കൊച്ചി: സംസ്ഥാനത്തെ മികച്ച ജില്ലാ ലീഗൽ സർവീസസ് അതോറിറ്റിക്കുള്ള അവാർഡ് എറണാകുളം ജില്ലാ ലീഗൽ സർവീസസ് അതോറിറ്റിക്ക് ലഭിച്ചു. ഭിന്നശേഷിക്കാർ, ആദിവാസികൾ, മുതിർന്ന പൗരന്മാർ, ട്രാൻസ്ജെൻഡർമാർ തുടങ്ങിയവർക്കുള്ള പ്രവർത്തനങ്ങൾ പരിഗണിച്ചാണ് എറണാകുളം ഡി.എൽ.എസ്.എയെ അവാർഡിന് തിരഞ്ഞെടുത്തത്. രണ്ടാംസ്ഥാനം തിരുവനന്തപുരത്തിനും മൂന്നാംസ്ഥാനം മഞ്ചേരിക്കും (മലപ്പുറം ജില്ല) ലഭിച്ചു.
ഹൈക്കോടതി ഓഡിറ്റോറിയത്തിൽ നടന്ന ചടങ്ങിൽ കെൽസ എക്സിക്യുട്ടീവ് ചെയർമാനും കേരള ഹൈക്കോടതി ജഡ്ജിയുമായ ജസ്റ്റിസ് എ. മുഹമ്മദ് മുഷ്താഖ് അവാർഡുകൾ വിതരണം ചെയ്തു. എറണാകുളം പ്രിൻസിപ്പൽ ജില്ലാജഡ്ജിയും ചെയർപേഴ്സനുമായ ഹണി എം. വർഗീസ്, സബ് ജഡ്ജിയും ഡി.എൽ.എസ്.എ സെക്രട്ടറിയുമായ രഞ്ജിത്ത് കൃഷ്ണൻ എന്നിവർ അവാർഡ് ഏറ്റുവാങ്ങി. ജസ്റ്റിസ് സി.എസ്. ഡയസ്, ജസ്റ്റിസ് മേരി ജോസഫ്, ജസ്റ്റിസ് വി. ശ്യാംകുമാർ, ജില്ലാ ജഡ്ജിയും കെൽസ മെമ്പർ സെക്രട്ടറിയുമായ ജോഷി ജോൺ, ജില്ലാ ജഡ്ജിയും എ.ഡി.ആർ ഡയറക്ടറുമായ എ. ജുബിയ എന്നിവർ സംസാരിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |