മുതിർന്ന  ബിജെപി  നേതാവ്  ചേറ്റൂർ  ബാലകൃഷ്‌ണൻ അന്തരിച്ചു

കോഴിക്കോട്: ബിജെപി ദേശീയ കൗൺസിൽ അംഗവും മുതിർന്ന ബിജെപി നേതാവുമായ ചേറ്റൂർ ബാലകൃഷ്‌ണൻ (80) അന്തരിച്ചു. കോഴിക്കോട് ഓമശ്ശേരിയിലെ വീട്ടിൽ വാർദ്ധക്യസഹജമായ അസുങ്ങളെ തുടർന്ന് വിശ്രമത്തിലായിരുന്നു. സംസ്കാരം ഇന്ന് വെെകിട്ട് അഞ്ച് മണിക്ക് വീട്ടുവളപ്പിൽ നടക്കും. ബിജെപി സംസ്ഥാന ഉപാദ്ധ്യക്ഷൻ, കോഴിക്കോട് ജില്ലാ അദ്ധ്യക്ഷൻ എന്നീ നിലകളിൽ പ്രവർത്തിച്ചിട്ടുണ്ട്.

രണ്ട് തവണ മുക്കം ഗ്രാമപഞ്ചായത്ത് മെമ്പർ, മുക്കം സർവീസ് സഹകരണ ബാങ്ക് പ്രസി‌ഡന്റ്, ബിഎസ്എൻഎൽ ഉപദേശക സമിതി അംഗം, കേരള ഗ്രാമീണ ബാങ്ക് ഡയറക്ടർ, കേന്ദ്ര സർക്കാർ വിജിലൻസ് ആൻഡ് മോണിറ്ററിംഗ് കമ്മിറ്റി അംഗം, ഇരട്ടകുളങ്ങര ശ്രീകൃഷ്ണ ക്ഷേത്രം പ്രസിഡന്റ്, പ്രതീക്ഷാ സ്‌പെഷ്യൽ സ്കൂൾ പിടിഎ പ്രസിഡന്റ് എന്നീ ചുമതലകൾ വഹിച്ചിട്ടുണ്ട്. മലയമ്മ എ യുപി സ്കൂളിൽ നിന്ന് വിരമിച്ചു.

ഭാര്യ: പത്മാവതി ടീച്ചർ. മക്കൾ: സിബി ബിനോജ് ( അദ്ധ്യാപകൻ സെന്റ് മെെക്കിൾസ് ഹയർ സെക്കണ്ടറി സ്കൂൾ), സിബി അനൂപ്, മരുമകൾ ഡോ. സിനി ബിനോജ്.