പത്തനംതിട്ട : ഓർഡിനറി ബസ് സർവീസുകൾ പുനരാരംഭിക്കണമെന്ന് ആവശ്യപ്പെട്ട് സി.ഐ.ടി.യു മൈലപ്ര പഞ്ചായത്ത് കമ്മിറ്റി ഭാരവാഹികൾ കെ.എസ്.ആർ.ടി.സി അധികൃതർക്ക് നിവേദനം നൽകി. പത്തനംതിട്ട, മൈലപ്ര, മലയാലപ്പുഴ, കുമ്പളത്താമൺ വഴി വടശേരിക്കരയ്ക്കും പത്തനംതിട്ട, കടമ്മനിട്ട, നാരങ്ങാനം , കോഴഞ്ചേരി വഴി തിരുവല്ലയ്ക്കുമുള്ള സർവീസുകൾ മാസങ്ങളായി മുടങ്ങിയിരിക്കുകയാണ്. പോസ്റ്റ് ഓഫീസ് പടി, ചക്കാലേത്ത് പടി, പത്തരപ്പടി, കാറ്റാടി, പത്തിശ്ശേരി, മുഹൂർത്തിക്കാവ് ക്ഷേത്രം, മലയാലപ്പുഴ, പുതുക്കുളം, മുക്കുഴി, കുമ്പളത്താമൺ കാക്കാം തുണ്ട്, വല്യയന്തി , കടമ്മനിട്ട പ്രദേശങ്ങളിലെ ജനങ്ങളാണ് ബസ് സർവീസ് നടത്താത്തതിന്റെ ബുദ്ധിമുട്ടുകൾ അനുഭവിക്കുന്നത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |