സെക്ര. ജീവനക്കാരനോട് മോശമായി പെരുമാറിയ സുരക്ഷാ ഉദ്യോഗസ്ഥന് സസ്‌പെൻഷൻ

തിരുവനന്തപുരം: ജീവനക്കാരനോട് മോശമായി പെരുമാറിയതിന് സെക്രട്ടേറിയ​റ്റിന്റെ സുരക്ഷാ ചുമതലയുള്ള കെ.എ.പി മൂന്നാം ബ​റ്റാലിയനിലെ ഹവിൽദാർ ശ്യാം കുമാറിനെ സസ്‌പെൻഡ് ചെയ്തു. നിയമസഭാ സെക്ടർ ഡ്യൂട്ടിക്കായി നിയോഗിക്കപ്പെട്ട ശ്യാംകുമാർ, ആസാദ് ഗേ​റ്റിൽ ജോലി നോക്കവെ സെക്രട്ടേറിയ​റ്റ് വളപ്പിൽ ഇരിക്കുകയായിരുന്ന ബധിരനും മൂകനുമായ ജീവനക്കാരൻ ജിബിൻ കുര്യാക്കോസിനോട് മോശമായി പെരുമാറുകയും കൈയേ​റ്റം ചെയ്യാൻ ശ്രമിക്കുകയും ചെയ്‌തെന്നാണ് പരാതി. സെക്രട്ടേറിയ​റ്റ് എംപ്ലോയീസ് അസോസിയേഷൻ പ്രസിഡന്റ് പി. ഹണി നൽകിയ പരാതിയെ തുടർന്ന് ചീഫ് സെക്യൂരി​റ്റി ഓഫീസർ അന്വേഷണം നടത്തി. സെക്രട്ടേറിയ​റ്റിന് അകത്തു പ്രവേശിച്ച സ്​റ്റാഫിനെ ചോദ്യംചെയ്യാൻ ശ്യാംകുമാറിന് അധികാരമില്ലെന്നിരിക്കേ, ഗുരുതര അച്ചടക്കലംഘനവും പെരുമാ​റ്റദൂഷ്യവും നടത്തിയെന്നാണ് അന്വേഷണ റിപ്പോർട്ടിൽ പറയുന്നത്.