കൊച്ചി: കഴിഞ്ഞ സാമ്പത്തികവർഷം (2021-22) സംസ്ഥാന പൊതുമേഖലാ സ്ഥാപനങ്ങൾ വിറ്റുവരവിലും ലാഭത്തിലും കുറിച്ചത് എക്കാലത്തെയും ഉയർന്നനേട്ടം. 41 സംസ്ഥാന പൊതുമേഖലാ സ്ഥാപനങ്ങളുടെയും ആകെ വിറ്റുവരവ് 3,884.06 കോടി രൂപയാണ്. മുൻവർഷത്തേക്കാൾ 562.69 കോടി രൂപ (16.94 ശതമാനം) അധികം. നികുതിയും പലിശബാദ്ധ്യതയും ഒഴിവാക്കാതെയുള്ള ലാഭമായ പ്രവർത്തനലാഭം 245.62 ശതമാനം ഉയർന്ന് 384.60 കോടി രൂപയായി.
തിളങ്ങി 20 കമ്പനികൾ
41 പൊതുമേഖലാ സ്ഥാപനങ്ങളിൽ 20 എണ്ണം കഴിഞ്ഞവർഷം ലാഭത്തിലായി. 16 സ്ഥാപനങ്ങളായിരുന്നു മുൻവർഷം ലാഭം നേടിയത്. വിറ്റുവരവിലും പ്രവർത്തനലാഭത്തിലും ചവറ കെ.എം.എം.എല്ലിനൊപ്പം നാല് സ്ഥാപനങ്ങൾ കൂടി സർവകാലനേട്ടം സ്വന്തമാക്കി. കെ.എം.എം.എല്ലാണ് മുന്നിൽ; വിറ്റുവരവ് 1058 കോടി, ലാഭം 332.20 കോടി.
എക്കാലത്തെയും മികച്ച പ്രകടനം
ചവറ കെ.എം.എം.എൽ
• ട്രാവൻകൂർ കൊച്ചിൻ കെമിക്കൽസ്
• കെൽട്രോൺ
• ട്രാവൻകൂർ ടൈറ്റാനിയം
• കെൽട്രോൺ കമ്പോണന്റ്
നേട്ടം കൊയ്തവർ
(10 വർഷത്തിനിടെ ഏറ്റവും മികച്ച പ്രകടനം)
• മലപ്പുറം സ്പിന്നിംഗ് മിൽ
• കേരളാ സിറാമിക്
• സ്റ്റീൽ ഇൻഡട്രീസ് കേരള
• കാഡ്കോ
• പ്രിയദർശിനി സ്പിന്നിംഗ് മിൽ
• ക്ലേയ്സ് ആൻഡ് സിറാമിക്സ്
• കെ. കരുണാകരൻ സ്മാരക സ്പിന്നിംഗ് മിൽ
• മലബാർ ടെക്സ്റ്റൈൽസ്
• മെറ്റൽ ഇൻഡസ്ട്രീസ്
• ട്രിവാൻഡ്രം സ്പിന്നിംഗ് മിൽ
• ടെക്സ്റ്റൈൽ കോർപ്പറേഷൻ
''പൊതുമേഖലയെ സംരക്ഷിക്കാനുള്ള സംസ്ഥാന സർക്കാരിന്റെ നടപടികൾക്ക് കരുത്ത് പകരുന്നതാണ് സ്ഥാപനങ്ങളുടെ ഉജ്ജ്വല നേട്ടം""
പി. രാജീവ്,
വ്യവസായമന്ത്രി
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |