ഉദയംപേരൂർ: ഉദയംപേരൂർ പഞ്ചായത്തിൽ വാക്സിൻ വിതരണം സംബന്ധിച്ച തർക്കം പഞ്ചായത്തിലെ ഭരണസമിതി അംഗങ്ങൾ തമ്മിലുള്ള കൈയാങ്കളിയിലെത്തി. വെള്ളിയാഴ്ച പഞ്ചായത്തിലെ സ്ഥിരം വാക്സിനേഷൻ സെന്ററായ എസ്. എൻ.ഡി.പി. സ്കൂളിൽ ഭരണകക്ഷിയിലെ ഒരു അംഗം അന്യസംസ്ഥാന തൊഴിലാളിയെ വാക്സിൻ എടുക്കാൻ കൊണ്ട് വന്നതാണ് തർക്കത്തിനു ഇടയാക്കിയത്. തുടർന്ന് ഭരണകക്ഷിയിലെ രണ്ട് അംഗങ്ങൾ തമ്മിൽ വാക്കേറ്റത്തിലെത്തി. ഭരണസമിതിക്കകത്തെ തർക്കങ്ങൾ ആദ്യമല്ലെന്നും ഭരണത്തെ ബാധിക്കുന്ന നിലയിലാണ് മുന്നോട്ടു പോവുന്നതെന്നും വാക്സിൻ സെന്ററിൽ പൊലീസ് സുരക്ഷ ഏർപ്പെടുത്തണമെന്നും കോൺഗ്രസ് ബ്ലോക്ക് വൈ.പ്രസിഡന്റ് പി.ബി. ഹണീഷ് , കോൺഗ്രസ് മണ്ഡലം പ്രസിഡന്റ് സാജു പൊങ്ങലായിൽ , ഷൈമോൻ എന്നിവർ ആവശ്യപ്പെട്ടു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |