അൻവറിനെതിരെ കേസെടുക്കാത്തതെന്ത്?: കെ.സുരേന്ദ്രൻ

കോഴിക്കോട്: പി.വി. അൻവർ അപകീർത്തിപ്പെടുത്താൻ ശ്രമം നടത്തിയതാണെങ്കിൽ എന്തുകൊണ്ടാണ് അൻവറിനെതിരായി മാനനഷ്ട കേസ് കൊടുക്കാൻ മുഖ്യമന്ത്രി തയ്യാറാവാത്തതെന്ന് ബി.ജെ.പി സംസ്ഥാന അദ്ധ്യക്ഷൻ കെ.സുരേന്ദ്രൻ.

ആഭ്യന്തര സുരക്ഷയെ ബാധിക്കുന്ന കാര്യങ്ങളാണ് ഭരണകക്ഷി എം.എൽ.എ പി.വി. അൻവർ പൊതുസമൂഹത്തിന് മുമ്പിൽ ഉയർത്തിയിരിക്കുന്നത്. മുഖ്യമന്ത്രിയുടെ മൗനാനുവാദത്തോടെയാണ് ഇതെല്ലാം നടക്കുന്നതെന്ന് അദ്ദേഹം പറഞ്ഞിട്ടും

ഒരന്വേഷണവും നടക്കുന്നില്ല. ആരോപണം തെറ്റാണെങ്കിൽ അൻവറിനെതിരെ കർശനമായ നടപടി സ്വീകരിച്ച് അദ്ദേഹത്തിനെതിരെ നിയമനടപടികൾ സ്വീകരിക്കണമെന്നും സുരേന്ദ്രൻ വാർത്താസമ്മേളനത്തിൽ പറഞ്ഞു.നിയമവാഴ്ചയുടെ തകർച്ചയാണ് കേരളത്തിൽ സംഭവിച്ചിട്ടുള്ളത്. ഈ സർക്കാരിന് ഒരു നിമിഷം പോലും അധികാരത്തിൽ തുടരാനുള്ള ധാർമികമാവകാശമില്ല. മുഖ്യമന്ത്രി ഉടൻ സ്ഥാനമൊഴിയണം. കേരളത്തിന്റെ പൊതുസമൂഹത്തിന് മുമ്പിൽ ഉത്തരം ലഭിക്കേണ്ട നിരവധി ചോദ്യങ്ങൾ അൻവറിന്റെ വാർത്താ സമ്മേളനത്തിലും അതിനുള്ള പ്രതിരോധമായി മുഖ്യമന്ത്രി പറഞ്ഞതിലുമുണ്ട്. ഒറ്റവാക്കിൽ തള്ളിക്കളയേണ്ട ആരോപണമല്ല ഇത്. അൻവർ കള്ളക്കടത്തുകാരനാണെന്ന് മലപ്പുറം ജില്ലാ കമ്മിറ്റി പറയുമ്പോൾ, ഇത്രയുംകാലം എന്തുകൊണ്ട് അയാളെ സംരക്ഷിച്ചെന്നും

സുരേന്ദ്രൻ ചോദിച്ചു.