തിരുവനന്തപുരം:തമിഴ്നാട്ടിലെയും കർണാടകയിലെയും കർഷകരിൽ നിന്ന് ഹോർട്ടികോർപ്പ് നേരിട്ട് വാങ്ങി കുറഞ്ഞ വിലയ്ക്ക് വില്പന തുടങ്ങിയതോടെ കുതിച്ചുയർന്ന പച്ചക്കറി വില പൊതുവിപണിയിലും കുറഞ്ഞു.നാളെ മുതൽ തമിഴ്നാട്ടിലെയും കർണാടകയിലെയും കർഷക സംഘങ്ങൾ നേരിട്ട് കേരളത്തിലെ ഹോർട്ടികോർപ്പിന്റെ ജില്ലാ കേന്ദ്രങ്ങളിൽ എത്തിക്കും.
120 രൂപ വരെയുണ്ടായിരുന്ന തക്കാളിക്ക് ഹോർട്ടികോർപ്പിൽ ഇന്നലെ 80 രൂപയായിരുന്നു വില. ഇതോടെ പൊതുവിപണിയിലെ വില നൂറു രൂപയായി കുറഞ്ഞു.മറ്റിനങ്ങൾക്കും വില കുറഞ്ഞു.ഡീസൽ വിലയും കനത്ത മഴയും മുതലെടുത്താണ് ഇടനിലക്കാർ കൊള്ളയടിച്ചുകൊണ്ടിരുന്നത്. നേരിട്ട് പച്ചക്കറി സംഭരിക്കാൻ ബുധനാഴ്ച രാത്രിയിൽ കൃഷിമന്ത്രി പി. പ്രസാദിന്റെ അദ്ധ്യക്ഷതയിൽ ചേർന്ന ഉന്നതതല യോഗമാണ് തീരുമാനിച്ചത്. തിരുനെൽവേലിയിൽ നിന്ന് തിരുവനന്തപുരത്തേക്കും മൈസൂരിൽ നിന്ന് കോഴിക്കോട്ടേയ്ക്കും മൊത്തം 41 ടൺ പച്ചക്കറിയാണ് എത്തിച്ചത്.
തക്കാളിയുടെ വില കുറഞ്ഞത് ഇങ്ങനെ
120-130
രൂപ ആയിരുന്നു തക്കാളിയുടെ വില. ഇതേ തുടർന്ന്
ഹോർട്ടി കോർപ്പ് ഇടപെട്ടു
70 രൂപയ്ക്ക്
തിരുനെൽവേലിയിൽനിന്ന്
തക്കാളി വാങ്ങി
80 രൂപയ്ക്ക്
വണ്ടി വാടക ചേർത്ത്
തക്കാളി വിറ്റു
ഇതേത്തുടർന്ന്
പൊതുവിപണിയിൽ
വില കുറഞ്ഞു
100 രൂപ
വിലനിലവാരം ഇന്നലെ
ഇനം - പൊതുവിപണി, ഹോർട്ടികോർപ്പ്
അമര:............................75 53
കത്തിരി........................90 48
വഴുതന.......................85 63
വെണ്ട..........................60 33
പാവയ്ക്ക.........................80 60
കാരറ്റ്..........................70 55
തക്കാളി ....................100 80
ബീറ്റ്റൂട്ട്.......................60 30
മുരിങ്ങയ്ക്ക...................120 98
കാബേജ്......................45 26
കോളിഫ്ളവർ..............90 65
ബീൻസ്........................90 66
സവാള.........................50 35
പടവലം........................70 38
വെള്ളരി......................60 29
5479 ടൺ:
ഒരു ദിവസം കേരളത്തിന്
ആവശ്യമായ പച്ചക്കറി
4301 ടൺ:
കേരളത്തിൽ
വിളയിക്കുന്നത്
78%
കേരളത്തിൽ
ഉത്പാദിപ്പിക്കുന്നു
153
ഹോർട്ടികോർപ്പ്
ഔട്ട്ലെറ്റുകൾ
417
ഇക്കോ ഷോപ്പുകൾ
'മഴമറ' അടക്കമുള്ള സംവിധാനങ്ങൾ ഒരുക്കി പച്ചക്കറി കൃഷി വർദ്ധിപ്പിക്കാനാണ് ശ്രമം. അന്യസംസ്ഥാനങ്ങളിലെ സർക്കാർ ഏജൻസികളുമായി ബന്ധപ്പെട്ട് ഇടനിലക്കാരില്ലാതെ പച്ചക്കറി വാങ്ങാനാണ് തീരുമാനം. ഹോർട്ടികോർപ്പിന് ആവശ്യമായ സാമ്പത്തികസഹായം നൽകും.
-പി.പ്രസാദ്
കൃഷി മന്ത്രി
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |