ഹജ്ജ് അപേക്ഷാ തീയതി ജനുവരി 15 വരെ നീട്ടി

മലപ്പുറം: 2024ലെ ഹജ്ജ് തീർത്ഥാടനത്തിനുള്ള ഓൺലൈൻ അപേക്ഷാ സമർപ്പണ തീയതി ജനുവരി 15 വരെ നീട്ടിയതായി കേന്ദ്ര ഹജ്ജ് കമ്മിറ്റി അറിയിച്ചു. നേരത്തെ ഡിസംബർ 20 വരെയായിരുന്നു. 2024 ജനുവരി 15നുള്ളിൽ ഇഷ്യു ചെയ്തതും 2025 ജനുവരി 31 വരെ കാലാവധിയുമുള്ള പാസ്‌പോർട്ടുള്ളവർക്ക് അപേക്ഷ സമർപ്പിക്കാം.
ഇതുവരെയായി 9,​419 ഓൺലൈൻ അപേക്ഷകൾ ലഭിച്ചിട്ടുണ്ട്. ഇതിൽ 735 അപേക്ഷകൾ 70 വയസ് വിഭാഗത്തിലും 1,​113 അപേക്ഷകൾ ലേഡീസ് വിതൗട്ട് മെഹ്രം (പുരുഷ മെഹ്രമില്ലാത്ത) വിഭാഗത്തിലും 7,​571 അപേക്ഷകൾ ജനറൽ കാറ്റഗറി വിഭാഗത്തിലുമാണ് ലഭിച്ചിട്ടുള്ളത്. കൂടുതൽ വിവരങ്ങൾക്ക് 0483 2710717,​ 2717572.