തിരുവനന്തപുരം: അന്യസംസ്ഥാന തൊഴിലാളികളുടെ വരവും പോക്കും അറിയാതെ തൊഴിൽ വകുപ്പ്. കൊവിഡ് രണ്ടാം ഘട്ടം സജീവമായപ്പോൾ നിരവധി തൊഴിലാളികളാണ് കേരളം വിട്ടത്. രണ്ടുമാസമായി രജിസ്ട്രേഷനും പരിശോധനയും നിലച്ചതോടെ മടങ്ങിയത് എത്രപേരെന്നോ തിരിച്ചുവന്നവർ എത്രയെന്നോ അറിയാത്ത അവസ്ഥയിലാണ് തൊഴിൽ വകുപ്പ്.

സർക്കാരിൽ നിന്ന് മാർഗനിർദ്ദേശങ്ങൾ ലഭിക്കാത്തതുകൊണ്ടാണ് പരിശോധനയും രജിഷ്ട്രേനും മുടങ്ങിയതെന്ന് തൊഴിൽ വകുപ്പ് ഉദ്യോഗസ്ഥർ പറയുന്നു.

കൊവിഡിന്റെ ആദ്യഘട്ടത്തിൽ 25,000ത്തോളം തൊഴിലാളികളെയാണ് തൊഴിൽ വകുപ്പ് ഇടപെട്ട് നാട്ടിലെത്തിച്ചത്. രണ്ടാം വ്യാപനത്തിന് മുൻപും ശേഷവും ഗതാഗതം പുനഃസ്ഥാപിക്കപ്പെട്ടതോടെ നിരവധി അന്യസംസ്ഥാന തൊഴിലാളികൾ വിവിധ ജില്ലകളിലായി തിരികെ വരികയും പോവുകയും ചെയ്തു. സ്വകാര്യ കരാറുകാരുടെ കീഴിൽ ജോലി ചെയ്തിരുന്നവർ മടങ്ങിയെത്തിയെങ്കിലും തദ്ദേശ സ്ഥാപനങ്ങളിൽ ഇക്കാര്യം അറിയിച്ചിട്ടില്ല. കരാറുകാരുടെ പട്ടികയും തൊഴിൽ വകുപ്പിന്റെ കൈയിലില്ല. അന്യസംസ്ഥാന തൊഴിലാളികൾ ബന്ധപ്പെട്ട പൊലീസ് സ്റ്റേഷനുകളിലോ തദ്ദേശ സ്ഥാപങ്ങളിലോ രജിസ്റ്റർ ചെയ്യണമെന്ന ഉത്തരവ് നിലവിലുണ്ടെങ്കിലും കരാറുകാരാരും ഇവ പാലിക്കാറില്ല.

കുറ്റവാളികൾ