മാഡ്രിഡ്: സ്പാനിഷ് ലാ ലിഗ ഫുട്ബാളിൽ നിലവിലെ ചാമ്പ്യന്മാരായ റയൽമാഡ്രിഡിനെ ദുർബലരായ റയോ വയ്യക്കാനോ അട്ടിമറിച്ചപ്പോൾ രക്ഷപെട്ടത് ബാഴ്സലോണ. രണ്ടിനെതിരെ മൂന്നുഗോളുകൾക്കാണ് കഴിഞ്ഞരാത്രി നടന്ന മത്സരത്തിൽ വയ്യക്കാനോ റയലിനെ മുട്ടുകുത്തിച്ചത്. ഈ തോൽവിയോടെ റയലിന് പോയിന്റ് പട്ടികയിലെ ഒന്നാം സ്ഥാനം നഷ്ടമാവുകയും ബാഴ്സലോണ ഒന്നാം സ്ഥാനത്താവുകയും ചെയ്തു.
റയോ വയ്യെക്കാനോയ്ക്ക് വേണ്ടി സാന്റി കോമെൻസന, ആൽവാരോ ഗാഅഷ്യ റിവേറ, ഓസ്കാർ ട്രെയോ എന്നിവരാണ് ഗോളുകൾ നേടിയത്. . ലൂക്ക മോഡ്രിച്ച്, എദർ മിലിറ്റാവോ എന്നിവർ റയലിനായി ഗോളടിച്ചു. സൂപ്പർതാരം കരിം ബെൻസേമയുടെ അഭാവം റയൽ നിരയിൽ പ്രകടമായിരുന്നു. മത്സരത്തിലുടനീളം ആധിപത്യം പുലർത്തിയിട്ടും റയലിന് വിജയം നേടാനായില്ല. ഈ സീസണിലെ റയലിന്റെ ആദ്യ തോൽവിയായിരുന്നു ഇത്.
ഇതോടെ 13 മത്സരങ്ങളിൽ നിന്ന് 32 പോയിന്റുമായി റയൽ പോയന്റ് പട്ടികയിൽ രണ്ടാം സ്ഥാനത്തേക്ക് വീണു. ഇത്രയും മത്സരങ്ങളിൽ നിന്ന് 34 പോയിന്റുള്ള ബാഴ്സലോണ സീസണിലാദ്യമായാണ് ഒന്നാം സ്ഥാനത്തെത്തുന്നത്. അത്ലറ്റിക്കോ മാഡ്രിഡാണ് മൂന്നാമത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |