വിധിയിൽ സന്തോഷം പങ്കിട്ട് ജെറോമിക് ജോർജ് കുറ്റം തെളിയാൻ വഴിയൊരുക്കിയ കളക്ടർ

തിരുവനന്തപുരം: അട്ടപ്പാടി മധുവധക്കേസിലെ പ്രതികൾ കുറ്റക്കാരാണെന്ന് കണ്ടെത്തിയ കോടതി വിധി പുറത്തുവന്നപ്പോൾ കേസിൽ നിർണായക മജിസ്റ്റീരിയിൽ റിപ്പോർട്ട് തയ്യാറാക്കിയ, ഇപ്പോൾ തിരുവനന്തപുരം ജില്ല കളക്‌ടറായ ജെറോമിക് ജോർജ് കുടപ്പനക്കുന്നിലെ കളക്‌ടറേറ്റിൽ ഔദ്യോഗിക ജോലിത്തിരക്കിലായിരുന്നു. വിധിയിൽ സന്തോഷവും ചാരിതാർത്ഥ്യവുമുണ്ടെന്നായിരുന്നു കേസിലെ ഉദ്യോഗസ്ഥ സാക്ഷി കൂടിയായിരുന്ന ജെറോമിക് ജോർജിന്റെ ആദ്യപ്രതികരണം. ഒറ്റപ്പാലം സബ് കളക്‌ടർ ആയിരിക്കെ ജെ​റോ​മി​ക് ജോ​ർജ്​ നൽകിയ മജിസ്റ്റീരിയൽ അന്വേഷണ റിപ്പോർട്ടാണ് മധു കേസിൽ നിർണായകമായത്. സംഭവസമയത്ത് അട്ടപ്പാടിയിലെ നോഡൽ ഓഫീസർ കൂടിയായിരുന്നു അദ്ദേഹം. സംഭവത്തിൽ ആൾക്കൂട്ട ആക്രമണം ഉണ്ടായതായി ഈ റിപ്പോർട്ടിൽ വ്യക്തമാക്കിയിരുന്നു. സർവീസിന്റെ തുടക്കത്തിൽ ഏറെ വെല്ലുവിളി ഉയർത്തിയ അന്വേഷണമാണ് അട്ടപ്പാടി മധു കൊലപാതകം. കോടതിക്ക് ബോദ്ധ്യമായ കാര്യങ്ങളിലാകും ഇപ്പോൾ വിധി വന്നിരിക്കുന്നത്. ഏറെ വെല്ലുവിളികൾ ഉണ്ടായിരുന്നു. സത്യമേവ ജയതേ എന്നത് യഥാർത്ഥ്യമായി. മധുവിന്റെ കുടുംബത്തിന്റെ പോരാട്ടം കേസിൽ പ്രധാനമാണെന്നും ജെറോമിക് ജോർജ് കേരളകൗമുദിയോട് പറഞ്ഞു.

മധുവിനെ പൊലീസ് മുക്കാലിയിൽ നിന്ന് കസ്റ്റഡിയിൽ എടുക്കുമ്പോൾ പരിക്കുകൾ ഉള്ളതായി സാക്ഷിമൊഴികളില്ലെന്നും ആശുപത്രിയിൽ എത്തിയപ്പോൾ പരിക്ക് ഉണ്ടായിരുന്നെന്നുമായിരുന്നു ജെറോമിക് ജോർജിന്റെ മജിസ്റ്റീരിയിൽ റിപ്പോർട്ട്. മജിസ്റ്റീരിയൽ റിപ്പോർട്ട് കേസ് രേഖയിൽ മാർക്ക് ചെയ്യുന്നതിന്റെ ഭാഗമായും ഇൻക്വസ്റ്റ് നടത്തിയ ഉദ്യോഗസ്ഥനെന്ന നിലയിലും രണ്ട് തവണ ജെറോമികിനെ വിസ്‌തരിച്ചു. പൊ​ലീ​സ് ജീ​പ്പി​നു​ള്ളി​ലാ​ണ് മധു മ​രി​ച്ച​തെ​ന്നാ​ണ്​ അ​റി​ഞ്ഞ​തെ​ന്നും ആ​ശു​പ​ത്രി​യി​ലെ​ത്തി​ക്കു​മ്പോ​ൾ മ​ധു​വി​ന് ജീ​വ​നു​ണ്ടാ​യി​രു​ന്നി​ല്ലെ​ന്ന്​ മ​ന​സിലാ​യ​താ​യും വിസ്‌താരവേളയിൽ ജെറോമിക് ജോർജ് പറഞ്ഞിരുന്നു. ഇ​ൻ​ക്വ​സ്റ്റി​ൽ പ​റ​ഞ്ഞ 15 പ​രി​ക്കു​ക​ള​ല്ലാ​തെ മറ്റ്​ പ​രി​ക്കു​ക​ളൊ​ന്നും ക​ണ്ടി​ല്ല. ന​ഖ​ത്തി​ൽ ക​ണ്ട മു​ടി​യും വാ​യി​ൽ നി​ന്ന് ഒ​ലി​ച്ചി​റ​ങ്ങി​യ നി​ല​യി​ൽ ക​ണ്ട ഭ​ക്ഷ​ണാ​വ​ശി​ഷ്ട​ങ്ങ​ളും പ​രി​ശോ​ധ​നയ്‌ക്കെ​ടു​ത്തി​ല്ല. ഇ​ൻ​ക്വ​സ്റ്റ് സ​മ​യ​ത്ത് ന​ട​ത്തി​യ പ്രാ​ഥ​മി​കാ​ന്വേ​ഷ​ണ​ത്തി​ൽ മ​ധു മർദ്ദനത്തി​നി​ര​യാ​യി പൊ​ലീ​സ് ജീ​പ്പി​ൽ മ​രി​ച്ചെ​ന്ന ആ​രോ​പ​ണം ശ്ര​ദ്ധയിൽപ്പെ​ട്ടെ​ങ്കി​ലും മ​ഹ​സ​റി​ൽ രേ​ഖ​പ്പെ​ടു​ത്തി​യി​രുന്നില്ല. അ​ട്ട​പ്പാ​ടി​യി​ൽ ആ​ദി​വാ​സി​ക്ഷേ​മ​ത്തി​ന് ആ​വി​ഷ്ക​രി​ച്ച പ​ദ്ധ​തി​ക​ൾ ന​ട​പ്പാ​ക്ക​പ്പെ​ടു​ന്നു​ണ്ടെ​ന്ന് നോ​ഡ​ൽ ഓ​ഫീസ​റെ​ന്ന നി​ല​യി​ൽ ഉ​റ​പ്പ്​ വ​രു​ത്തി​യി​രുന്നതായും അദ്ദേഹം കോടതിയിൽ പറഞ്ഞിരുന്നു. മധുവിനെ കസ്റ്റഡിയിലെടുത്ത എസ്.ഐ പ്രസാദ് വർക്കി, മധുവിനെ പരിശോധിച്ച ഡോക്‌ടർ ലീമ ഫ്രാൻസിസ്, മധുവിന്റെ ബന്ധു മുരുകൻ എന്നിവരുടെ മൊഴിയുടെ അടിസ്ഥാനത്തിലായിരുന്നു മജിസ്റ്റീരിയിൽ റിപ്പോർട്ട് ജെറോമിക് ജോർജ് തയ്യാറാക്കിയത്.