കൊച്ചി: കാലടി ശ്രീശങ്കര കോളേജിലെ പെൺകുട്ടികളുടെ ചിത്രം അശ്ലീല സൈറ്റുകളിൽ പോസ്റ്റുചെയ്തെന്ന പരാതിയിൽ മുൻ എസ്.എഫ്.ഐ നേതാവിനെ പൊലീസ് അറസ്റ്റുചെയ്തു. ഇതേ കോളേജിലെ പൂർവ വിദ്യാർത്ഥിയും കാലടി മറ്റൂർ സ്വദേശിയുമായ രോഹിത് (24) ആണ് അറസ്റ്റിലായത്. ഇയാളെ സ്റ്റേഷൻ ജാമ്യത്തിൽ വിട്ടയച്ചു. കോളേജിലെ നിരവധി വിദ്യാർത്ഥിനികളുടെ ചിത്രം ഇയാൾ സാമൂഹ മാദ്ധ്യമങ്ങളിൽ പങ്കുവച്ചതായി സംശയിക്കുന്നുണ്ട്. ഇയാളുടെ പക്കൽ നിന്ന് രണ്ട് മൊബൈൽ ഫോണുകൾ പൊലീസ് പിടിച്ചെടുത്തു. ഇവ ഫോറൻസിക് പരിശോധനയ്ക്ക് വിധേയമാക്കും. പഠനം പൂർത്തിയാക്കി പുറത്തുപോയ രോഹിത് ഫോട്ടോഗ്രാഫർ എന്ന നിലയിൽ കോളേജിലെ എല്ലാ പരിപാടികളുടെയും ചിത്രമെടുക്കാൻ എത്താറുണ്ടെന്നും അങ്ങനെ ശേഖരിച്ച ചിത്രങ്ങളാകാം അശ്ലീലസൈറ്റുകളിൽ പ്രചരിപ്പിച്ചതെന്നുമാണ് കരുതുന്നത്. ഒരു പെൺകുട്ടിയുടെ പരാതിയിലാണ് കാലടി പൊലീസ് കേസ് എടുത്തത്. സമാനമായി എട്ടു പെൺകുട്ടികൾ കൂടി പരാതിയുമായി പൊലീസിനെ സമീപിച്ചിട്ടുണ്ട്. അന്വേഷണം തുടരുകയാണെന്ന് പൊലീസ് പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |