വിയ്യൂർ ജയിലിൽ പ്രതികൾക്ക് മർദ്ദനം; ഉദ്യോഗസ്ഥർക്കെതിരെ പരാതി, ഹാജരാകാൻ നിർദേശിച്ച് എൻഐഎ കോടതി

തൃശൂർ: വിയ്യൂർ സെൻട്രൽ ജയിലിൽ പ്രതികൾക്ക് മർദ്ദനമേറ്റതായുള്ള പരാതിയിൽ വിയ്യൂർ, പൂജപ്പുര ജയിൽ സൂപ്രണ്ടുമാരോട് വീഡിയോ കോൺഫറൻസിലൂടെ ഹാജരാകാൻ എൻഐഎ കോടതി ഉത്തരവ്. പ്രതികളെ ഉദ്യോഗസ്ഥർ സംഘം ചേർന്ന് മർദ്ദിച്ചെന്നാണ് പരാതിയിൽ പറയുന്നത്. എൻഐഎ കേസിലെ പ്രതികളായ പിഎം മനോജ്, അസ്‌ഹറുദ്ദീൻ എന്നിവർക്കാണ് മർദ്ദനമേറ്റത്. ഗുരുതരമായി പരിക്കേറ്റ ഇരുവരെയും ആശുപത്രിയിൽ പ്രവേശിപ്പിച്ചു. മെഡിക്കൽ കോളേജ് സൂപ്രണ്ടിനോട് പ്രതികളുടെ ആരോഗ്യസ്ഥിതി സംബന്ധിച്ച റിപ്പോർട്ട് നൽകാനും എൻഐഎ കോടതി ഉത്തരവിട്ടു.

കഴിഞ്ഞമാസം 13നാണ് പ്രതികൾക്ക് മർദ്ദനമേറ്റത്. സെല്ലിൽ കയറുന്നതിനെച്ചൊല്ലിയുണ്ടായ തർക്കമാണ് മർദ്ദനത്തിൽ കലാശിച്ചതെന്നാണ് വിവരം. ജയിൽ വാർഡനായ അഭിനവ്, ജോയിന്റ് സൂപ്രണ്ട് ശ്രീജിത്ത്, ഡെപ്യൂട്ടി സൂപ്രണ്ട് കിരൺ എന്നിവരുടെ നേതൃത്വത്തിലാണ് മർദ്ദനം നടന്നതെന്നാണ് പരാതിയിൽ പറയുന്നത്. മർദ്ദനത്തിന് പിന്നാലെ ജയിൽ ഉദ്യോഗസ്ഥർക്കെതിരെ കേസെടുക്കണമെന്നാവശ്യപ്പെട്ട് ഡിജിപിക്ക് പരാതി ലഭിക്കുകയായിരുന്നു.

2022​ലെ​ ​കോ​യ​മ്പ​ത്തൂ​ർ​ ​കാ​ർ​ ​സ്‌​ഫോ​ട​ന​ക്കേ​സി​ലും,​ 2019​ലെ​ ​ശ്രീ​ല​ങ്ക​ ​ഈ​സ്റ്റ​ർ​ ​ബോം​ബാ​ക്ര​മ​ണ​വു​മാ​യി​ ​ബ​ന്ധ​പ്പെ​ട്ട​ ​കേ​സി​ലും​ ​പ്ര​തി​യാ​ണ് ​അ​സ​റു​ദ്ദീ​ൻ.​ 2019​ൽ​ ​എ​ൻഐഎ​ ​അ​റ​സ്റ്റ് ​ചെ​യ്ത​ ​ഇ​യാ​ൾ​ക്കെ​തി​രെ​ ​ഐസി​സ് ​ബ​ന്ധം,​ ​തീ​വ്ര​വാ​ദ​ ​റി​ക്രൂ​ട്ട്‌​മെ​ന്റ് ​ഉ​ൾ​പ്പെ​ടെ​യു​ള്ള​ ​കേ​സും​ ​ചു​മ​ത്തി​യി​രു​ന്നു.​ ​ആ​ഷി​ഖ് ​എ​ന്ന​ ​പേ​രി​ൽ​ ​അ​റി​യ​പ്പെ​ടു​ന്ന​ ​മാ​വോ​യി​സ്റ്റ് ​മ​നോ​ജി​നെ​ 2024​ ​ജൂ​ലാ​യി​ലാ​ണ് ​എ​റ​ണാ​കു​ളം​ ​സൗ​ത്ത് ​റെ​യി​ൽ​വേ​ ​സ്റ്റേ​ഷ​നി​ൽ​ ​നി​ന്ന് ​അ​റ​സ്റ്റ് ​ചെ​യ്ത​ത്.​ 10​ ​യു.​എ.​പി.​എ​ ​കേ​സു​ക​ൾ​ ​ഉ​ൾ​പ്പെ​ടെ​ 16​ ​കേ​സു​ക​ളി​ൽ​ ​പ്ര​തി​യാ​ണ്.​ ​മാ​വോ​യി​സ്റ്റ് ​ക​ബ​നി​ ​ദ​ള​ത്തി​ലെ​ ​സ​ജീ​വ​ ​അം​ഗ​മാ​യി​രു​ന്നു​ ​മ​നോ​ജ്.