സംരക്ഷണ സംഗമത്തിൽ നിർദ്ദേശം: ശബരിമലയിൽ പരിസ്ഥിതി സൗഹൃദ മാസ്റ്റർ പ്ലാൻ വേണം

പന്തളം: ആചാരങ്ങളോടും പാരമ്പര്യങ്ങളോടും പൊരുത്തപ്പെടുന്ന ശാസ്ത്രീയവും പരിസ്ഥിതി സൗഹൃദവുമായ മാസ്റ്റർപ്ലാൻ ശബരിമലയിൽ നടപ്പാക്കണമെന്ന് ശബരിമല കർമ്മ സമിതി പന്തളത്ത് സംഘടിപ്പിച്ച ശബരിമല സംരക്ഷണ സംഗമത്തിലെ വികസന രേഖയിൽ നിർദ്ദേശം. അടിസ്ഥാന സൗകര്യങ്ങൾ, വിശ്രമ കേന്ദ്രങ്ങൾ, മെഡിക്കൽ സൗകര്യങ്ങൾ, ഗതാഗത കേന്ദ്രങ്ങൾ, തിരക്ക് നിയന്ത്രണ സംവിധാനങ്ങൾ തുടങ്ങിയവ വികസിപ്പിച്ച് സൂരക്ഷിതവും സൗകര്യപ്രദവുമായ തീർത്ഥാടനം ഉറപ്പാക്കണം.

ആചാരങ്ങൾ പാലിച്ച് പൂങ്കാവനവും ജൈവ വൈവിദ്ധ്യവും സംരക്ഷിക്കണം. മലിനീകരണം, ചൂഷണം എന്നിവയിൽ നിന്നുള്ള സംരക്ഷണം, മാലിന്യസംസ്‌കരണം, പ്ലാസ്റ്റിക് നിരോധനം, ശുചിത്വ പരിപാലനം എന്നിവ പ്രാവർത്തികമാക്കി തീർത്ഥാടനം പ്രകൃതി സൗഹൃദമാക്കണം.

പ്ലാസ്റ്റിക് നിരോധനം കർശനമാക്കണം. ഭക്തർ കൊണ്ടുവരുന്ന മാലിന്യങ്ങൾ തിരികെ കൊണ്ടുപോകുന്ന രീതിയിൽ ബ്രിംഗ് ബാക്ക് വെയ്സ്റ്റ് പദ്ധതി നടപ്പാക്കണം. റീസൈക്ലിംഗ് പ്ലാന്റുകൾ, കമ്പോസ്റ്റ് യൂണിറ്റുകൾ എന്നിവ സ്ഥാപിക്കണം. മലിനജലം പമ്പയിലേക്ക് ഒഴുകുന്നത് തടയാൻ സീവേജ് ട്രീറ്റ്‌മെന്റ് പ്ലാന്റുകൾ വേണം.

"ശുദ്ധമായ പമ്പ- ശുദ്ധമായ ദർശനം" എന്ന സന്ദേശം എല്ലാ ഭക്തരിലേക്കും പകർന്നാണ് പമ്പാ സംരക്ഷണം നടപ്പാക്കേണ്ടത്. ക്ഷേത്രത്തിന്റെ പരിശുദ്ധിയും പാരമ്പര്യവും ആത്മീയ അന്തരീക്ഷവും സംരക്ഷിക്കണം. കുടിവെള്ളം, ശുചിത്വമുള്ള ഭക്ഷണം, മതിയായ താമസ സൗകര്യം, ഗതാഗതം, ചികിത്സ എന്നിവ ഉറപ്പാക്കണം. ക്ഷേത്രത്തിന്റെ ചരിത്രപരമായി പങ്കാളികളായിരുന്നവരുടെ അവകാശങ്ങളും സ്ഥാനങ്ങളും സംരക്ഷിക്കണം.

ആചാരവിരുദ്ധരെ അകറ്റണം

1. ആചാര, പാരമ്പര്യങ്ങൾക്ക് വിരുദ്ധരായവരുടെ സ്വാധീനത്തിൽ നിന്ന് ശബരിമലയെ മോചിപ്പിക്കണം

2. നിയമപരമായി അവകാശമില്ലാത്ത സർക്കാരിന്റെയും, ആചാരങ്ങളിൽ അവകാശമില്ലാത്ത ദേവസ്വം ബോർഡിന്റെയും ഇടപെടലുകൾ തടയണം

3. സത്യനിഷ്‌ഠ, സമത്വം, സഹിഷ്‌ണുത, ഭക്തി എന്നീ അയ്യപ്പ മൂല്യങ്ങൾ വരുംതലമുറയ്ക്ക് പകരാനുള്ള നടപടികൾ സ്വീകരിക്കണം

 ത്രി​മൂ​ർ​ത്തി​ക​ൾ​ ​സ​നാ​തന ധ​ർ​മ്മ​ത്തെ​ ​ന​ശി​പ്പി​ക്കു​ന്നു: അ​ണ്ണാ​മ​ലൈ

​സ​നാ​ത​ന​ ​ധ​ർ​മ്മ​ത്തെ​ ​ന​ശി​പ്പി​ക്കാ​ൻ​ ​ക​ച്ച​കെ​ട്ടി​യി​റ​ങ്ങി​യ​ ​ത്രി​മൂ​ർ​ത്തി​ക​ളാ​ണ് ​കേ​ര​ള​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​നും​ ​ത​മി​ഴ്നാ​ട് ​മു​ഖ്യ​മ​ന്ത്രി​ ​സ്റ്റാ​ലി​നും​ ​ക​ർ​ണാ​ട​ക​ ​മു​ഖ്യ​മ​ന്ത്രി​ ​സി​ദ്ധ​രാ​മ​യ്യ​യു​മെ​ന്ന് ​ത​മി​ഴ്നാ​ട് ​ബി.​ജെ.​പി​ ​മു​ൻ​ ​അ​ദ്ധ്യ​ക്ഷ​ൻ​ ​കെ.​ ​അ​ണ്ണാ​മ​ലൈ.​ ​ശ​ബ​രി​മ​ല​ ​ക​ർ​മ്മ​സ​മി​തി​ ​പ​ന്ത​ള​ത്ത് ​സം​ഘ​ടി​പ്പി​ച്ച​ ​ശ​ബ​രി​മ​ല​ ​സം​ര​ക്ഷ​ണ​ ​സം​ഗ​മ​ത്തി​ന്റെ​ ​സ​മാ​പ​ന​ ​സ​മ്മേ​ള​നം​ ​ഉ​ദ്ഘാ​ട​നം​ ​ചെ​യ്യു​ക​യാ​യി​രു​ന്നു​ ​അ​ദ്ദേ​ഹം.

ത​മി​ഴ്നാ​ട്ടി​ൽ​ ​മു​രു​ക​സം​ഗ​മം​ ​ന​ട​ത്തു​ന്ന​ ​സ്റ്റാ​ലി​ന്റെ​ ​മാ​തൃ​ക​യി​ലാ​ണ് ​പ​മ്പ​യി​ൽ​ ​പി​ണ​റാ​യി​ ​വി​ജ​യ​ൻ​ ​അ​യ്യ​പ്പ​ ​സം​ഗ​മം​ ​ന​ട​ത്തി​യ​ത്.​ ​സി​ദ്ധ​രാ​മ​യ്യ​ ​സ​ർ​ക്കാ​രി​ന്റെ​ ​ഹി​ന്ദു​ ​വി​രു​ദ്ധ​ ​നി​ല​പാ​ടു​ക​ളി​ൽ​ ​ക​ർ​ണാ​ട​ക​യി​ലും​ ​പ്ര​തി​ഷേ​ധ​മു​യ​ർ​ന്നി​ട്ടു​ണ്ട്.​ ​പി​ണ​റാ​യി​ ​വി​ജ​യ​ൻ​ ​ക​പ​ട​ ​നാ​ട​ക​ക്കാ​ര​നാ​ണ്.​ ​ക​മ്മ്യൂ​ണി​സം​ ​പ​ഞ്ച​സാ​ര​യി​ൽ​ ​പൊ​തി​ഞ്ഞ​ ​വി​ഷ​മാ​ണ്.​ 2018​ൽ​ ​അ​യ്യ​പ്പ​ ​ഭ​ക്ത​രെ​ ​ക്രൂ​ര​മാ​യി​ ​മ​ർ​ദ്ദി​ച്ച​ ​സ​ർ​ക്കാ​രാ​ണ് ​പ​മ്പ​യി​ൽ​ ​അ​യ്യ​പ്പ​സം​ഗ​മം​ ​സം​ഘ​ടി​പ്പി​ച്ച​ത്.

