മിന്നുന്ന പ്രകടനത്തിൽ ആശ ശരത്
ജോജു ജോർജിന്റെ മികച്ച കഥാപാത്രമായി കാർലോസുംമികച്ച സിനിമയായി പീസും മാറുന്നു.ചിരി സംഭാഷണങ്ങളും ഒരുപാട് രസങ്ങളും ത്രില്ലിംഗ് അനുഭവവും പീസ് സമ്മാനിക്കുന്നുണ്ട്.
ഫുഡ് ഡെലിവറിക്കൊപ്പം അല്പസ്വല്പം കഞ്ചാവ് വില്പനയുമൊക്കെയുള്ള കഥാപാത്രമാണ് ജോജു ജോർജിന്റേത്.ജോജു ജോർജിന്റെ മകളാണ് രേണുക.
ഒരു ദിവസം തന്റെ പ്രണയം രേണുക അച്ഛനോട് വെളിപ്പെടുത്തുന്നു. കാർലോസിനൊപ്പം മദ്യപിക്കുന്ന ജിബ്രാനാണ് രേണുകയുടെകാമുകൻ. രേണുവിനൊപ്പം നഴ്സായി ജോലിചെയ്യുകയാണ് ജിബ്രാൻ. വളരെ രസകരമായാണ് ഇവരുടെ പ്രണയം അവതരിപ്പിച്ചിരിക്കുന്നത്. രേണു അദിതി രവിയും ജിബ്രാൻ ഷാലു റഹിമും ആണ്.
കാർലോസിന്റെ കാമുകി ജലജയായി ആശ ശരത് എത്തുന്നു. വളരെ തന്മയത്വത്തോടെയും രസകരമായുമാണ് ജോജു ജോർജ് കഥാപാത്രത്തെ മുഴുനീള അവതരിപ്പിക്കുന്നത്. ജോജു ജോർജിനൊപ്പം മിന്നുന്ന പ്രകടനമാണ് ആശ ശരത്ത് നടത്തുന്നത്. ആശ ശരത്തിന്റെ മികച്ച കഥാപാത്രമായിരിക്കും ജലജ.
പൊലീസ് ഇൻസ്പെക്ടർ ഡിക്സനെ അനിൽ നെടുമങ്ങാട് തനതു ശൈലിയിൽ അവതരിപ്പിച്ചു. രസികത്തം നിറഞ്ഞ രൂപഭാവങ്ങളിൽ സിദിഖ്, രമ്യനമ്പീശന്റെ ഡോ. ഏഞ്ചൽ എന്നിവരും മികച്ചുനിന്നു. വിജിലേഷിന്റെ കഥാപാത്രവും മികച്ചത്.
നവാഗതനായ സൻഫീർ കെ. ആണ് കഥയും സംവിധാനവും നിർവഹിക്കുന്നു. സഫർ സനൽ, രമേഷ് ഗിരിജ എന്നിവർ ചേർന്നാണ് രചന. ജുബൈർ മുഹമ്മദ് തന്റെ കാമറക്കണ്ണിലൂടെ കളർഫുള്ളായി ചിത്രത്തെ പ്രേക്ഷകർക്ക് കാട്ടി തരുന്നു.ജോജു പാടിയ ഗാനം അനുയോജ്യമായിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |