നിർമ്മാണം അൻവർ റഷീദ്
രോമാഞ്ചത്തിനു ശേഷം ജിതു മാധവൻ സംവിധാനം ചെയ്യുന്ന ചിത്രത്തിൽഫഹദ് ഫാസിൽ നായകൻ. നിർമ്മാതാവ് അൻവർ റഷീദും ഫഹദും വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. അൻവർ റഷീദ് എന്റർടെയ്ൻമെന്റ്സ് നിർമ്മിക്കുന്ന നാലാമത്തെ ചിത്രമാണിത്. ചിത്രീകരണം മാർച്ചിൽ ആരംഭിക്കും. അൻവർ റഷീദ് ആദ്യമായി നിർമ്മിച്ച ബാംഗ്ളൂർ ഡെയ്സിൽ ഫഹദ് പ്രധാന വേഷത്തിൽ എത്തിയിരിന്നു.
അൻവർ നിർമ്മിച്ച് സംവിധാനം ചെയ്ത ട്രാൻസ് എന്ന ചിത്രത്തിലുംഫഹദ് ആയിരുന്നു നായകൻ. അതേസമയം അണിയറയിൽ നിരവധി ഫഹദ് ഫാസിൽ ചിത്രങ്ങളാണ് ഒരുങ്ങുന്നത്. കന്നട സംവിധായകൻ പവൻ കുമാർ സംവിധാനം ചെയ്യുന്ന ധൂമം ഫഹദ് പൂർത്തിയാക്കി. മാരി സെൽവരാജ് സംവിധാനം ചെയ്യുന്ന മാമന്നൻ, തെലുങ്കിൽ പുഷ്പ- ദ റൂൾ എന്നീ ചിത്രങ്ങളുണ്ട്. വിജയ് - ലോകേഷ് കനകരാജ് ചിത്രത്തിൽ അഭിനയിക്കുന്നുണ്ടെന്ന് ഫഹദ് വെളിപ്പെടുത്തിയിട്ടുണ്ട്. അഖിൽ സത്യൻ രചനയും സംവിധാനവും നിർവഹിക്കുന്ന പാച്ചുവും അത്ഭുത വിളക്കുമാണ് റിലീസിന് ഒരുങ്ങുന്ന ചിത്രം. പുതുമുഖം അഞ്ജന ജയപ്രകാശ് ആണ് നായിക. പാച്ചുവും അത്ഭുത വിളക്കും വിഷുവിന് റിലീസ് ചെയ്യും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |