ലോക എം.എസ് .എം.ഇ. ദിനം ആചരിച്ചു
തിരുവനന്തപുരം: കൊവിഡ് പ്രതിസന്ധിയിലായ വ്യവസായ മേഖലയെ പുനരുജ്ജീവിപ്പിക്കാൻ 1416കോടി രൂപയുടെ പ്രത്യേക പാക്കേജ് പ്രഖ്യാപിച്ചു.ബഡ്ജറ്റിൽ പ്രഖ്യാപിച്ച 139കോടിയുടെ പലിശയിളവിന് പുറമെയാണിത്.
ലോക എം.എസ്.എം.ഇ.ദിന വെബിനാറിൽ മന്ത്രി പി.രാജീവാണ് സംരംഭകർക്ക് ആവേശം പകരുന്ന പ്രഖ്യാപനം നടത്തിയത്.
ലോക് ഡൗണിൽ വൻ പ്രതിസന്ധി നേരിടുന്ന ചെറുകിട സൂക്ഷ്മ ഇടത്തരം സംരംഭങ്ങളെ സാധാരണ നിലയിലാക്കാൻ ഇത് സഹായിക്കും. ജൂലൈ ഒന്നു മുതൽ ഡിസംബർ വരെയാണ് പ്രാബല്യം.
പദ്ധതി മേഖലയ്ക്ക് ഉണർവ് പകരുമെന്ന് ചെറുകിട വ്യവസായ അസോസിയേഷൻ സംസ്ഥാന പ്രസിഡന്റ് എൻ. ഖാലിദ് പറഞ്ഞു. ഇളവുകൾ സംരംഭകർക്ക് ആശ്വാസമാകുമെന്ന് കോൺഫെഡറേഷൻ ഓഫ് ഇന്ത്യൻ ഇൻഡസ്ട്രീസ് സംസ്ഥാന ചെയർമാൻ ശ്രീനാഥ് വിഷ്ണു പറഞ്ഞു. വ്യവസായലോകം കാത്തിരുന്ന പ്രഖ്യാപനമാണിതെന്ന് ഫിക്കി കേരള കോചെയർമാൻ ദീപക് അശ്വിനി അഭിപ്രായപ്പെട്ടു.
വ്യവസായ വകുപ്പ് പ്രിൻസിപ്പൽ സെക്രട്ടറി ഡോ.കെ. ഇളങ്കോവൻ, വ്യവസായ വകുപ്പ് ഡയറക്ടർ ഭണ്ഡാരി സ്വാഗത് രൺവീർചന്ദ് എന്നിവരും സംസാരിച്ചു.
കൊവിഡ് പാക്കേജ്
5000 ചെറുകിട സൂക്ഷ്മ ഇടത്തരം സംരംഭങ്ങൾക്ക് 50% പലിശയ്ക്ക് 1,20,000 രൂപ വരെ നൽകുന്ന'വ്യവസായ ഭദ്രത" പദ്ധതി ഡിസംബർ 31വരെ നീട്ടി.
3000 യൂണിറ്റുകൾക്ക് സംരംഭകത്വ സബ്സിഡി 30 ലക്ഷം ആയും പിന്നാക്ക ജില്ലകളിലും മുൻഗണനാ സംരംഭങ്ങൾക്കുമുള്ള സബ്സിഡി 40ലക്ഷം ആയും ഉയർത്തി.
നാനോ യൂണിറ്റുകൾക്ക് സഹായം 5ലക്ഷത്തിൽ നിന്ന് 10ലക്ഷമാക്കി.
ലോക്ക് ഡൗൺ കാരണം കെ.എസ്.ഐ.ഡി .സി.വായ്പാ തിരിച്ചടവ് പുന:ക്രമീകരിക്കും.
കെ.എസ്.ഐ.ഡി.സി.വായ്പാ മൊറട്ടോറിയം 2021 ജൂൺ വരെ നീട്ടി. മൂന്നു മാസത്തെ പലിശയും ഒഴിവാക്കി.
കെ.എസ്.ഐ.ഡി.സി.വായ്പകളുടെ ഒരു വർഷത്തേക്കുള്ള പിഴ പലിശയും ഏപ്രിൽ മുതൽ ഒരു വർഷത്തേക്ക് ഒഴിവാക്കി.
സംരംഭകർക്ക് 5% പലിശയ്ക്ക് 100 കോടി വായ്പയായി നൽകും.
തിരിച്ചെത്തിയ പ്രവാസികൾക്ക് 5% പലിശയ്ക്ക് വായ്പ അനുവദിക്കും
ആരോഗ്യ വ്യവസായങ്ങൾക്ക് ലോൺ പാക്കേജുകൾ
കെ.എസ്.ഐ.ഡി.സി.ഭൂമിക്ക് ഡൗൺപേയ്മെന്റ് 20% മാത്രം.ബാക്കി 5 ഗഡുക്കളായി പലിശയില്ലാതെ അടയ്ക്കാം.
കൊവിഡ് പാക്കേജ് 1416കോടി ഇങ്ങിനെ
വ്യവസായ ഭദ്രത പദ്ധതി-
400കോടി
സംരംഭകത്വ ധനസഹായം- 445കോടി
നാനോമേഖലയിലെമുൻഗണനാ വിഭാഗത്തിന് -
60കോടി
നാനോമേഖലയിൽ മൂലധന സഹായം -30കോടി
വായ്പാ പുന:ക്രമീകരണം-
179കോടി
5% പലിശയ്ക്ക് വായ്പ-
100കോടി
ആരോഗ്യ വ്യവസായങ്ങൾക്ക് -100 കോടി
മോറട്ടോറിയവും മറ്റ് കിഴിവുകളും -102 കോടി
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |