ഔഡിയുടെ പുത്തൻ 'ക്യു5" അവതാരം

കൊച്ചി: ജർമ്മൻ ആഡംബര വാഹന നിർമ്മാതാക്കളായ ഔഡിയുടെ പുതിയ ക്യു5 ഇന്ത്യയിലെത്തി. പ്രീമിയം പ്ളസ്,​ ടെക്‌നോളജി പതിപ്പുകളുള്ള പുത്തൻ മോഡലിന് എക്‌സ്‌ഷോറൂം വില യഥാക്രമം 58.93 ലക്ഷം രൂപയും 63.77 ലക്ഷം രൂപയും മുതൽ.
245 എച്ച്.പി കരുത്തും 370 എൻ.എം. ടോർക്കും ഉത്പാദിപ്പിക്കുന്നതാണ്,​ മികച്ച പെർഫോമൻസ് ഉറപ്പുനൽകുന്ന 2.0 ലിറ്റർ പെട്രോൾ എൻജിൻ. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ 6.3 സെക്കൻഡ് മതി. ഡ്രൈവിംഗും യാത്രയും സുഖകരവും ആസ്വാദ്യവുമാക്കാൻ ക്വാട്രോ-ഓൾവീൽ ഡ്രൈവ് സംവിധാനവും ഡാംപർ കൺട്രോളോടുകൂടിയ സസ്‌പെൻഷനുമുണ്ട്.
ഔഡി വിർച്വൽ കോക്ക്‌പിറ്റ് പ്ളസ്,​ 19 സ്‌പീക്കർ 3ഡി സറൗണ്ട് സൗണ്ട് സിസ്‌റ്റം,​ വയർലെസ് ചാർജിംഗ് തുടങ്ങി ഒട്ടേറെ സവിശേഷതകളും കാണാം.