ഐശ്വര്യ രാജേഷ് നായികയായ ഫർഹാന എന്ന ചിത്രം തിയേറ്റർ റിലീസിനുശേഷം വിവാദത്തിൽ. നെൽസൺ വെങ്കടേശൻ സംവിധാനം ചെയ്ത ചിത്രത്തിനെതിരെ വ്യാപക പ്രതിഷേധം ഉയർന്നതിനെത്തുടർന്ന് ഐശ്വര്യയ്ക്ക് പൊലീസ് സംരക്ഷണം ഏർപ്പെടുത്തി. വിവാദങ്ങൾ വേദനാജനകമാണെന്ന് നിർമ്മാതാക്കളായ ഡ്രീം വാരിയർ പിക്‌ചേഴ്സ് പ്രതികരിച്ചു. ഇസ്ളാം മതവികാരം വ്രണപ്പെടുത്തുന്നതാണ് ഫർഹാനയുടെ പ്രമേയമെന്ന് ആരോപണം ഉയർത്തി ഇന്ത്യൻ നാഷണൽ ലീഗ് അടക്കമുള്ള സംഘടനകളാണ് സിനിമയ്ക്ക് എതിരെ ശബ്ദമുയർത്തിയത്. മേയ് 12നാണ് ചിത്രം റിലീസ് ചെയ്തത്. സെൽവ രാഘവൻ, ജിതിൻ രമേഷ്, മലയാളി താരം അനുമോൾ, ഐശ്വര്യ ദത്ത തുടങ്ങിയവരാണ് മറ്റു താരങ്ങൾ.ഫോണിലൂടെ സെക്സ് ചാറ്റ് ചെയ്യുന്ന ജോലിയുള്ള യുവതിയുടെ കഥയാണ് ഫർഹാന.