ശിവഗിരി: ശ്രീനാരായണധർമ്മസംഘം ട്രസ്റ്റ് മുൻപ്രസിഡന്റ് സ്വാമി മാധവാനന്ദയുടെ 36-ാമത് സമാധിദിനം ആചരിച്ചു. സമാധി സ്ഥാനത്ത് പൂജയും പ്രാർത്ഥനയും നടന്നു. ശ്രീനാരായണധർമ്മസംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ, ട്രഷറർ സ്വാമി ശാരദാനന്ദ, മുൻ ജനറൽ സെക്രട്ടറി സ്വാമി ഋതംഭരാനന്ദ, മുൻ ട്രഷറർ സ്വാമി പരാനന്ദ, സ്വാമി സത്യാനന്ദ സരസ്വതി, സ്വാമി വിരജാനന്ദഗിരി, സ്വാമി ദേശികാനന്ദ യതി, ബ്രഹ്മചാരിമാർ, വൈദികർ, ഭക്തജനങ്ങൾ എന്നിവർക്കൊപ്പം കോട്ടയം മാന്നാനത്ത് നിന്നും സ്വാമിയുടെ കുടുംബാംഗങ്ങളും ചടങ്ങുകളിൽ സംബന്ധിച്ചു.
നീറ്റ് പ്രശ്നങ്ങൾ ഉടൻ
പരിഹരിക്കണം :
ഐ. എം. എ
തിരുവനന്തപുരം: നീറ്റ് പരീക്ഷയിലെ പ്രശ്നങ്ങൾക്ക് അടിയന്തര പരിഹാരമുണ്ടാകണമെന്ന് ഐ.എം.എ ആവശ്യപ്പെട്ടു. പരീക്ഷാ നടത്തിപ്പിലെയും അനുബന്ധ പ്രവർത്തനങ്ങളിലെയും വീഴ്ചകൾ ആശങ്കാജനകമാണ്. ഇത് ലോക നിലവാരമുള്ള ഇന്ത്യൻ മെഡിക്കൽ വിദ്യാഭ്യാസത്തെ സംശയ നിഴലിലാക്കും. കുറ്റക്കാരെ നിയമത്തിന്റെ മുൻപിൽ കൊണ്ടുവന്ന് കടുത്ത ശിക്ഷ ഉറപ്പാക്കണം. സർക്കാരിന്റെയും പരീക്ഷാ നടത്തിപ്പ് സംവിധാനത്തിന്റെയും ഭാഗമായ ഉദ്യോഗസ്ഥരെ മാറ്റണം.
പ്രശ്നങ്ങൾ പരിഹരിച്ച് വളരെ വേഗം പ്രവേശനപരീക്ഷ നടത്തണമെന്നും ഐ.എം.എ സംസ്ഥാന പ്രസിഡന്റ് ഡോ. ജോസഫ് ബെനവൻ, സംസ്ഥാന സെക്രട്ടറി ഡോ. കെ. ശശിധരൻ എന്നിവർ പ്രസ്താവനയിൽ ആവശ്യപ്പെട്ടു.
നീറ്റ് യു.ജി, പി.ജി പരീക്ഷകൾക്ക് കൂടുതൽ കേന്ദ്രങ്ങൾ അനുവദിക്കുക, എല്ലാവർക്കും സമീപ പ്രദേശങ്ങളിൽ പരീക്ഷ എഴുതാൻ സൗകര്യം നൽകുക, പ്രവേശന പരീക്ഷകൾ ദേശീയ തലത്തിലും സംസ്ഥാന തലത്തിലും നടത്തുക, പരീക്ഷ പൂർണ്ണമായും ഓൺലൈനിലാക്കുക തുടങ്ങിയ നിർദ്ദേശങ്ങളും ഐ.എം.എ മുന്നോട്ടുവച്ചു.
ട്രാൻസ്പോർട്ട് അതോറിറ്റി യോഗം 10ന്
തിരുവനന്തപുരം: മൂന്നിനു ചേരാൻ നിശ്ചയിച്ചിരുന്ന സ്റ്റേറ്റ് ട്രാൻസ്പോർട്ട് അതോറിറ്റിയുടെ യോഗം ജൂലായ് 10ന് രാവിലെ 11ന് വഴുതക്കാട്ട് ട്രാൻസ് ടവറിലെ ട്രാൻസ്പോർട്ട് കമ്മിഷണറേറ്റ് കോൺഫറൻസ് ഹാളിൽ നടക്കും.
കുർള എക്സ്പ്രസ് ഒരുമാസം പനവേൽ വരെ മാത്രം
തിരുവനന്തപുരം: രാവിലെ 9.15ന് തിരുവനന്തപുരം സെൻട്രൽ സ്റ്റേഷനിൽ നിന്ന് പുറപ്പെടുന്ന ലോകമാന്യതിലക് വരെയുള്ള നേത്രാവതി (കുർള എക്സ്പ്രസ്), മംഗലാപുരത്തുനിന്ന് ഉച്ചയ്ക്ക് 12.45ന് പുറപ്പെടുന്ന ലോകമാന്യതിലകിലേക്കുള്ള മത്സ്യഗന്ധ എക്സ്പ്രസ് ട്രെയിനുകൾ ജൂൺ30 മുതൽ ജൂലായ്30 വരെ പനവേൽ വരെ മാത്രമേ സർവ്വീസ് നടത്തുകയുള്ളൂ.ഇൗ ട്രെയിനുകളുടെ മടക്കസർവ്വീസും പനവേലിൽ നിന്നായിരിക്കും. ലോകമാന്യതിലക് റൂട്ടിൽ നിർമ്മാണജോലി നടക്കുന്നതിനാലാണിതെന്ന് റെയിൽവേ അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |