വോട്ടർപട്ടിക അബദ്ധ പഞ്ചാംഗം,​ പേര് ചേർക്കാൻ 30 ദിവസം അനുവദിക്കണം: സതീശൻ

തിരുവനന്തപുരം: തദ്ദേശ തിരഞ്ഞെടുപ്പുമായി ബന്ധപ്പെട്ട വോട്ടർ പട്ടിക പുതുക്കാനുള്ള സാവകാശം 15 ദിവസംകൂടി നീട്ടണമെന്ന് പ്രതിപക്ഷ നേതാവ് വി.ഡി.സതീശൻ ആവശ്യപ്പെട്ടു.

വ്യാപക ക്രമക്കേടുകൾ നിറഞ്ഞ അബദ്ധ പഞ്ചാംഗം പോലുള്ള വോട്ടർ പട്ടിക ഉപയോഗിച്ച് സ്വതന്ത്രവും നീതിയുക്തവുമായ തിരഞ്ഞെടുപ്പ് നടത്താനാവില്ല. നോമിനേഷൻ സമർപ്പിക്കാനുള്ള അവസാന തീയതി വരെ വോട്ടേഴ്സ് ലിസ്റ്റിൽ പേര് ചേർക്കാം. എന്നിട്ടും എന്തിനാണ് ജൂലായ് 23 മുതൽ ആഗസ്റ്റ് 7 വരെ 15 ദിവസമായി പരിമിതപ്പെടുത്തിയത്? ഇത് ദുരൂഹമാണെന്നും സതീശൻ വാർത്താസമ്മേളനത്തിൽ പറഞ്ഞു. ഡീലിമിറ്റേഷൻ പൂർത്തിയാക്കി വോട്ടർപട്ടിക പ്രസിദ്ധീകരിച്ചിട്ടും വാർഡിന്റെ സ്‌കെച്ച് നൽകിയിട്ടില്ല. വാർഡിന്റെ അതിർത്തി അറിയാതെ എങ്ങനെയാണ് വോട്ടർ പട്ടികയിൽ പേര് ചേർക്കുന്നത്.

ഒരാളുടെ പേര് ചേർക്കുന്നതും മറ്റൊരു സ്ഥലത്തേക്ക് വോട്ട് മാറ്റുന്നതും ശ്രമകരമായ പ്രക്രിയയാണ്. തിരഞ്ഞെടുപ്പ് കമ്മിഷൻ സി.പി.എം നേതൃത്വത്തിന്റെ ആഗ്രഹത്തിന് അനുസരിച്ച് പ്രവർത്തിക്കുന്നത് ശരിയല്ല.

ഹൈക്കോടതിയുടെ നിർദ്ദേശം ലംഘിച്ച് സി.പി.എമ്മിന്റെ സൗകര്യത്തിനുവേണ്ടിയാണ് ഡീലിമിറ്റേഷൻ നടത്തിയത്. ഇതിനെ യു.ഡി.എഫ് നിയമപരമായി നേരിടുമെന്നും സതീശൻ പറഞ്ഞു.

മറ്റു പ്രധാന ആരോപണങ്ങൾ

1.കഴിഞ്ഞ തവണ വോട്ടു ചെയ്ത പലരുടെയും പേരില്ല

2. 4 വർഷം മുൻപ് മരിച്ചവരുടെ പേര് പട്ടികയിൽ

3.ഒരു വീട്ടിലുള്ളവരുടെ വോട്ട് വ്യത്യസ്ത വാർഡുകളിൽ

4. ചില വോട്ടർമാർക്ക് മൂന്നു വാർഡുകളിൽ വോട്ട്

5. പോളിംഗ് ബൂത്തുകളുടെ എണ്ണം കുറച്ചു

6. പോളിംഗ് രാത്രി 10 ആയാലും തീരാത്ത നിലയാക്കി

ഞാ​ൻ​ ​ശ്രീ​നാ​രാ​യ​ണ​ ​പ്ര​ചാ​ര​ക​ൻ,​വ​ർ​ഗീ​യ​ത​യെ​ ​എ​തി​ർ​ക്കും​:​ ​വി.​ഡി.​സ​തീ​ശൻ

തി​രു​വ​ന​ന്ത​പു​രം​ ​:​ ​താ​ൻ​ ​ശ്രീ​നാ​രാ​യ​ണ​ ​പ്ര​ചാ​ര​ക​നാ​ണെ​ന്നും​ ​ആ​ര് ​കേ​ര​ള​ത്തി​ൽ​ ​വ​ർ​ഗീ​യ​ത​ ​പ​റ​ഞ്ഞാ​ലും​ ​അ​തി​നെ​ ​എ​തി​ർ​ക്കു​മെ​ന്നും​ ​പ്ര​തി​പ​ക്ഷ​ ​നേ​താ​വ് ​വി.​ഡി.​സ​തീ​ശ​ൻ.​ ​എ​സ്.​എ​ൻ.​ഡി.​പി​ ​യോ​ഗം​ ​ജ​ന​റ​ൽ​ ​സെ​ക്ര​ട്ട​റി​ ​വെ​ള്ളാ​പ്പ​ള്ളി​ ​ന​ടേ​ശ​ന്റെ​ ​ആ​രോ​പ​ണ​ങ്ങ​ളോ​ട് ​പ്ര​തി​ക​രി​ക്കു​ക​യാ​യി​രു​ന്നു​ ​അ​ദ്ദേ​ഹം.
വെ​ള്ളാ​പ്പ​ള്ളി​ക്ക് ​മ​റു​പ​ടി​യി​ല്ല.​ ​എ​ന്റെ​ ​നി​യോ​ജ​ക​ ​മ​ണ്ഡ​ല​ത്തി​ലെ​ 52​ ​ശ​ത​മാ​നം​ ​വോ​ട്ട​ർ​മാ​രും​ ​ഈ​ഴ​വ​ ​സ​മു​ദാ​യ​ത്തി​ൽ​പ്പെ​ട്ട​വ​രാ​ണ്.​ ​എ​ന്നെ​ ​ഏ​റ്റ​വും​ ​അ​ടു​ത്ത​റി​യാ​വു​ന്ന​ത് ​അ​വ​ർ​ക്കാ​ണ്.​ ​ഞാ​ൻ​ ​എ​ന്ത് ​ഈ​ഴ​വ​ ​വി​രോ​ധ​മാ​ണ് ​പ​റ​ഞ്ഞ​ത് ​?​ ​ഞാ​ൻ​ ​ശ്രീ​നാ​രാ​യ​ണ​ ​ഗു​രു​ദേ​വ​നെ​ ​ഇ​ഷ്ട​പ്പെ​ടു​ക​യും​ ​ആ​ ​ദ​ർ​ശ​ന​ങ്ങ​ൾ​ ​വി​ശ്വ​സി​ക്കു​ക​യും​ ​ചെ​യ്യു​ന്ന​ ​വ്യ​ക്തി​യാ​ണ്.​ ​ശ്രീ​നാ​രാ​യ​ണ​ ​ഗു​രു​ദേ​വ​ൻ​ ​എ​ന്താ​ണോ​ ​പ​റ​യാ​ൻ​ ​പാ​ടി​ല്ലെ​ന്നു​ ​പ​റ​ഞ്ഞ​ത്,​ ​അ​ത് ​അ​ദ്ദേ​ഹം​ ​പ​റ​യു​ന്നു​വെ​ന്ന​ ​പ​രാ​തി​ ​മാ​ത്ര​മേ​ ​വെ​ള്ളാ​പ്പ​ള്ളി​ ​ന​ടേ​ശ​നെ​ക്കു​റി​ച്ചു​ള്ളൂ.​ ​വി​ദ്വേ​ഷ​ ​ക്യാ​മ്പെ​യി​ൻ​ ​ന​ട​ത്താ​ൻ​ ​ആ​ര് ​ശ്ര​മി​ച്ചാ​ലും​ ​അ​തി​നെ​തി​രെ​ ​പ​റ​യും.​ ​തി​ര​ഞ്ഞെ​ടു​പ്പി​ന് ​യു.​ഡി.​എ​ഫ് ​ത​യ്യാ​റെ​ടു​ക്കു​ക​യാ​ണ്.​ ​നൂ​റി​ല​ധി​കം​ ​സീ​റ്റു​മാ​യി​ ​ടീം​ ​യു.​ഡി.​എ​ഫ് ​അ​ധി​കാ​ര​ത്തി​ൽ​ ​വ​രു​മെ​ന്നും​ ​സ​തീ​ശ​ൻ​ ​ആ​ത്മ​വി​ശ്വാ​സം​ ​പ്ര​ക​ടി​പ്പി​ച്ചു.

കേ​ര​ള​ത്തി​ൽ​ ​സി​സ്റ്റം
ത​ക​ർ​ന്ന​ ​സ​ർ​ക്കാ​ർ:
വി.​ഡി.​ ​സ​തീ​ശൻ

തി​രു​വ​ന​ന്ത​പു​രം​:​ ​ലോ​കം​ ​എ​വി​ടെ​ ​എ​ത്തി​യെ​ന്ന് ​അ​റി​യാ​ത്ത​ ​സി​സ്റ്റം​ ​ത​ക​ർ​ന്ന​ ​കാ​ല​ഹ​ര​ണ​പ്പെ​ട്ട​ ​സ​ർ​ക്കാ​രാ​ണ് ​കേ​ര​ള​ത്തി​ലെ​ന്ന് ​പ്ര​തി​പ​ക്ഷ​ ​നേ​താ​വ് ​വി.​ഡി.​സ​തീ​ശ​ൻ.​ ​ആ​രോ​ഗ്യ​മ​ന്ത്രി​ ​പ​റ​ഞ്ഞ​ ​സി​സ്റ്റ​ത്തി​ന്റെ​ ​ത​ക​ർ​ച്ച​ ​എ​ല്ലാ​യി​ട​ത്തു​മു​ണ്ട്.​ ​ആ​രോ​ഗ്യ​ ​വ​കു​പ്പി​ന് ​പു​റ​മെ​ ​വി​ദ്യാ​ഭ്യാ​സ,​ ​ആ​ഭ്യ​ന്ത​ര​ ​വ​കു​പ്പു​ക​ളി​ലും​ ​ജ​യി​ലി​ലും​ ​സി​സ്റ്റ​ത്തി​ന് ​ത​ക​രാ​റാ​ണ്.

ടി.​പി​ ​കേ​സി​ലെ​ ​പ്ര​തി​ക​ൾ​ക്കൊ​പ്പം​ ​ഗോ​വി​ന്ദ​ച്ചാ​മി​യും​ ​സ​ർ​ക്കാ​രി​ന് ​പ്രി​യ​പ്പെ​ട്ട​ ​ആ​ളാ​യി​രു​ന്നെ​ന്ന് ​ഇ​ന്ന​ലെ​യാ​ണ് ​മ​ന​സി​ലാ​യ​ത്.​ ​ഗോ​വി​ന്ദ​ച്ചാ​മി​ ​ജ​യി​ൽ​ചാ​ടി​യ​തും​ ​സി​സ്റ്റ​ത്തി​ന്റെ​ ​ത​ക​ർ​ച്ച​യാ​ണ്.​ ​പൊ​ലീ​സ് ​തോ​ന്നി​യ​പോ​ലെ​ ​പ്ര​വ​ർ​ത്തി​ക്കു​ന്നു.​ ​ഉ​മ്മ​ൻ​ചാ​ണ്ടി​യെ​ ​അ​ധി​ക്ഷേ​പി​ച്ച് ​ചാ​ന​ലി​ൽ​ ​ഇ​രു​ന്ന് ​പ​റ​ഞ്ഞ​ ​ആ​ൾ​ക്കെ​തി​രെ​യും​ ​ഫേ​സ്ബു​ക്കി​ൽ​ ​വൃ​ത്തി​കെ​ട്ട​ ​പോ​സ്റ്റി​ട്ട​ ​ആ​ൾ​ക്കെ​തി​രെ​യും​ ​ഒ​രു​ ​കേ​സും​ ​എ​ടു​ത്തി​ട്ടി​ല്ല.

വി.​എ​സ്.​അ​ച്യു​താ​ന​ന്ദ​നെ​തി​രെ​ ​പോ​സ്റ്റി​ട്ട​വ​രെ​ ​വീ​ട്ടി​ൽ​പോ​യി​ ​അ​റ​സ്റ്റു​ ​ചെ​യ്തു.​ ​വി​തു​ര​യി​ൽ​ ​കോ​ൺ​ഗ്ര​സ് ​പ്ര​വ​ർ​ത്ത​ക​രാ​ണ് ​സ​ഹോ​ദ​ര​നെ​ ​ആം​ബു​ല​ൻ​സി​ൽ​ ​ക​യ​റ്റി​യ​തെ​ന്നും​ ​ആ​രും​ ​ത​ട​ഞ്ഞി​ട്ടി​ല്ലെ​ന്നും​ ​കു​ടും​ബം​ ​പ​റ​ഞ്ഞി​ട്ടും​ ​സി.​പി.​എം​ ​ക​ള്ള​പ്ര​ചാ​ര​ണം​ ​ന​ട​ത്തി.