നീലവെളിച്ചത്തിൽ ആസിഫിന് പകരം റോഷൻ മാത്യുസ്

ആഷിഖ് അബു സംവിധാനം ചെയ്യുന്ന നീലവെളിച്ചത്തിൽ റോഷൻ മാത്യുസ് .ആസിഫ് അലിക്കു നിശ്ചയിച്ച വേഷത്തിലാണ് റോഷൻ മാത്യുസ് എത്തുന്നത്. നേരത്തേ പൃഥ്വിരാജിനെയും കുഞ്ചാക്കോ ബോബനെയുമാണ് നായകൻമാരായി നിശ്ചയിച്ചത്. ഈ വേഷത്തിൽ ടൊവിനോ തോമസിനെയും ആസിഫ് അലിയെയും പിന്നീട് തീരുമാനിച്ചെങ്കിലും ഡേറ്റ് ക്ളാഷിനെ തുടർന്ന് ആസിഫ് അലിക്ക് പിൻമാറേണ്ടി വന്നു. ഏപ്രിലിൽ കണ്ണൂർ പിണറായിയിൽ ചിത്രീകരണം ആരംഭിക്കുന്ന നീലവെളിച്ചം ഒ.പി.എം സിനിമാസിനുവേണ്ടി ആഷിഖ് അബുവും, റിമകല്ലിംഗലും സന്തോഷ്. ടി. കുരുവിളയും ചേർന്നാണ് നിർമ്മാണം. വൻ ക്യാൻവാസിൽ ഒരുങ്ങുന്ന നീലവെളിച്ചം വൈക്കം മുഹമ്മദ് ബഷീർ കഥയും തിരക്കഥയും ഒരുക്കി എ. വിൻസെന്റ് സംവിധാനം ചെയ്ത ഭാർഗവീനിലയത്തിന്റെ പുനരാവിഷ്കാരമാണ് . ഗിരീഷ് ഗംഗാധരനാണ് ഛായാഗ്രഹണം. ബിജിബാൽ, റെക്‌സ് വിജയ് എന്നിവർ സംഗീത സംവിധാനവും സൈജു ശ്രീധരൻ എഡിറ്റിംഗും നിർവഹിക്കുന്നു.