ജില്ല പഞ്ചാ. സ്ഥാനാർത്ഥി: മുന്നിൽ പുരുഷന്മാർ

തിരുവനന്തപുരം: തദ്ദേശ തിരഞ്ഞെടുപ്പിൽ ജില്ല പഞ്ചായത്ത് സ്ഥാനാർത്ഥികളിൽ മുന്നിൽ പുരുഷന്മാർ. 672 പുരുഷന്മാരാണ് മത്സര രംഗത്ത്. വനിതാ സ്ഥാനാർത്ഥികൾ 602. അതേസമയം,​ ഗ്രാമപഞ്ചായത്ത്, മുനിസിപ്പാലിറ്റി, കോർപ്പറേഷൻ തലങ്ങളിൽ വനിതാ സ്ഥാനാർത്ഥികളാണ് കൂടുതൽ.

ഗ്രാമപഞ്ചായത്തിൽ 29,262 വനിതാ സ്ഥാനാർത്ഥികൾ,​ 26,168 പുരുഷന്മാർ. ബ്ലോക്ക് പഞ്ചായത്തിൽ 3,583 വനിതകൾ,​ 3,525 പുരുഷന്മാർ. മുനിസിപ്പാലിറ്റികളിൽ യഥാക്രമം 5,221,​ 4,810. കോർപ്പറേഷനുകളിൽ 941,​ 859.

വനിതാ സ്ഥാനാർത്ഥികളുടെ പ്രാതിനിധ്യം ഗ്രാമപഞ്ചായത്ത് 52.79%, ബ്ലോക്ക് 50.40%, ജില്ല പഞ്ചായത്ത് 47.21%, മുനിസിപ്പാലിറ്റി 52.05 %, കോർപ്പറേഷൻ 52.27%. സംസ്ഥാനത്താകെ മത്സരിക്കുന്നത് 75,644 സ്ഥാനാർത്ഥികൾ. 39,609 വനിതകൾ, 36,034 പുരുഷൻമാർ, ഒരു ട്രാൻസ്‌ജെൻഡർ (തിരു. ജില്ലാ പഞ്ചാ. പോത്തൻകോട് വാർഡ്)​.

ശരാശരി വനിതാ സ്ഥാനാർത്ഥി പ്രാതിനിധ്യം 52.36%. കൊല്ലം (55.26%), ആലപ്പുഴ (54.62), പത്തനംതിട്ട (53.82), കോട്ടയം (53.47), തൃശൂർ (53.28), എറണാകുളം (53.12), വയനാട് (52.59), തിരുവനന്തപുരം (52.58), കോഴിക്കോട് (52.56) ജില്ലകളാണ് വനിതാ സ്ഥാനാർത്ഥി പ്രാതിനിധ്യത്തിൽ മുന്നിൽ.