കുഴഞ്ഞുവീണത് അറുന്നൂറോളം പേർ

• കൈത്താങ്ങായി അഗ്‌നി രക്ഷാസേനയും ആപ്ത മിത്രയും സന്നദ്ധ സംഘടനകളും

തൃശൂർ: പൂരംനാളിലും പിറ്റേന്ന് പകൽപ്പൂരത്തിനുമായി തിരക്കിനിടയിൽ കുഴഞ്ഞുവീണത് അറുന്നൂറോളം പേർ. പൂരനഗരിയിലെ മെഡിക്കൽ ക്യാമ്പുകളിലും ജില്ലാ ജനറൽ ആശുപത്രികളിലും മറ്റ് സ്വകാര്യ ആശുപത്രികളിലും ഇവരെ കൃത്യസമയത്തെത്തിച്ച് അഗ്‌നിശമനസേനയും സിവിൽ ഡിഫൻസ് വളണ്ടിയർമാരും മാതൃകയായി.

പൂരത്തലേന്ന് പെയ്ത മഴ വേനൽച്ചൂടിന് അൽപ്പം ആശ്വാസം നൽകിയതാണ് സംഖ്യ ഇത്രയും കുറയാൻ കാരണമെന്ന് ആരോഗ്യ വകുപ്പ് അധികൃതർ പറയുന്നു. ജനലക്ഷങ്ങൾ പങ്കെടുത്ത പൂരത്തിൽ ചൂടും പുഴുക്കവും തിരക്ക് മൂലമുള്ള അസ്വസ്ഥതയും മൂലമാണ് ഇത്രയും പേർ കുഴഞ്ഞുവീണത്.

ജില്ലാ ഫയർ ഓഫീസർ അരുൺ ഭാസ്‌കർ, ഫയർ ആൻഡ് റെസ്‌ക്യൂ സ്റ്റേഷൻ ഓഫീസർ വിജയ് കൃഷ്ണ, ആദർശ്, കോ - ഓർഡനേറ്റർ വി.എസ് സ്മിനേഷ് കുമാർ എന്നിവർ നേതൃത്വം നൽകി. ആരോഗ്യ വകുപ്പിന്റെയും പൊലീസ് ഉദ്യോഗസ്ഥരുടെയും സേവനമുണ്ടായിരുന്നു. ഒരാൾക്കും ജീവാപായം ഉണ്ടായില്ല.

താങ്ങായി, അഗ്‌നി രക്ഷാസേനയും

പൂരം കാണാൻ വന്ന് കുഴഞ്ഞു വീണവർക്ക് കൈത്താങ്ങായി അഗ്‌നി രക്ഷാസേനയും സിവിൽ ഡിഫൻസ് ആപ്ത മിത്ര വളണ്ടിയർമാരും. ഫയർ ആൻഡ് റെസ്‌ക്യൂ വകുപ്പും വകുപ്പിന് കീഴിലെ 200 സന്നദ്ധസേവകരും രംഗത്തുണ്ടായിരുന്നു. പൂരം ദിവസം രാവിലെ ഒമ്പത് മുതൽ പിറ്റേന്ന് പകൽപ്പൂരം വൈകിട്ട് മൂന്ന് വരെയായിരുന്നു പ്രവർത്തനം. പത്ത് പോയിന്റുമായി കുഴഞ്ഞു വീഴുന്നവർക്ക് വൈദ്യസഹായം ലഭ്യമാക്കി. സ്ട്രക്ചറിൽ അതിവേഗം തിങ്ങി നിറഞ്ഞ ജനങ്ങൾക്കിടയിലൂടെ കുഴഞ്ഞുവീണവരെ എത്തിക്കുന്നതിൽ വിലയേറിയ സേവനമാണ് ഇവർ നൽകിയത്. 50 സ്ട്രക്ചർ ടീം ചേർന്നാണ് പ്രാഥമിക ചികിത്സ നൽകിയത്.

