സുകുമാരൻ നായർക്കെതിരെ ആലപ്പുഴയിലും പോസ്​റ്റർ

ആലപ്പുഴ: ശബരിമല വിഷയത്തിലെ സർക്കാർ അനുകൂല നിലപാടിന്​ പിന്നാലെ എൻ.എസ്​.എസ്​ ജനറൽസെക്രട്ടറി ജി.സുകുമാരൻ നായർക്കെതിരെ ആലപ്പുഴയിലും പോസ്​റ്റർ പ്രതിഷേധം. ആലപ്പുഴ നൂറനാട് പണയിൽവിലാസം,കുട്ടനാട്ടിലെ മങ്കൊമ്പ് കോട്ടഭാഗം,അമ്പലപ്പുഴ കരുമാടി 693ാം നമ്പർ കിഴക്കേമുറി എന്നീ കരയോഗ ഓഫീസുകൾക്ക് മുന്നിലാണ് ബാനറുകൾ. സ്വന്തം കാര്യത്തിനുവേണ്ടി അയ്യപ്പഭക്തരെയും എൻ.എസ്.എസിനെയും പിന്നിൽ നിന്ന് കുത്തിയെന്നും സുകുമാരൻനായർ രാജിവെയ്ക്കണമെന്നും ആവശ്യപ്പെട്ടാണ് ബാനർ. എന്നാൽ,​ കരയോഗമല്ല ബാനൽ സ്ഥാപിച്ചതെന്നും ജി.സുകുമാരൻ നായരോട് എതിർപ്പുള്ളവരാണെന്നും ഭാരവാഹികൾ പറഞ്ഞു. അമ്പലപ്പുഴ താലൂക്ക് യൂണിയൻ പ്രസിഡന്റ് ഡോ.ഗംഗാദത്തൻ നായരുടെ കരയോഗമാണ് കരുമാടി കിഴക്കേമുറി.