിൽകുമാർ, പൗഡിക്കോണം – ഗാന്ധി സുരേഷ്,ചേങ്കോട്ടുകോണം – വി.ഐ.സരിത,മണ്ണന്തല – വനജ രാജേന്ദ്രബാബു,ഗൗരീശപട്ടം – സുമ, പേട്ട – ഡി. അനിൽകുമാർ, നാലാഞ്ചിറ – ത്രേസ്യാമ്മ പീറ്റർ, മണക്കാട് – ലേഖ സുകുമാരൻ, കുടപ്പനക്കുന്ന് – അനിത എന്നിവർ സ്ഥാനാർത്ഥികളാകും. പാളയം വാർഡിൽ തിരുവനന്തപുരം മുൻ എം.പി എ.ചാൾസിന്റെ മരുമകൾ ഷേർളിയാകും മത്സരിക്കുക. തൈക്കാട് വാർഡിൽ സി.എം.പി ജില്ലാ സെക്രട്ടറി എം.ആർ.മനോജാകും സ്ഥാനാർത്ഥി. സി.എം.പിയുടെ മറ്റൊരു വാർഡായ ഇടവക്കോട് മുൻ കൗൺസില‌ർ വി.ആർ.സിനിയാകും മത്സരിക്കുന്ന പ്രമുഖർ.

വാർഡ്: സ്ഥാനാർത്ഥിയുടെ പേര്

കഴക്കൂട്ടം : എം.എസ്. അനിൽകുമാർ

കാട്ടായിക്കോണം : സുചിത്ര എ

പൗഡിക്കോണം : ഗാന്ധി സുരേഷ്

ചേങ്കോട്ടുകോണം : സരിത വി.ഐ

കാര്യവട്ടം : ജയന്തി

പാങ്ങപ്പാറ : നീതുരഘുവരൻ

പാതിരിപ്പള്ളി : എസ്.പി. സജികുമാർ

അമ്പലമുക്ക് : അഖില എ

കു‌ടപ്പനക്കുന്ന് : എസ്. അനിത

നെട്ടയം : ആശ മുരളി

കാച്ചാണി : രാജി എസ്.ബി

വാഴോട്ടുകോണം : പി. സദാനന്ദൻ

കൊടുങ്ങാനൂർ : എസ്.പി. കൃഷ്ണൻ നായർ

വട്ടിയൂർക്കാവ് : ഉദയകുമാർ എസ്

കാഞ്ഞിരംപാറ : എസ്. രവീന്ദ്രൻ നായർ

പേരൂർക്കട : ജി. ഗോപൻ

കവടിയാർ : കെ.എസ്. ശബരിനാഥൻ

മുട്ടട : വൈഷ്ണ സുരേഷ്

ചെട്ടിവിളാകം : ബി. കൃഷ്ണകുമാർ

കിണവൂർ : ബി. സുഭാഷ്

നാലാഞ്ചിറ : ത്രേസ്യാമ്മ തോമസ്

ഉള്ളൂർ : ജോൺസൺ ജോസഫ്

മെഡിക്കൽ കോളേജ് : ആശ വി.എസ്

പട്ടം : രേഷ്മ പി

കേശവദാസപുരം : അനിത അലക്സ്

ഗൗരീശപട്ടം : സുമ വർഗീസ്

കുന്നുകുഴി : മേരിപുഷ്പം

നന്തൻകോട് : എ. ക്ളീറ്റസ്

പാളയം : എസ്. ഷെർളി

വഴുതക്കാട് : നീതു വിജയൻ

ശാസ്തമംഗലം : സരള റാണി എഭ്

പാങ്ങോട് : ആർ. നാരായണൻ തമ്പി

തിരുമല : മഞ്ജുള ദേവി

തൃക്കണ്ണാപുരം : ജോയ് ജേക്കബ്

പുന്നയ്ക്കാമുകൾ : ശ്രീജിത്ത്

പൂജപ്പുര : അംബിക കുമാരി അമ്മ

എസ്റ്റേറ്റ് : ആർ.എം. ബൈജു

പൊന്നുമംഗലം : എസ്.എസ്. സുജി

തിരുവല്ലം : തിരുവല്ലം ബാബു

വലിയതുറ : ഷീബ പാട്രിക്

ആറ്റുകാൽ : അനിതകുമാരി

മണക്കാട് : ലേഖ സുകുമാരൻ

പേട്ട : ഡി. അനിൽകുമാർ

അണമുഖം : ജയകുമാരി ടീച്ചർ

ആക്കുളം : സുധാകുമാരി സുരേഷ്

കുഴിവിള : അനിൽ അംബു

കുളത്തൂർ : അംബിക ആർ

പള്ളിത്തുറ : ദീപ ഹിജിനസ്