മധ്യവയസ്‌കനെ മർദ്ദിച്ച യുവാവ് അറസ്റ്റിൽ

കൊല്ലം: മദ്ധ്യവയസ്‌കനെ വീട്ടിൽ കയറി ആക്രമിച്ച സംഘത്തിലെ ഒരാൾ പിടിയിൽ. ശൂരനാട് തെക്ക് വില്ലേജിൽ തൃക്കുന്നപ്പുഴ തെക്ക് പുത്തൻപുര കിഴക്കതിൽ അമലാണ് (19) കരുനാഗപ്പള്ളി പൊലീസിന്റെ പിടിയിലായത്.

കല്ലേലിഭാഗത്തുള്ള രാജുവുമായി പ്രതികൾക്കുള്ള മുൻവിരോധത്തിന്റെ ഭാഗമായി ഇയാളുടെ വീട്ടിൽ അതിക്രമിച്ച് കയറുകയും അമൽ, കട്ട ഉപയോഗിച്ച് വീടിന്റെ ജന്നൽ ചില്ല് അടിച്ച് തകർക്കുകയും രാജുവിനെ ക്രൂരമായി മർദ്ദിക്കുകയുമായിരുന്നു. രാജു പൊലീസിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത് നടത്തിയ അന്വേഷണത്തിൽ അമലിനെ പിടികൂടുകയായിരുന്നു.

കരുനാഗപ്പള്ളി ഇൻസ്‌പെക്ടർ നിസാമുദ്ദീൻ, എസ്.ഐ ഷെമീർ, ഷാജിമോൻ, എ.എസ്.ഐ തമ്പി, എസ്.സി.പി.ഒ ഹാഷിം, ഷിഹാബ്, സി.പി.ഒ കൃഷ്ണകുമാർ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. മറ്റ് പ്രതികൾ ഉടൻ പിടിയിലാകുമെന്ന് പൊലീസ് പറഞ്ഞു.