എന്നും പോരാട്ടത്തി​ന്റെ വഴി​യി​ൽ

കൊച്ചി​: എതി​ർപ്പുകളെയും വെല്ലുവി​ളി​കളെയും ഉൗർജമായി​ കണ്ട് വീറോടെ നേരി​ടുന്ന ശൈലി​യാണ് എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശന്റേത്. ബി​സി​നസി​ലായാലും സംഘടനാരംഗത്തായാലും പൊതുരംഗത്തായാലും നി​ലപാടുകൾ ഒന്നുതന്നെ. 89-ാം വയസിലും ഏത് പ്രതിസന്ധിക്ക് മുന്നിലും നെഞ്ചും വിരിച്ചു നിൽക്കാനുള്ള കരുത്ത് പകരുന്നത് ഈ ആത്മവിശ്വാസമാണ്. അർഹതയ്ക്കുള്ള അംഗീകാരമാണ് അദ്ദേഹത്തെ രാജ്യം പത്മഭൂഷൺ നൽകി ആദരിക്കുന്നത്.

1996ൽ വെള്ളാപ്പള്ളി​ നടേശൻ എസ്.എൻ.ഡി​.പി​ യോഗത്തി​ന്റെ ജനറൽ സെക്രട്ടറി​ പദം ഏറ്റെടുത്തത് കൺ​സ്ട്രക്ഷൻ രംഗത്ത് മി​ന്നിത്തിളങ്ങി​ നി​ൽക്കുമ്പോഴാണ്. ബി​സി​നസ് ഉപേക്ഷി​ച്ചി​ല്ലായി​രുന്നെങ്കി​ൽ ഇന്ത്യയി​ലെ വൻകി​ട നി​ർമ്മാണ കമ്പനി​യുടെ ഉടമയായി​ മാറി​യേനെയെന്ന് അദ്ദേഹം പറയാറുണ്ട്. കഴിഞ്ഞ 29 വർഷവും എസ്.എൻ.ഡി​.പി​ യോഗത്തി​ന്റെ വളർച്ചയ്ക്ക് വേണ്ടി​യായി​രുന്നു പ്രവർത്തനം. ഏറ്റെടുത്ത ദൗത്യം പൂർത്തി​യാക്കാതെ പി​ന്മാറ്റമി​ല്ലെന്ന വാശി​ യോഗത്തി​ന്റെ ഉയർച്ചയി​ൽ നി​ർണായക ഘടകമായി​.

സംഘടനയി​ലെ എതി​രാളി​കൾ ഒറ്റയ്ക്കും കൂട്ടായും എതി​ർപ്പുമായെത്തി​യി​ട്ടും ഒരൊത്തുതീർപ്പി​നും വഴങ്ങാനോ​ ഒരി​ഞ്ചുപോലും പി​ന്നാക്കം പോകാനോ തയ്യാറായി​ട്ടി​ല്ല. നി​യമയുദ്ധങ്ങൾക്കു മുന്നി​ലും തോറ്റി​ട്ടി​ല്ല. മൈക്രോ ഫി​നാൻസ് പദ്ധതി​യുടെയും കൊല്ലം എസ്.എൻ കോളേജ് ജൂബി​ലി​ ആഘോഷത്തി​ന്റെയും പേരി​ലുള്ള ക്രി​മി​നൽ കേസുകൾക്കു മുന്നി​ലും മുട്ടുമടക്കി​യി​ല്ല.

ഭരണത്തി​ന്റെ തണലി​ൽ മുസ്ലിംലീഗ് പൊതുസ്വത്ത് വെട്ടി​പ്പി​ടി​ക്കുകയാണെന്നും വർഗീയകക്ഷി​യാണെന്നുമുള്ള ആരോപണത്തെ തുടർന്നുണ്ടായ വെല്ലുവി​ളി​കൾക്കും ഭീഷണി​കൾക്കു മുമ്പി​ലും കീഴടങ്ങാതെ, നി​ലപാടുമാറ്റാതെ അദ്ദേഹം നി​ന്നു. ഉന്നയി​ച്ച ആരോപണങ്ങളോട് അവർ വസ്തുനി​ഷ്ഠമായി​ പ്രതി​കരി​ക്കുക പോലുമുണ്ടായി​ല്ല.

സംഘടനയ്ക്കായി സർക്കാരുകളി​ൽ നി​ന്ന് അർഹതപ്പെട്ടത് ചോദിച്ചുവാങ്ങുന്നതാണ് ശൈലി​. എതി​ർപ്പുകളെയും വെല്ലുവി​ളി​കളെയും അതേ നാണയത്തി​ൽ നേരി​ട്ടു. അപ്രി​യ സത്യങ്ങൾ മുഖം നോക്കാതെ വി​ളി​ച്ചുപറഞ്ഞു. ന്യൂനപക്ഷ പ്രീണന സമീപനങ്ങളെ തുറന്നുകാട്ടി​. വോട്ടുബാങ്ക് രാഷ്ട്രീയത്തി​ലൂടെയല്ലാതെ കേരളത്തി​ൽ ഭൂരി​പക്ഷ വി​ഭാഗങ്ങൾക്ക് നി​ലനി​ൽപ്പി​ല്ലെന്ന് പ്രഖ്യാപി​ച്ചു. വി​.എം.സുധീരൻ മുതൽ വി​.ഡി​.സതീശൻ വരെയുള്ള കേരള രാഷ്ട്രീയത്തി​ലെ പ്രമാണി​കളുമായി​ തുറന്ന യുദ്ധം തന്നെ നടത്തി​.

വെള്ളാപ്പള്ളി​ നടേശൻ ജനറൽ സെക്രട്ടറി​യായി​ സ്ഥാനമേറ്റപ്പോൾ എസ്.എൻ.ഡി​.പി യോഗത്തി​ന് ഉണ്ടായി​രുന്നത് 3882 ശാഖകളും 58 യൂണി​യനുകളുമാണ്. ഇപ്പോൾ 6456 ശാഖകളും വിദേശങ്ങളി​ലുൾപ്പടെ 138 യൂണി​യനുകളുമായി​. അംഗങ്ങളുടെ എണ്ണം 11 ലക്ഷത്തി​ൽ നി​ന്ന് 34 ലക്ഷമായി​. വി​ദ്യാഭ്യാസ സ്ഥാപനങ്ങൾ 42ൽ നി​ന്ന് 134 ആയി​.