പായുംപുലി ബാറ്റിസ്‌റ്റ ഇന്ത്യയിൽ

കൊച്ചി: മഹീന്ദ്രയുടെ ഉടമസ്ഥതയിലുള്ള ഇറ്റാലിയൻ വാഹന ഡിസൈനിംഗ് സ്ഥാപനമായ ഓട്ടോമൊബിലി പിനിൻഫാരിന നിർമ്മിച്ച ഓൾ ഇലക്‌ട്രിക് അൾട്ര ഹൈ പെർഫോമൻസ് ഹൈപ്പർ ഇലക്‌ട്രിക് കാറായ 'ബാറ്റിസ്‌റ്റ" ഇന്ത്യയിലെത്തി. ഹൈദരാബാദ് ഇ-മോട്ടോർഷോയിലാണ് ലോകത്തെ ഏറ്റവും വേഗമേറിയതും ഇന്ത്യയിലെ ഏറ്റവും വിലകൂടിയതുമായ ഈ ലക്ഷ്വ്വറി കാർ മഹീന്ദ്ര അവതരിപ്പിച്ചത്.
സാധാരണനിരത്തുകളിൽ ഓടാൻ അനുമതിയുള്ള കാറുകളിൽ ഏറ്റവും വേഗമേറിയ കാറെന്ന പട്ടം ബാറ്റിസ്‌റ്റയ്ക്കാണ്. പൂജ്യത്തിൽ നിന്ന് 60 മൈൽ (96 കിലോമീറ്റർ)​ വേഗം വെറും 1.79 സെക്കൻഡിൽ കൈവരിക്കും. 150 യൂണിറ്റുകൾ വിറ്റഴിക്കാനാണ് ലക്ഷ്യമിടുന്നത്. ഇന്ത്യയിൽ വില്പനയ്ക്കെത്തിക്കാനുള്ള സാദ്ധ്യത വിരളം.