കൊല്ലം: കരിമണൽ ഖനനം സ്വകാര്യമേഖലയ്ക്ക് നൽകാനുള്ള നിയമഭേദഗതി പിൻവലിക്കണമെന്ന് ആവശ്യപ്പെട്ട് എൻ.കെ.പ്രേമചന്ദ്രൻ എം.പി പ്രധാനമന്ത്റിക്ക് നിവേദനം നൽകി. അറ്റോമിക് മിനറൽസ് അടങ്ങിയ കരിമണൽ ഖനനത്തിന് അനുവാദം നൽകാനുള്ള അവകാശം കേന്ദ്ര സർക്കാരിലേയ്ക്ക് കൂടി നിക്ഷിപ്തമാക്കുന്ന നിയമഭേദഗതി ഫെഡറൽ സംവിധാനത്തിന് വിരുദ്ധവും സംസ്ഥാനങ്ങൾക്ക് നൽകിയിട്ടുള്ള ഭരണഘടന അവകാശത്തിൻമേലുള്ള കടന്നുകയറ്റവുമാണ്. ഐ.ആർ.ഇ, കെ.എം.എം.എൽ, ടൈറ്റാനിയം ട്രാവൻകൂർ പ്രോഡക്ട്സ് തുടങ്ങി സംസ്ഥാനത്തെ പൊതുമേഖലാ സ്ഥാപനങ്ങൾക്കും ഭേദഗതി ഭീഷണിയാണ്. അടിയന്തരമായി ഭേദഗതി നിർദ്ദേശം പിൻവലിക്കണമെന്ന് എം.പി നിവേദനത്തിൽ ആവശ്യപ്പെട്ടു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |