അഴിമതിക്ക്യാമറയിലും പെറ്റിയടിക്ക് തിടുക്കം, മരവിപ്പിക്കൽ മുകൾത്തട്ടിൽ അട്ടിമറിച്ചു

തിരുവനന്തപുരം: ആഴവും പരപ്പുമേറിയ അഴിമതിയാരോപണത്തിൽ മുങ്ങുകയും മുഖ്യമന്ത്രിയുടെ ഉറ്റബന്ധുവിലേക്കുവരെ അതിന്റെ വേരുകൾ നീളുകയും ചെയ്തതോടെ, മരവിപ്പിക്കാനൊരുങ്ങിയ എ.ഐ ക്യാമറ പദ്ധതി മിഴിതുറപ്പിക്കാൻ ഒരുങ്ങുന്നു. ഉന്നത രാഷ്ട്രീയസമ്മർദ്ദത്തെതുടർന്നാണ് നടപടി. സർക്കാരിലെയും കരാർ കമ്പനികളിലെയും വമ്പന്മാരാണ് മരവിപ്പിക്കലിന് വിലങ്ങിട്ടതെന്നാണറിയുന്നത്. കെൽട്രോൺ, മോട്ടോർവാഹന വകുപ്പ് ഉദ്യോഗസ്ഥർ, ഗതാഗത കമ്മിഷണർ എന്നിവരുമായി ബുധനാഴ്ച മന്ത്രി ആന്റണി രാജു നടത്തുന്ന ചർച്ചയ്ക്കുശേഷം 20മുതൽ പെറ്റിയടിക്കാനാണ് നീക്കം. അതിന്റെ ഭാഗമായി കഴിഞ്ഞ ഒരാഴ്ച എ.ഐ ക്യാമറയിൽ പതി‌ഞ്ഞ നിയമലംഘനങ്ങൾക്ക് ബോധവത്കരണ നോട്ടീസ് ഇന്നലെമുതൽ അയച്ചുതുടങ്ങി. നിയമലംഘനങ്ങൾ ആവർത്തിച്ചവർക്കാണ് ആദ്യം നോട്ടീസ്. ഇതിൽ പിഴയീടാക്കില്ല.

സംസ്ഥാനത്താകെ 726 എ.ഐ ക്യാമറകൾ സ്ഥാപിച്ചുകഴിഞ്ഞെന്നും കെൽട്രോണുമായി കരാറൊപ്പിട്ട കമ്പനികൾക്ക് അതിന്റെ പണം നൽകിയില്ലെങ്കിൽ അവർ കോടതിയെ സമീപിച്ച് നഷ്ടപരിഹാരമടക്കം ഈടാക്കുമെന്നും ധരിപ്പിച്ചാണ് പദ്ധതി മരവിപ്പിക്കാനുള്ള നീക്കത്തിന് ഉന്നതർ തടയിട്ടത്. രാഷ്ട്രീയപിന്തുണയോടെ ചില ഉന്നത ഉദ്യോഗസ്ഥർ കരാർകമ്പനികൾക്കൊപ്പം ചേർന്നാണ് കരുനീക്കം നടത്തിയത്. ഓപ്പൺ ടെൻഡറുകളിലൂടെയാണ് ഉപകരാറുകൾ നൽകിയതെന്നും കരാർതുക അധികമല്ലെന്നും വാങ്ങിയ ഉപകരണങ്ങൾ ഗുണമേന്മയുള്ളതാണെന്നും സാങ്കേതികസമിതി പലവട്ടം ഉറപ്പാക്കിയതാണെന്നുമൊക്കെയാണ് ബന്ധപ്പെട്ടവരുടെ ന്യായം. പദ്ധതി മരവിപ്പിച്ചാൽ ക്യാമറകൾ നശിക്കുമെന്നും ഉപേക്ഷിച്ചാൽ കേസുകൾക്കിടയാക്കുമെന്നും ഇവർ സർക്കാരിനെ ധരിപ്പിച്ചു. ഇതോടെയാണ് മരവിപ്പിക്കൽ തീരുമാനം അട്ടിമറിച്ചത്.

 11കോടിയുടെ ഊരാക്കുരുക്ക്

പെറ്റിയടിക്കൽ തുടങ്ങിക്കഴിഞ്ഞാൽ മൂന്നുമാസത്തിലൊരിക്കൽ 11കോടിരൂപ കെൽട്രോണിന് സർക്കാർ നൽകണം. ഇതിൽ മൂന്നരക്കോടി ക്യാമറകൾ പ്രവർത്തിപ്പിക്കുന്നതിനും കണക്ടിവിറ്റി, ഡേറ്റാവിശകലനം, ജീവനക്കാർ, സൗരോർജ്ജ സംവിധാനം എന്നിവയ്ക്കുമായാണ്. ക്യാമറകളുടെയും അനുബന്ധ ഉപകരണങ്ങളുടെയും വിലയായാണ് ഏഴരക്കോടി. ക്യാമറാദൃശ്യങ്ങൾ പരിശോധിച്ച് പിഴ തയ്യാറാക്കുന്നത് കെൽട്രോണും പെറ്റി അംഗീകരിക്കേണ്ടത് മോട്ടോർവാഹനവകുപ്പുമാണ്. ഇതിനായി 14 ജില്ല കൺട്രോൾ റൂമുകൾ സജ്ജമാണെന്നാണ് പറയുന്നത്. ഏകോപനത്തിന് കെൽട്രോൺ 146 ജീവനക്കാരെ നിയോഗിച്ചിട്ടുണ്ട്. മോട്ടോർവാഹന വകുപ്പുദ്യോഗസ്ഥരുമുണ്ട്. ഗതാഗതവകുപ്പും കെൽട്രോണുമായുണ്ടാക്കേണ്ട സമഗ്രകരാറിൽ മാറ്റം ഒഴിവാക്കാനും നീക്കങ്ങൾ സജീവമാണ്. മേൽനോട്ടം, നടത്തിപ്പ് എന്നിവയെക്കുറിച്ചാവണം സമഗ്രകരാറെന്നാണ് മുൻകരാറിലുള്ളത്.

കമ്പനികളുടെ താളത്തിന് തുള്ളൽ

1. ആരോപണങ്ങളുടെ പുകമറയ്ക്കിടെ ക്യാമറാപദ്ധതി തിടുക്കത്തിൽ നടപ്പാക്കാനുള്ള സ്വകാര്യകമ്പനികളുടെ ആവശ്യത്തിനൊപ്പം തുള്ളുകയാണ് ഗതാഗത, മോട്ടോർവാഹന വകുപ്പുകളിലെ ഉന്നതർ

2. കരാർ പ്രകാരം ക്യാമറകൾ സ്ഥാപിച്ചുകഴിഞ്ഞതിനാൽ ഇനി പദ്ധതിത്തുകയിലോ കരാറിലോ വ്യത്യാസം വരുത്താനാവില്ലെന്നും കരാറുകൾ സാങ്കേതിക സമിതി അംഗീകരിച്ചതാണെന്നും ഇവർ വാദിക്കുന്നു

3. ക്യാമറാപദ്ധതിക്ക് സർക്കാർ ഇതുവരെ പണം നൽകാത്തതിനാൽ സാമ്പത്തിക നഷ്ടമുണ്ടായിട്ടില്ലെന്നും മരാമത്ത് കരാറുകളിലടക്കം ഉപകരാറുകൾ പതിവുള്ളതാണെന്നുമാണ് മറ്റൊരു വാദം

4. കരാർ ഉറപ്പിക്കും മുൻപേ ഉപകരാറുകൾക്ക് ടെൻഡർ വിളിക്കുന്നത് സർക്കാർ പദ്ധതികളിൽ പതിവാണെന്ന വിചിത്രവാദവും ക്യാമറക്കൊള്ളയ്ക്ക് ചുക്കാൻപിടിക്കുന്നവർ ഉയർത്തുന്നുണ്ട്.

 പോക്കറ്റടിക്കാൻ 4 കാറുകൾ കൂടി

ആദ്യവർഷം 261കോടിയും 5വർഷം കൊണ്ട് 424കോടിയും ജനങ്ങളിൽ നിന്ന് പെറ്റിയായി പിരിക്കുകയാണ് സർക്കാർ ലക്ഷ്യം. നിയമലംഘനം എത്ര ക്യാമറകളുടെ കണ്ണിൽ പെട്ടാലും അത്രയും പെറ്റി കിട്ടും. ഇരുചക്രവാഹനത്തിൽ 2 പേർക്കൊപ്പം കൊണ്ടുപോവുന്ന കുട്ടിക്കും പിഴയുണ്ട്. എന്നാൽ,​ 12വയസിൽ താഴെയുള്ളവരെ ഒഴിവാക്കാനുള്ള ആലോചനയും നിലവിലുണ്ട്. 500 മുതൽ 2000രൂപ വരെയാണ് പിഴ. 2.65ലക്ഷം നിയമലംഘനങ്ങളാണ് ക്യാമറകൾ കഴിഞ്ഞദിവസം കണ്ടെത്തിയത്. നഗരങ്ങളിൽ ചുറ്റിക്കറങ്ങി നോപാർക്കിംഗ് അടക്കം കണ്ടെത്തി ജനങ്ങളുടെ പോക്കറ്റടിക്കാനുള്ള ക്യാമറകൾ ഘടിപ്പിക്കാൻ 4കാറുകൾ കൂടി കെൽട്രോൺ വാങ്ങിക്കഴിഞ്ഞു. ടാറ്രാനെക്സോൺ വൈദ്യുത കാറുകളാണ് വാങ്ങിയത്.

നി​യ​മ​ലം​ഘ​ന​ ​ദൃ​ശ്യ​മി​ല്ലാ​തെ
പെ​റ്റി​ ​വാ​ണിം​ഗ് ​നോ​ട്ടീ​സ്

തി​രു​വ​ന​ന്ത​പു​രം​:​ ​ദൃ​ശ്യ​ങ്ങ​ൾ​ ​ഉ​ൾ​പ്പെ​ടു​ത്താ​തെ​യാ​ണ് ​എ.​ഐ​ ​ക്യാ​മ​റ​ക​ൾ​ ​ക​ണ്ടെ​ത്തി​യ​ ​ഗ​താ​ഗ​ത​ ​നി​യ​മ​ലം​ഘ​ന​ങ്ങ​ൾ​ക്ക് ​വാ​ഹ​ന​ ​ഉ​ട​മ​ക​ൾ​ക്ക് ​നോ​ട്ടീ​സ് ​അ​യ​ച്ച​ത്.​ ​ബോ​ധ​വ​ത്ക​ര​ണ​ ​നോ​ട്ടീ​സാ​യ​തി​നാ​ൽ​ 19​വ​രെ​ ​പി​ഴ​യീ​ടാ​ക്കി​ല്ല.​ ​ബോ​ധ​വ​ത്ക​ര​ണ​ത്തി​ന്റെ​ ​ഭാ​ഗ​മാ​യി​ ​നോ​ട്ടീ​സ് ​അ​യ​യ്ക്കു​മ്പോ​ൾ​ ​നി​യ​മ​ലം​ഘ​ന​ത്തി​ന്റെ​ ​ദൃ​ശ്യം​ ​ഉ​ൾ​പ്പെ​ടു​ത്തി​ല്ലെ​ന്നാ​ണ് ​കെ​ൽ​ട്രോ​ണി​ന്റെ​ ​വി​ശ​ദീ​ക​ര​ണം.​ ​വാ​ഹ​നം​ ​റോ​ഡ് ​നി​യ​മം​ ​ലം​ഘി​ച്ച​താ​യും​ ​തു​ട​ർ​ന്നും​ ​നി​യ​മ​ങ്ങ​ൾ​ ​ലം​ഘി​ച്ചാ​ൽ​ ​പി​ഴ​ ​ഈ​ടാ​ക്കു​മെ​ന്നും​ ​നോ​ട്ടീ​സി​ൽ​ ​വ്യ​ക്ത​മാ​ക്കും.
റോ​ഡ് ​ക്യാ​മ​റ​ക​ൾ​ ​പ​ക​ർ​ത്തു​ന്ന​ ​നി​യ​മ​ലം​ഘ​ന​ങ്ങ​ളു​ടെ​ ​ചി​ത്രം​ ​ക​ൺ​ട്രോ​ൾ​ ​റൂ​മി​ലേ​ക്കാ​ണ് ​അ​യ​യ്ക്കു​ന്ന​ത്.​ ​ജീ​വ​ന​ക്കാ​ർ​ ​ക​മ്പ്യൂ​ട്ട​റി​ൽ​ ​ദൃ​ശ്യ​ങ്ങ​ൾ​ ​പ​രി​ശോ​ധി​ച്ച് ​ഉ​റ​പ്പു​ ​വ​രു​ത്തി​യ​ശേ​ഷം​ ​നി​യ​മ​ലം​ഘ​നം​ ​ന​ട​ന്ന​താ​യി​ ​വാ​ഹ​ന​ ​ഉ​ട​മ​യ്ക്ക് ​മു​ന്ന​റി​യി​പ്പ് ​നോ​ട്ടീ​സ് ​ന​ൽ​കും.​ ​പി​ഴ​ ​ഈ​ടാ​ക്കാ​ൻ​ ​സ​ർ​ക്കാ​ർ​ ​തീ​രു​മാ​നി​ക്കു​ന്ന​ ​തീ​യ​തി​ ​മു​ത​ൽ​ ​ജീ​വ​ന​ക്കാ​ർ​ ​ദൃ​ശ്യം​ ​പ​രി​ശോ​ധി​ച്ച് ​കേ​ന്ദ്ര​ ​സ​ർ​ക്കാ​രി​ന്റെ​ ​ഐ.​ടി.​എം.​എ​സ് ​(​ഇ​ന്റ​ഗ്രേ​റ്റ​ഡ് ​ട്രാ​ൻ​സ്പോ​ർ​ട്ട് ​മാ​നേ​ജ്മെ​ന്റ് ​സി​സ്റ്റം​)​ ​സെ​ർ​വ​റി​ലേ​ക്ക് ​അ​പ്‌​ലോ​ഡ് ​ചെ​യ്യും.​ ​മോ​ട്ട​ർ​ ​വെ​ഹി​ക്കി​ൾ​ ​ഇ​ൻ​സ്പെ​ക്ട​ർ​മാ​ർ​ ​ഈ​ ​ഡേ​റ്റ​ ​ഡൗ​ൺ​ലോ​ഡ് ​ചെ​യ്തു​ ​പ​രി​ശോ​ധി​ക്കും.​ ​നി​യ​മ​ലം​ഘ​ന​ങ്ങ​ൾ​ ​ബോ​ദ്ധ്യ​പ്പെ​ട്ടാ​ൽ​ ​അം​ഗീ​കാ​രം​ ​ന​ൽ​കി​ ​ഇ​-​ചെ​ലാ​ൻ​ ​അ​യ​യ്ക്കാ​നാ​യി​ ​സെ​ർ​വ​റി​ലേ​ക്ക് ​അ​യ​യ്ക്കും.​ ​വാ​ഹ​ന​ത്തി​ന്റെ​ ​വി​വ​ര​ങ്ങ​ൾ​ ​വാ​ഹ​ൻ​ ​സോ​ഫ്റ്റ്‌​വെ​യ​റി​ൽ​നി​ന്ന് ​ല​ഭി​ക്കും.​ ​വാ​ഹ​ന​ ​ഉ​ട​മ​ക​ളു​ടെ​ ​ന​മ്പ​രി​ലേ​ക്ക് ​എ​സ്.​എം.​ ​എ​സ് ​അ​യ​യ്ക്കും.​ ​ഒ​പ്പം​ ​സ​ർ​ക്കാ​രി​ന്റെ​ ​ക​ൺ​ട്രോ​ൾ​ ​റൂ​മി​ലേ​ക്ക് ​ചെ​ലാ​ൻ​ ​കോ​പ്പി​ ​എ​ത്തും.​ ​ചെ​ലാ​ന്റെ​ ​കോ​പ്പി​യെ​ടു​ത്ത് ​ഉ​ദ്യോ​ഗ​സ്ഥ​രു​ടെ​ ​ഒ​പ്പ് ​രേ​ഖ​പ്പെ​ടു​ത്തി​ ​ത​പാ​ലി​ൽ​ ​അ​യ​യ്ക്കും.​ ​ഒ​രു​ ​മാ​സം​ 25​ ​ല​ക്ഷം​വ​രെ​ ​ചെ​ലാ​നു​ക​ൾ​ ​അ​യ​യ്ക്കാ​നാ​വും.