സ​നാ​ത​ന​ ​ധ​ർ​മ്മ​ത്തെ​ ​വേ​രോ​ടെ​ ​പി​ഴു​തെ​റി​യ​ണ​മെ​ന്ന് ​പ​റ​ഞ്ഞ​ ​സ്റ്റാ​ലി​നെ​യാ​ണ് ​ആ​ഗോ​ള​ ​അ​യ്യ​പ്പ​ ​സം​ഗ​മ​ത്തി​ന്റെ​ ​ഉ​ദ്ഘാ​ട​ക​നാ​യി​ ​ക്ഷ​ണി​ച്ച​ത്.​ ​സ​നാ​ത​ന​ ​ധ​ർ​മ്മ​ത്തെ​ ​വൈ​റ​സ് ​എ​ന്നും​ ​മ​റ്റും​ ​ആ​ക്ഷേ​പി​ച്ച​വ​രാ​ണ് ​ത​മി​ഴ്നാ​ട്ടി​ലെ​ ​ഡി.​എം.​കെ​ ​സ​ർ​ക്കാ​ർ.​ ​അ​യ്യ​പ്പ​ ​ഭ​ക്ത​ർ​ക്ക് ​വേ​ണ്ടി​ ​എ​ന്തെ​ങ്കി​ലും​ ​ചെ​യ്യാ​ൻ​ ​പി​ണ​റാ​യി​ ​വി​ജ​യ​ൻ​ ​ആ​ഗ്ര​ഹി​ക്കു​ന്നു​വെ​ങ്കി​ൽ​ ​ആ​ദ്യം​ ​സു​പ്രീം​കോ​ട​തി​യി​ൽ​ ​കൊ​ടു​ത്ത​ ​സ​ത്യ​വാ​ങ്മൂ​ലം​ ​പി​ൻ​വ​ലി​ക്കു​ക​യാ​ണ് ​വേ​ണ്ട​ത്.​ ​ദ്വാ​ര​പാ​ല​ക​ ​ശി​ല്പ​ത്തി​ലെ​ ​സ്വ​ർ​ണം​ ​അ​പ​ഹ​രി​ച്ച​വ​രാ​ണ് ​ദേ​വ​സ്വം​ ​ബോ​ർ​ഡെ​ന്നും​ ​അ​ണ്ണാ​മ​ലൈ​ ​കു​റ്റ​പ്പെ​ടു​ത്തി.

പ​ന്ത​ളം​ ​കൊ​ട്ടാ​രം​ ​നി​ർ​വാ​ഹ​ക​ ​സ​മി​തി​ ​അം​ഗം​ ​നാ​രാ​യ​ണ​ ​വ​ർ​മ്മ​ ​അ​ദ്ധ്യ​ക്ഷ​നാ​യി.​ ​ച​ട​ങ്ങി​ൽ​ ​പ​ങ്കെ​ടു​ത്ത​ ​ശ്രീ​ല​ങ്ക​ൻ​ ​മു​ൻ​ ​മ​ന്ത്രി​ ​ഡോ.​ ​ഋ​ഷി​ ​സെ​ന്തി​ൽ​ ​രാ​ജ​നെ​ ​കു​മ്മ​നം​ ​രാ​ജ​ശേ​ഖ​ര​ൻ​ ​ഷാ​ൾ​ ​അ​ണി​യി​ച്ചു.​ ​തേ​ജ​സ്വി​ ​സൂ​ര്യ​ ​എം.​പി​ ​മു​ഖ്യ​പ്ര​ഭാ​ഷ​ണം​ ​ന​ട​ത്തി.​ ​പ്ര​ജ്ഞാ​ ​പ്ര​വാ​ഹ് ​ദേ​ശീ​യ​ ​സം​യോ​ജ​ക​ൻ​ ​ജെ.​ന​ന്ദ​കു​മാ​ർ​ ​സം​സാ​രി​ച്ചു.

