തിരുവനന്തപുരം: നഴ്സിംഗിൽ ബിരുദമോ ഡിപ്ലോമയോ ഉള്ള, ഒരു വർഷത്തെ പ്രവൃത്തി പരിചയം നേടിയ 300 പേർക്ക് ജർമ്മനിയിൽ നിയമനം നൽകും. നോർക്ക റൂട്ട്സും ജർമ്മൻ ഫെഡറൽ എംപ്ലോയ്മെന്റ് ഏജൻസിയും ജർമ്മൻ ഏജൻസി ഫോർ ഇന്റർനാഷണൽ കോ ഓപ്പറേഷനും സംയുക്തമായി നടത്തുന്ന ട്രിപ്പിൾ വിൻ പ്രോഗ്രാമിന്റെ രണ്ടാംഘട്ടത്തിലാണിത്. സ്ത്രീകൾക്കും പുരുഷൻമാർക്കും 16 മുതൽ അപേക്ഷിക്കാം. പ്രായപരിധിയില്ല. 25 ആണ് അവസാന തീയതി. www.norkaroots.org എന്ന സൈറ്റ് വഴി അപേക്ഷിക്കാം.
നവംബർ 1 മുതൽ 11 വരെ തിരുവനന്തപുരത്ത് ജർമ്മൻ പ്രതിനിധികൾ നേരിട്ടെത്തി അഭിമുഖം നടത്തും. തിരഞ്ഞെടുക്കപ്പെടുന്നവർക്ക് ജർമ്മൻ ഭാഷാ എ 1 /എ 2/ ബി 1 ലെവൽ പരിശീലനം കേരളത്തിൽ നൽകും. എ 2 ലെവലും ബി 1 ലെവലും ആദ്യശ്രമത്തിൽ നേടുന്നവർക്ക് 250 യൂറോ വീതം ബോണസ് ലഭിക്കും. തുടർന്ന് ജർമ്മനിയിലെ ആരോഗ്യമേഖലയിൽ അസിസ്റ്റന്റ് നഴ്സുമാരാകാം. ജർമ്മൻ ഭാഷാ ബി 2 ലെവൽ പാസായി അംഗീകാരം ലഭിക്കുമ്പോൾ രജിസ്റ്റേർഡ് നഴ്സാകാം. അപേക്ഷകർ നിലവിൽ വിദേശത്ത് ജോലി ചെയ്യുന്നവരോ സാധുവായ വിസ ഉള്ളവരോ ആകരുത്. ആറുമാസമായി ഇന്ത്യയിൽ സ്ഥിരതാമസക്കാരാകണം. പദ്ധതിയുടെ ആദ്യഘട്ടത്തിൽ ഷോർട്ട് ലിസ്റ്റിൽ ഉൾപ്പെടാതെ പോയവർക്കും അപേക്ഷിക്കാം.
ഫെഡറൽ ബാങ്കിൽ
തൊഴിലവസരം
കൊച്ചി: ഫെഡറൽ ബാങ്ക് അസിസ്റ്റന്റ് മാനേജർ (ഐ.ടി) തസ്തികയിലേക്ക് അപേക്ഷ ക്ഷണിച്ചു. ബി.ഇ/ ബി.ടെക്., ബി.എസ്സി (ഐ.ടി/ കമ്പ്യൂട്ടർ സ്പെഷ്യലൈസേഷൻ), ബി.സി.എ എന്നിവയോ എം.ഇ/ എം.ടെക്., എം.എസ്സി (ഐ.ടി/ കമ്പ്യൂട്ടർ സ്പെഷ്യലൈസേഷൻ), എം.സി.എ എന്നിവയോ ഉള്ളവർക്ക് അപേക്ഷിക്കാം.
സോഫ്റ്റ്വെയർ ഡെവലപ്മെന്റ്/ നെറ്റ്വർക്ക് അഡ്മിനിസ്ട്രേഷൻ/ സിസ്റ്റം അഡ്മിനിസ്ട്രേഷൻ എന്നിവയിൽ ഏതിലെങ്കിലും കുറഞ്ഞത് രണ്ടുവർഷത്തെ പ്രവൃത്തിപരിചയം വേണം. വിവരങ്ങൾക്ക് www.federalbank.co.in/career അപേക്ഷിക്കേണ്ട സ്വീകരിക്കുന്ന അവസാന തീയതി ആഗസ്റ്റ് 15.
പത്താം ക്ളാസ് കഴിഞ്ഞവർക്ക്
സി.ഇ.ടിയിൽ പരിശീലനം
തിരുവനന്തപുരം: തിരുവനന്തപുരം എൻജിനീയറിംഗ് കോളേജിലെ സിവിൽ വിഭാഗത്തിൽ പത്താം ക്ളാസ് യോഗ്യതയുള്ളവർക്കുള്ള ടോട്ടൽ സ്റ്റേഷൻ ട്രെയിനിംഗ് കോഴ്സ് ആഗസ്റ്റ് 29 ന് തുടങ്ങും. മുപ്പതു മണിക്കൂർ ദൈർഘ്യമുള്ള കോഴ്സാണിത്. വിശദവിവരങ്ങൾക്ക്: 9447750226, 9495242979
ജൈവവൈവിദ്ധ്യ ബോർഡിൽ
ജില്ലാ കോർഡിനേറ്ററാകാം
തിരുവനന്തപുരം: കേരള സംസ്ഥാന ജൈവവൈവിദ്ധ്യ ബോർഡിൽ തിരുവനന്തപുരം, തൃശൂർ, പാലക്കാട്, മലപ്പുറം, കണ്ണൂർ ജില്ലകളിൽ ജില്ലാ കോ-ഓർഡിനേറ്ററുടെ താത്കാലിക ഒഴിവുണ്ട്. അതത് ജില്ലകളിലുള്ളവർക്ക് 16ന് മുമ്പ് ഓൺലൈനിൽ അപേക്ഷ നൽകാം. വിശദവിവരങ്ങൾക്ക്: www.keralabiodiversity.org, ഫോൺ: 0471-2724740.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |