പത്തനംതിട്ട : ഓമല്ലൂർ സരസ്വതി കലാക്ഷേത്രത്തിലെ വിജയദശമി സംഗീതോത്സവത്തിന് തിരിതെളിഞ്ഞു. ജില്ലാ പഞ്ചായത്ത് പ്രസിഡന്റ് ഒാമല്ലൂർ ശങ്കരൻ സമ്മേളനവും ജില്ലാകളക്ടർ ഡോ.ദിവ്യ എസ്.അയ്യർ സംഗീതോത്സവവും ഉദ്ഘാടനം ചെയ്തു. കലാക്ഷേത്രം പ്രസിഡന്റ് പി.ആർ. കുട്ടപ്പൻ നായർ അദ്ധ്യക്ഷനായിരുന്നു. ഓമല്ലൂർ ഗ്രാമപഞ്ചായത്ത് പ്രസിഡന്റ് ജോൺസൺ വിളവിനാൽ , ഫോക് ലോർ അക്കാദമി അംഗം അഡ്വ.സുരേഷ് സോമ , സി.കെ.അർജുനൻ, സുരേഷ് ഓലിത്തുണ്ടിൽ, എ.ജി.ഉണ്ണികൃഷ്ണൻ , ഡോ.റാംമോഹൻ, കെ.ബാലകൃഷ്ണൻ നായർ, പി.ആർ. മോഹനൻ നായർ , സജയൻ ഓമല്ലൂർ, ബി.ശശിന്ദ്രൻ, രാജേഷ് ഓമല്ലൂർ എന്നിവർ സംസാരിച്ചു.
തുടർ ദിവസങ്ങളിൽ സംഗീത സദസുകൾ, വയലിൻ കച്ചേരി, പുല്ലാങ്കുഴൽ, വയലിൻ ജുഗൽബന്ദി, മൃദംഗം, തബല ലയവിന്യാസം, വയലിൻ സോളോ സംഗീതാർച്ചന എന്നിവ അരങ്ങേറും. വിജയദശമി ദിവസം വിവിധ ശാസ്ത്രീയ കലകളായ കർണ്ണാടക സംഗീതം, വയലിൻ , മൃദംഗം, തബല, ഓർഗൺ , നൃത്തയിനങ്ങളിലുള്ള വിദ്യാരംഭം എന്നിവയുണ്ടാകും. എഴുത്തിനിരുത്തിന് കവിയും ഭാഷാദ്ധ്യാപകനുമായ മലമേൽ വിനു നമ്പൂതിരി ആചാര്യനാകും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |