പുള്ളിപ്പുലിയും ഉണ്ണിക്കുട്ടനും

വിജയം പൂർണമാകണമെങ്കിൽ പല കാര്യങ്ങൾ ഒരുമിച്ചുവരണം. ഒരു പരിപൂർണ വിജയത്തിന്റെ ഏതാണ്ട് 80 ശതമാനവും ഉണ്ടാകുന്നത് കഠിനാദ്ധ്വാനത്തിലൂടെയാണ്. ബാക്കി പത്തുശതമാനം നമ്മുടെ പോസിറ്റിവിറ്റിയാണ്. ഏത് കാര്യം ചെയ്യുന്നതിന് മുമ്പും പോസിറ്റീവ് കാഴ്ചപ്പാട് ഉണ്ടായിരിക്കണം. ബാക്കിയുള്ള പത്തുശതമാനം ഭയഭക്തിയും ആത്മീയതയുമാണ്. ചെയ്യുന്ന പ്രവൃത്തിയോടുള്ള പോസിറ്റീവ് മനോഭാവം വലിയ വിജയത്തിലേക്ക് വഴിതെളിക്കും.

പരാജയപ്പെടാത്തവരുണ്ടോ?

നാം എല്ലാകാര്യത്തിലും എപ്പോഴും വിജയിക്കണമെന്നില്ല. ആഫ്രിക്കൻ പുൽമേടുകളിൽ സൂര്യനുദിച്ചുയരുമ്പോൾ, ലോകത്തിലെ ഏറ്റവും വേഗതയുള്ള മൃഗം അതിന്റെ ഇരയെ പിടിക്കാനുള്ള പുറപ്പാടിലാണ്. വേഗതയുടെ കാര്യത്തിൽ നാലാമതോ അഞ്ചാമത്തെയോ സ്ഥാനം മാത്രമുള്ള മറ്റൊരു മൃഗമാണ് അതിന്റെ ലക്ഷ്യം. പക്ഷേ, ചീറ്റ അഥവാ പുള്ളിപ്പുലി എന്ന ഒന്നാം നമ്പർ ഓട്ടക്കാരന് വേട്ടയാടൽ അത്ര എളുപ്പമല്ല. പലതവണ അവൻ പരാജയപ്പെടുന്നു. ലോകത്തിലെ ഏറ്റവും വേഗതയുള്ള മൃഗമാണ് പരാജയപ്പെടുന്നത് എന്നോർക്കണം. അപ്പോൾ ആ മൃഗം എന്താണ് ചെയ്യുന്നത്. നമ്മളിൽ പലരും ചെയ്യുന്നത് പോലെ മാറിയിരുന്ന് കരയുമോ? അതോ ഇരയെ കുറ്റപ്പെടുത്തുമോ? അതുമല്ലെങ്കിൽ സാഹചര്യങ്ങളെ കുറ്റപ്പെടുത്തുമോ? എന്തായാലും പുള്ളിപ്പുലി ആത്മഹത്യ ചെയ്യില്ല. ജീവിതത്തിൽ അനേകായിരം തവണ ഒരു പുള്ളിപ്പുലി പരാജയപ്പെടുന്നു. എന്നിരുന്നാലും അവൻ ശ്രമം അവസാനിപ്പിക്കുന്നില്ല. ഇരയെ കിട്ടാതെ ആകുമ്പോൾ അവൻ ചുവടുകൾ മാറ്റിപിടിക്കുന്നു. പുതിയ തന്ത്രങ്ങൾ മെനയുന്നു. അതിലൂടെ ലക്ഷ്യം കൈവരിക്കുന്നു.

ഉണ്ണിക്കുട്ടനെ നോക്കൂ

മധ്യവേനലവധിക്കാലം. പത്തുവയസുകാരൻ ഉണ്ണിക്കുട്ടൻ രാവിലെ ഉണർന്ന് ആഹാരമൊക്കെ കഴിച്ചു പതുക്കെ വീടിന് പുറത്തേക്ക് ഇറങ്ങി. അവധിക്കാലമാണ്. പഠിക്കാൻ ഒന്നുമില്ല. കളിച്ചുനടക്കാനുള്ള സമയം.

അപ്പോഴാണ് ഉണ്ണിക്കുട്ടൻ തൊട്ടടുത്തുള്ള മൂവാണ്ടൻ മാവ് കണ്ടത്. നിറയെ മാങ്ങകൾ. ഒന്നും ആലോചിച്ചില്ല. മാവിലേക്ക് തുരുതുരാ കല്ലെറിയാൻ തുടങ്ങി. പക്ഷേ മാങ്ങ വീഴുന്നില്ല. ഉണ്ണിക്കുട്ടൻ പിന്മാറിയില്ല. തന്ത്രം മാറ്റാൻ തീരുമാനിച്ചു. കുറച്ചുകൂടി ഉയർന്ന സ്ഥലത്തുനിന്ന് കല്ലിന് പകരം കമ്പെടുത്ത് എറിയുന്നു. മാങ്ങകൾ വീഴുന്നു. ഉണ്ണിക്കുട്ടൻ ഹാപ്പി.

എ​ന്തു​കൊ​ണ്ട് ​ ​ജീ​വി​ത​ ​ ​പ​രീ​ക്ഷ​ക​ളി​ൽ,​ ​വി​ജ​യി​ക്കും​ ​വ​രെ​ ​ന​മു​ക്ക് ​പ​രി​ശ്ര​മി​ച്ചു​കൂ​ടാ​?​ ​പ​രാ​ജ​യ​പ്പെ​ടു​മ്പോ​ൾ​ ​ന​മു​ക്ക് ​ദി​ശ​യി​ൽ​ ​മാ​റ്റം​ ​വ​രു​ത്തേ​ണ്ടി​ ​വ​രും.​ ​അ​ത് ​മ​റ്റൊ​ന്നു​മ​ല്ല.​ ​ചെ​യ്യു​ന്ന​ ​കാ​ര്യ​ങ്ങ​ളി​ൽ​ ​കൂ​ടു​ത​ൽ​ ​അ​റി​വ് ​ഉ​ണ്ടാ​ക്കു​ക​ ​എ​ന്നു​ള്ള​താ​ണ്.​ ​അ​പ്പോ​ൾ​ ​ആ​ ​കാ​ര്യം​ ​കൂ​ടു​ത​ൽ​ ​കൃ​ത്യ​ത​യോ​ടെ​ ​ചെ​യ്യാ​നും​ ​വി​ജ​യി​ക്കാ​നും​ ​ക​ഴി​യും.​ ​ഏ​ത് ​വി​ജ​യ​ത്തി​ന്റെ​ ​പി​ന്നി​ലും​ ​അ​ങ്ങേ​യ​റ്റ​ത്തെ​ ​ക​ഠി​നാ​ദ്ധ്വാ​ന​വും​ ​അ​ർ​പ്പ​ണ​മ​നോ​ഭാ​വ​വും​ ​അ​ഭി​നി​വേ​ശ​വും​ ​ഉ​ണ്ടാ​യി​രി​ക്കും. സ​ച്ചി​ൻ​ ​ടെ​ണ്ടു​ൽ​ക്ക​റും​ ​റൊ​ണാ​ൾ​ഡോ​യു​മൊ​ക്കെ​ ​ഒ​രു​ദി​വ​സ​ത്തെ​ ​ശ്ര​മം​ ​കൊ​ണ്ട​ല്ല​ ​ഇ​ന്ന​ത്തെ​ ​നി​ല​യി​ലെ​ത്തി​യ​ത്.പ​ഠി​ക്കു​മ്പോ​ഴും​ ​ഹോം​വ​ർ​ക് ​ചെ​യ്യു​മ്പോ​ഴും​ ​കു​ട്ടി​ക​ൾ​ ​വ​ള​രെ​പ്പെ​ട്ടെ​ന്ന് ​ക്ഷീ​ണി​ത​രാ​കു​ന്നു.​ ​ക​ളി​ക്കു​മ്പോ​ഴും​ ​ഇ​ഷ്ട​മു​ള്ള​ ​സി​നി​മ​ ​കാ​ണു​മ്പോ​ഴും​ ​അ​വ​ർ​ക്ക് ​യാ​തൊ​രു​ ​ക്ഷീ​ണ​വു​മി​ല്ല.​ ​എ​ന്താ​ണി​തി​ന് ​കാ​ര​ണം?​ ​ചെ​യ്യു​ന്ന​ ​പ്ര​വൃ​ത്തി​യോ​ടു​ള്ള​ ഗാ​ഢ​സ്നേ​ഹ​മാ​ണ് ​ഓ​രോ​ ​പ്ര​വൃ​ത്തി​യേ​യും​ ​ഇ​ഷ്ട​മു​ള്ള​താ​ക്കി​മാ​റ്റു​ന്ന​ത്.​ ​അ​താ​ണ് ​വി​ജ​യ​ത്തി​ന്റെ​ ​ര​ഹ​സ്യം.

(ലേഖകൻ കൗൺസിലിംഗ് സൈക്കോളജിസ്റ്റും കോർപ്പറേറ്റ് ട്രെയ്‌നറുമാണ് ഫോൺ - 9495835988)