തിരുവനന്തപുരം: ശബരിമല ശ്രീകോവിലിലെ സ്വർണക്കൊള്ള കേസിൽ നിർണായക അറസ്റ്റുകൾ ഉടനുണ്ടാവും. പ്രത്യേക അന്വേഷണ സംഘം അതിലേക്കാണ് നീങ്ങുന്നത്. ദേവസ്വം ബോർഡിലെ ഉന്നതർക്ക് കൊള്ളയിൽ പങ്കുണ്ടെന്ന് വ്യക്തമായിട്ടുണ്ട്. സ്വ​ർ​ണം​ ​പൊ​തി​ഞ്ഞ​ ​ക​ട്ടി​ള​പ്പാ​ളി​ ​ചെ​മ്പു​പാ​ളി​യാ​ണെ​ന്ന് ​എ​ഴു​തി​യ​ത് 2019​ ​മാ​ർ​ച്ച് 19​ന് ​അ​ന്ന​ത്തെ​ ​ദേ​വ​സ്വം​ ​ക​മ്മി​ഷ​ണ​റു​ടെ​ ​ശു​പാ​ർ​ശ​യി​ലെ​ന്നാണ് ​അ​ന്വേ​ഷ​ണ​ ​സം​ഘത്തിന്റെ​ ​കണ്ടെത്തൽ. പി​ന്നീ​ട് ​ബോ​ർ​ഡ് ​പ്ര​സി​ഡ​ന്റാ​യ​ ​എ​ൻ.​വാ​സു​വാ​യി​രു​ന്നു​ 2019​ ​മാ​ർ​ച്ച് 31​ ​വ​രെ​ ​ദേ​വ​സ്വം​ ​ക​മ്മി​ഷ​ണ​ർ.

സി.​പി.​എം​ ​പ​ത്ത​നം​തി​ട്ട​ ​ജി​ല്ലാ​ക്ക​മ്മി​റ്റി​ ​അം​ഗം​ ​എ.​പ​ത്മ​കു​മാ​ർ​ ​പ്ര​സി​ഡ​ന്റാ​യ​ ​അ​ന്ന​ത്തെ​ ​ബോ​ർ​ഡ് ​അം​ഗ​ങ്ങ​ളു​ടെ​ ​അ​റി​വോ​ടെ​യാ​ണ് ​ക​ട്ടി​ള​പ്പാ​ളി​ ​പു​റ​ത്തു​ കൊ​ണ്ടു​പോ​യ​തെ​ന്ന് ​അന്വേഷണസംഘം കോടതിയെ അറിയിച്ചിട്ടുണ്ട്. ഉന്നതരുടെ അറസ്റ്റിലേക്ക് എസ്.ഐ.ടി നീങ്ങുമെന്നാണ് സൂചന. ഹൈക്കോടതിയിൽ നൽകുന്ന അന്വേഷണ പുരോഗതി റിപ്പോർട്ടിൽ ഇക്കാര്യങ്ങൾ വിശദീകരിക്കും.സ്വ​ർ​ണം​ ​പൊ​തി​ഞ്ഞ​ ​ക​ട്ടി​ള​പ്പാ​ളി​ക്ക് 42.100​ ​കി​ലോ​ ​ഭാ​ര​മു​ണ്ടാ​യി​രു​ന്നു.​ ​സ്മാ​ർ​ട്ട് ​ക്രി​യേ​ഷ​ൻ​സി​ലെ​ത്തി​ച്ച് ​ഇ​തി​ൽ​ ​നി​ന്ന് 409​ ​ഗ്രാം​ ​സ്വ​ർ​ണം​ ​വേ​ർ​തി​രി​ച്ചു. ഈ കേസിൽ കസ്റ്റഡിയിലുള്ള ഉണ്ണികൃഷ്ണൻ പോറ്റിയിൽ നിന്ന് നിർണായക വിവരങ്ങൾ എസ്.ഐ.ടിക്ക് ലഭിച്ചിട്ടുണ്ട്. സംശയനിഴലിലുള്ള കൽപ്പേഷ്, ഗോവർദ്ധൻ, സ്മാർട് ക്രിയേഷൻ സി.ഇ.ഒ പങ്കജ് ഭണ്ഡാരി എന്നിവരെ വീണ്ടും ചോദ്യം ചെയ്യും. കട്ടിളയിലെ സ്വർണ കവർന്ന കേസിൽ അന്നത്തെ ദേവസ്വം ബോർഡ് എട്ടാം പ്രതിയാണ്.