ബാർ ലൈസൻസ് നിബന്ധനയ്ക്ക് വിധേയമായി പുതുക്കാം

തിരുവനന്തപുരം: പുതിയ മദ്യനയം പുറത്തിറക്കാൻ വൈകുന്നതിനാൽ സംസ്ഥാനത്തെ ബാറുകളുടെ ലൈസൻസ് പുതുക്കി നൽകാൻ എക്സൈസ് കമ്മീഷണർ എക്സൈസ് ഡെപ്യൂട്ടി കമ്മീഷണർമാർക്കും നിർദ്ദേശം നൽകി. 30 ലക്ഷമാണ് നിലവിലെ ലൈസൻസ് ഫീസ്. പുതിയ മദ്യനയത്തിൽ ഫീസ് വർദ്ധനയുണ്ടായാൽ ലൈസൻസികൾ ആ തുക കൂടി അടയ്ക്കണം. ഇതിനായി ലൈസൻസ് പുതുക്കുമ്പോൾ 200 രൂപ മുദ്രപ്പത്രത്തിൽ സത്യവാങ്മൂലം നൽകണം.

കള്ള് ഷാപ്പുകളുടെ ലൈസൻസ് പുതുക്കുമ്പോൾ ഷാപ്പ് ഒന്നിന് 1000 അധികം നൽകേണ്ടിവരും. തൊഴിലാളി സമിതികളാണ് നടത്തുന്നതെങ്കിൽ 250 രൂപ മതി. ബിയർ-വൈൻ പാർലറുകൾ പ്രവർത്തിക്കാതിരുന്ന 2020 മാർച്ച് 24 മുതൽ മെയ് 21 വരെയുള്ള ദിവസങ്ങളിലെ ആനുപാതിക ലൈസൻസ് ഫീസ് 2022-23 വർഷത്തെ ലൈസൻസ് പുതുക്കുമ്പോൾ അർഹതപ്പെട്ടവർക്ക് പുതുക്കി നൽകാനും നിർദ്ദേശമുണ്ട്.