കർമ്മനിരതരായി സന്നദ്ധ സംഘടനകളും

പൂരത്തിൽ കർമ്മ നിരതരായി വിവിധ സന്നദ്ധ സംഘടനകളും രംഗത്തുണ്ടായിരുന്നു. ആക്ട്‌സ്, സേവാഭാരതി, യുവജനക്ഷേമ ബോർഡിന് കീഴിലുള്ള ടീം കേരള അംഗങ്ങൾ എന്നിവരും രംഗത്തുണ്ടായിരുന്നു. ആക്ട്‌സ്, സേവാഭാരതി പതിനായിരങ്ങൾക്ക് സൗജന്യ ഭക്ഷണവും നൽകി.

കുഴഞ്ഞുവീണവർ

മഠത്തിൽ വരവ് - 52
ഇലഞ്ഞിത്തറമേളം - 48
കുടമാറ്റം - 400
പകൽപ്പൂരം - 97.

1066​ ​പേ​ർ​ക്ക് ​ചി​കി​ത്സ​ ​ന​ൽ​കി

തൃ​ശൂ​ർ​:​ ​പൂ​ര​വു​മാ​യി​ ​ബ​ന്ധ​പ്പെ​ട്ട് ​ജ​ന​റ​ൽ​ ​ആ​ശു​പ​ത്രി​യി​ൽ​ ​സ​ജ്ജ​മാ​ക്കി​യ​ ​മെ​ഡി​ക്ക​ൽ​ ​സം​ഘം​ 1,066​ ​പേ​ർ​ക്ക് ​ചി​കി​ത്സ​ ​ന​ൽ​കി.​ ​ഇ​തി​ൽ​ 284​ ​പേ​ർ​ക്ക് ​കി​ട​ത്തി​ച്ചി​കി​ത്സ​ ​ന​ൽ​കേ​ണ്ടി​ ​വ​ന്നു.​ ​വി​ദ​ഗ്ദ്ധ​ ​ചി​കി​ത്സ​യ്ക്കാ​യി​ ​നാ​ലു​പേ​രെ​ ​ഗ​വ.​ ​മെ​ഡി​ക്ക​ൽ​ ​കോ​ളേ​ജി​ലേ​ക്ക് ​റ​ഫ​ർ​ ​ചെ​യ്തു.

മെ​ഡി​ക്ക​ൽ​ ​എ​യ്ഡ് ​പോ​സ്റ്റി​ൽ​ ​നി​ർ​ജ​ലീ​ക​ര​ണം​ ​മൂ​ല​വും​ ​തി​ക്കി​ലും​ ​തി​ര​ക്കി​ലും​ ​പെ​ട്ട് ​ദേ​ഹാ​സ്വാ​സ്ഥ്യ​വും​ ​ചെ​റി​യ​ ​മു​റി​വു​ക​ളും​ ​ച​ത​വു​ക​ളു​മാ​യും​ ​വ​ന്ന​ 223​ ​പേ​ർ​ക്ക് ​ചി​കി​ത്സ​ ​ന​ൽ​കി.​ ​സ്വ​രാ​ജ് ​റൗ​ണ്ടി​ലെ​ ​അ​ഞ്ച് ​മെ​ഡി​ക്ക​ൽ​ ​എ​യ്ഡ് ​പോ​സ്റ്റു​ക​ളി​ലാ​യി​ 158​ ​പേ​ർ​ക്ക് ​ചി​കി​ത്സ​ ​ന​ൽ​കി.

ജി​ല്ലാ​ ​മെ​ഡി​ക്ക​ൽ​ ​ഓ​ഫീ​സ​ർ​ ​ഡോ.​ ​ടി.​പി.​ ​ശ്രീ​ദേ​വി​യു​ടെ​ ​നേ​തൃ​ത്വ​ത്തി​ൽ​ ​ജി​ല്ലാ​ത​ല​ ​ഓ​ഫീ​സ​ർ​മാ​ർ​ ​മു​ഴു​വ​ൻ​ ​സ​മ​യ​വും​ ​മെ​ഡി​ക്ക​ൽ​ ​സം​ഘ​ത്തി​ന് ​മേ​ൽ​നോ​ട്ടം​ ​വ​ഹി​ച്ചു.​ 61​ ​ആം​ബു​ല​ൻ​സു​ക​ൾ​ ​പൂ​രം​ ​ഡ്യൂ​ട്ടി​ക്ക് ​സ​ജ്ജ​മാ​ക്കി​യി​രു​ന്നു.