ശ​ബ​രി​മ​ല​ ​ത​ന്ത്രി​ ​ക​ണ്ഠ​ര് ​മ​ഹേ​ഷ് ​മോ​ഹ​ന​ര്,​ ​പി​താ​വ് ​ക​ണ്ഠ​ര​ര് ​മോ​ഹ​ന​ര​ര് ​എ​ന്നി​വ​ർ​ ​ചേ​ർ​ന്ന് ​സം​ഗ​മ​ത്തി​ന് ​ഭ​ദ്ര​ദീ​പം​ ​തെ​ളി​ച്ചു.​ ​ക​ർ​മ്മ​സ​മി​തി​ ​ചെ​യ​ർ​പേ​ഴ്സ​ൺ​ ​കെ.​പി.​ ​ശ​ശി​ക​ല​ ​അ​ദ്ധ്യ​ക്ഷ​ത​ ​വ​ഹി​ച്ചു.​ ​വാ​ഴൂ​ർ​ ​തീ​ർ​ത്ഥ​പാ​ദാ​ശ്ര​മ​ത്തി​ലെ​ ​സ്വാ​മി​ ​പ്ര​ജ്ഞാ​ന​ന്ദ​ ​തീ​ർ​ത്ഥ​പാ​ദ​ർ​ ​സെ​മി​നാ​ർ​ ​ഉ​ദ്ഘാ​ട​നം​ ​ചെ​യ്തു.​ ​ജ​ന​പ​ങ്കാ​ളി​ത്തം​കൊ​ണ്ട് ​സം​ഗ​മം​ ​ശ്ര​ദ്ധേ​യ​മാ​യി.

 വി​മോ​ച​ന​ ​പ്ര​സ്ഥാ​നം ഉ​ണ്ടാ​ക​ണം​:​ ​കു​മ്മ​നം
ശ​ബ​രി​മ​ല​യെ​ ​സം​ര​ക്ഷി​ക്കാ​ൻ​ ​വി​മോ​ച​ന​ ​പ്ര​സ്ഥാ​നം​ ​ഉ​ണ്ടാ​ക​ണ​മെ​ന്ന് ​ബി.​ജെ.​പി​ ​മു​ൻ​ ​സം​സ്ഥാ​ന​ ​അ​ദ്ധ്യ​ക്ഷ​ൻ​ ​കു​മ്മ​നം​ ​രാ​ജ​ശേ​ഖ​ര​ൻ.​ ​ശ​ബ​രി​മ​ല​ ​സം​ര​ക്ഷ​ണ​ ​സം​ഗ​മ​ത്തി​ലെ​ ​സെ​മി​നാ​റു​ക​ളു​ടെ​ ​സ​മാ​പ​ന​സ​ഭ​ ​ഉ​ദ്ഘാ​ട​നം​ ​ചെ​യ്യു​ക​യാ​യി​രു​ന്നു​ ​അ​ദ്ദേ​ഹം.​ ​ക്ഷേ​ത്ര​ഭ​ര​ണം​ ​അ​മ്പ​ലം​ ​വി​ഴു​ങ്ങി​ക​ൾ​ക്ക് ​കൊ​ടു​ത്തി​രി​ക്കു​ക​യാ​ണ് ​മു​ഖ്യ​മ​ന്ത്രി.​ ​പ​മ്പ​യി​ൽ​ ​മു​ഷ്ടി​ചു​രു​ട്ടി​ ​മു​ദ്രാ​വാ​ക്യം​ ​പോ​ലെ​ ​ശ​ര​ണം​വി​ളി​ച്ച​ ​ദേ​വ​സ്വം​ ​പ്ര​സി​ഡ​ന്റ് ​കൊ​ള്ള​ക്കാ​രെ​ ​പൊ​ക്കി​ക്കൊ​ണ്ടു​വ​രി​ക​യാ​ണ്.​ ​മ​തേ​ത​രം​ ​പ​റ​ഞ്ഞ് ​ആ​ചാ​ര​ങ്ങ​ൾ​ ​ലം​ഘി​ക്കാ​നു​ള്ള​ ​നീ​ക്ക​ത്തി​ൽ​ ​നി​ന്ന് ​സ​ർ​ക്കാ​ൻ​ ​പി​ൻ​മാ​റ​ണം.