ഇനി വെള്ളിത്തിരയിലേക്ക്, വാവ സുരേഷിന്റെ 'കാളാമുണ്ടൻ' ചിത്രത്തിന് തുടക്കം, പൂജ നടന്നു

തിരുവനന്തപുരം വൈലോപ്പിള്ളി സംസ്‌കൃത ഭവനിൽ വെച്ച് കാളാമുണ്ടൻ എന്ന സിനിമയുടെ പൂജ നടന്നു. വാവ സുരേഷിനെ കേന്ദ്ര കഥാപാത്രമാക്കി കലാധരൻ 'ഗ്രാനി' എന്ന ചിത്രത്തിന് ശേഷം സംവിധാനം ചെയ്യുന്ന ചിത്രമാണിത്.പ്രദീപ് പണിക്കർ രചന നിർവഹിക്കുന്നു.

ഗാനരചന കലാധരൻ നിർവഹിക്കുന്നു. ഗാനങ്ങൾക്ക് സംഗീതം നൽകുന്നത് എം ജയചന്ദ്രൻ ആണ്. ശ്രീനന്ദനം ഫിലിംസിന്റെ ബാനറിൽ കെ നന്ദകുമാർ ആണ് ചിത്രം നിർമ്മിക്കുന്നത്. ശ്രീ നന്ദനം ഫിലിംസിന്റെ മറ്റ് രണ്ട് ചിത്രങ്ങൾ കൂടി അണിയറയിൽ ഒരുങ്ങുകയാണ്.

പ്രശസ്ത ഗാനരചയിതാവായ കെ ജയകുമാർ ഐ എ എസ്, കവിയും ഗാനരചയിതാവുമായ പ്രഭാവർമ്മ എന്നിവർ ചേർന്ന് ഭദ്രദീപം തെളിയിച്ചു. കെ ജയകുമാർ ഐ എ എസ് സ്വിച്ച് ഓൺ കർമ്മം നിർവഹിച്ചു. അടുത്ത മാസം ആദ്യം മുതൽ തിരുവനന്തപുരത്ത് ഷൂട്ടിംഗ് ആരംഭിക്കുന്നു. പകൃതിസ്‌നേഹിയായ ഒരു മനുഷ്യന്റെ ജീവിതത്തിലെ പുരസ്‌കാരങ്ങളും തിരസ്‌കാരങ്ങളും ഇടകലർന്ന കഥയാണ് ചിത്രം പറയുന്നത്.

കലാ സംവിധാനം അജയൻ അമ്പലത്തറ.മേക്കപ്പ് :ലാൽ കരമന. ചീഫ് അസോസയേറ്റ് ഡയറക്ടർ:രാജേഷ് അടൂർ. പ്രൊഡക്ഷൻ കൺട്രോളർ:രാജേഷ് തിലകം.സ്റ്റിൽസ് :വിനയൻ സി എസ്. പി ആർ ഒ:എം കെ ഷെജിൻ.