അമ്മ ശ്രീദേവിയെയും ചേച്ചി ജാൻവി കപൂറിനെയും പോലെ അഭിനയമാണ് തന്റെ വഴിയെന്ന് ഖുഷി കപൂർ തീരുമാനിച്ചു. ഖുഷി ആദ്യമായി അഭിനയിക്കുന്ന ദ് ആർച്ചീസ്എന്ന ബോളിവുഡ് ചിത്രം ഉടൻ പുറത്തിറങ്ങും. ഷാരൂഖ് ഖാന്റെ മകൾ സുഹാന ഖാൻ അമിതാഭ് ബച്ചന്റെ ചെറുമകൻ അഗസ്ത്യ നന്ദ എന്നിവരോടൊപ്പമാണ് പതിനെട്ടുകാരിയായ ഖുഷിയുടെ അരങ്ങേറ്റം. വെറോനിക്ക എന്ന കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്. ഒ.ടി.ടി പ്ളാറ്റ്ഫോമായ നെറ്റ്ഫ്ളിക്സിലൂടെയാണ് റിലീസ്. ഖുഷികപൂർ അഭിനയരംഗത്തു എത്തുമെന്ന് കഴിഞ്ഞ വർഷം അച്ഛൻ ബോണി കപൂറാണ് ആദ്യമായി വെളിപ്പെടുത്തുന്നത്. ദ് ആർച്ചീസിന്റെ ട്രെയിലർ കഴിഞ്ഞ ദിവസം പുറത്തിറങ്ങിയപ്പോൾ മികച്ച അഭിപ്രായമാണ് നേടുന്നത്. അമ്മ ശ്രീദേവിയെപ്പോലെ മികച്ച അഭിനേത്രിയായി ജാൻവി മാറുമെന്ന് വിലയിരുത്തിയ ആരാധകർ, ഖുഷിയും അതേപോലെതന്നെ എന്നു ഉറപ്പിക്കുന്നു. ഖുഷിയുടെ ആദ്യ ചിത്രം പ്രേക്ഷകർ ഏറ്റെടുക്കാൻ പോകുന്നതിന്റെ ആവേശത്തിലാണ് കപൂർ കുടുംബം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |