മലപ്പുറം: ഇന്ധനത്തിന് തീവിലയായതോടെ കേരളത്തിൽ ഇലക്ട്രിക് വാഹനങ്ങളുടെ ഉപയോഗം വർദ്ധിക്കുന്നു. ഇലക്ട്രിക് കാർ രജിസ്ട്രേഷനിൽ ഇന്ത്യയിൽ കേരളം രണ്ടാംസ്ഥാനത്തെത്തി. ഈ വർഷം ഇതുവരെ 1461 കാറുകളാണ് രജിസ്റ്റർ ചെയ്തത്. 2,377 കാറുകളുമായി മഹാരാഷ്ട്രയാണ് മുന്നിൽ. ഡൽഹി (1,361), കർണാടക (1,244), തമിഴ്നാട് (842), ഗുജറാത്ത് (712) എന്നീ സംസ്ഥാനങ്ങളും പിന്നിലുണ്ട്. നവംബറിലാണ് കേരളത്തിൽ കൂടതൽ ഇലക്ട്രിക് വാഹനങ്ങൾ നിരത്തിലിറങ്ങിയത്. 206 എണ്ണം. ഡിസംബറിൽ ഇതുവരെ 21 വാഹനങ്ങൾ പുറത്തിറങ്ങി. വൈദ്യുതിയിലോടുന്ന
മുച്ചക്ര, ഇരുചക്ര വാഹനങ്ങളുടെ ഉപയോഗവും വർദ്ധിച്ചിട്ടുണ്ട്. ഈ വർഷം ഇതുവരെ 7,450 വാഹനങ്ങൾ നിരത്തിലിറങ്ങി. കാറിന് പുറമെ മുച്ചക്രം -1,106, ഇരുചക്രം - 4,879, ലൈറ്റ് പാസഞ്ചർ വെഹിക്കിൾ - 4 എന്നിങ്ങനെയാണിത്. ഇലക്ട്രിക് ഇരുചക്രവാഹനങ്ങൾ കൂടുതലുള്ളത് കർണാടകയിലും (24,509), മുച്ചക്ര വാഹനങ്ങൾ ഡൽഹിയിലുമാണ് (14,280).
ഇലക്ട്രിക് വാഹനങ്ങുടെ മുന്നേറ്റം
(വർഷം - എണ്ണം)
2017 - 66
2018 - 240
2019 - 468
2020 - 1,325
2021 - 7,450
ഇലക്ട്രിക് കാറുകൾ
(വർഷം - എണ്ണം)
2019 - 31
2020 - 382
2021 - 1,461
2021ലെ കണക്ക്
(കാർ, മുച്ചക്രം, ഇരുചക്രം, ആകെ)
ജൂൺ - 140 - 35 - 185 - 360
ജൂലായ് - 134 - 79 - 455 - 668
ആഗസ്റ്റ് - 183 - 92 - 597 - 872
സെപ്തംബർ - 163 - 99 - 787 - 1,049
ഒക്ടോബർ - 158 - 140 - 833 - 1,131
നവംബർ - 206 - 131 - 943 - 1,162
ഡിസംബർ - 21 - 17 - 116 - 154
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |