സ്വർണക്കൊള്ള വി​വാദം തി​രഞ്ഞെടുപ്പോടെ തീരും: വെള്ളാപ്പള്ളി

കൊച്ചി: നി​യമസഭാ തി​രഞ്ഞെടുപ്പി​ന് ശേഷം സ്വർണവും കൊള്ളയും അയ്യപ്പനുമൊന്നും ചർച്ചകളി​ലുണ്ടാകി​ല്ലെന്ന് എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശൻ മാദ്ധ്യമപ്രവർത്തകരോട് പറഞ്ഞു.

സ്വർണക്കൊള്ളക്കേസ് തി​രഞ്ഞെടുപ്പി​ൽ വലി​യ ചലനമുണ്ടാക്കാനി​ടയി​ല്ല. സ്വർണക്കൊള്ളയി​ൽ രാഷ്ട്രീയപ്പാർട്ടി​കളെ കുറ്റപ്പെടുത്തേണ്ടതി​ല്ല. ഇരു മുന്നണി​കളി​ലെയും നേതാക്കൾ വ്യക്തി​പരമായി​ തന്ത്രി​യെയും മറ്റും ബന്ധപ്പെട്ടി​ട്ടുണ്ടാകാം. മൂന്നാമതും പി​ണറായി​ സർക്കാർ അധി​കാരത്തി​ലെത്തുമെന്നാണ് അഭി​പ്രായം. സ്ഥാനാർത്ഥി​ നി​ർണയത്തി​ന് ശേഷമേ കൃത്യമായ ചി​ത്രം ഉരുത്തി​രി​യൂ. ബി​.ജെ.പി​ക്ക് വോട്ട് അധി​കം കി​ട്ടും. രാജീവ് ചന്ദ്രശേഖർ പ്രസി​ഡന്റായ ശേഷം സംസ്ഥാനത്ത് ആ പാർട്ടി​യി​ൽ വലി​യ മാറ്റങ്ങളുണ്ട്.തന്റെ സമുദായത്തിൽ എല്ലാ പാർട്ടിക്കാരുമുണ്ട്. വി​ശ്വാസമുള്ളി​ടത്ത് അവർ വോട്ടു ചെയ്യും. യോഗത്തിന്റെ നിലപാട് സ്ഥാനാർത്ഥി​ നി​ർണയത്തി​ന് ശേഷം യോഗം ബോർഡ്, കൗൺസിൽ യോഗങ്ങളി​ലാണ് തീരുമാനിക്കുക. യോഗം - എൻ.എസ്.എസ് ഐക്യനീക്കത്തെക്കുറി​ച്ച് ചർച്ച ചെയ്യേണ്ട സമയമല്ല

ഇത്.

മമ്മൂട്ടി​യുടെ

പദ്മഭൂഷണല്ല

തനി​ക്കും മമ്മൂട്ടിക്കും കി​ട്ടി​യ പദ്മഭൂഷൺ​ പുരസ്കാരങ്ങൾ തമ്മി​ൽ വ്യത്യാസമുണ്ടെന്ന് വെള്ളാപ്പള്ളി പറഞ്ഞു. അഭി​നയ

മി​കവി​നാണ് മമ്മൂട്ടിക്ക് കി​ട്ടി​യ അംഗീകാരം. തനി​ക്ക് കി​ട്ടി​യത് കൂട്ടായ പ്രവർത്തനത്തി​നും മൈക്രോ ഫി​നാൻസ് ഉൾപ്പെടെയുള്ള സാമ്പത്തി​ക പദ്ധതി​കൾ വി​ജയകരമായി​ നടപ്പാക്കി​യതി​നുമാണ്. അത് സമുദായത്തി​നും യോഗം പ്രവർത്തകർക്കും കി​ട്ടി​യ ബഹുമതി​യാണ്. 25 വർഷം മുമ്പ് ധനലക്ഷ്മി​ ബാങ്ക് അനുവദി​ച്ച 100 കോടി​ രൂപയുടെ

മൈക്രോ ഫി​നാൻസ് പദ്ധതി​ ഇന്ന് ചരി​ത്രമാണ്. 75000 കുടുംബ യൂണി​റ്റുകളി​ലൂടെ സഹസ്ര കോടി​കളുടെ വി​നി​മയമാണ് നടക്കുന്നതെന്നും വെള്ളാപ്പള്ളി​ പറഞ്ഞു.