കേന്ദ്രം നിർദ്ദേശിച്ച വെള്ളക്കരം കൂട്ടില്ല

തിരുവനന്തപുരം: വെള്ളക്കരം പ്രതിവർഷം അഞ്ച് ശതമാനം വർദ്ധിപ്പിക്കണമെന്ന കേന്ദ്ര നിർദ്ദേശം സംസ്ഥാനത്ത് നടപ്പാക്കില്ല. കിലോലിറ്ററിന് (1000 ലിറ്റർ)​ 10 രൂപ ഫെബ്രുവരിയിൽ കൂട്ടിയ സാഹചര്യത്തിലാണ് തീരുമാനം. നിരക്ക് വർദ്ധന അഞ്ച് ശതമാനത്തിനും മുകളിലായതിനാൽ വീണ്ടും വർദ്ധിപ്പിക്കാനാകില്ലെന്നും വാട്ടർ അതോറിട്ടി വ്യക്തമാക്കി. സംസ്ഥാനത്തിന്റെ കടമെടുപ്പ് പരിധി രണ്ടുശതമാനം വർദ്ധിപ്പിക്കുന്നതിന്റെ ഭാഗമായി കേന്ദ്രം നിർദ്ദേശിച്ചതനുസരിച്ച് 2021ലും 2022ലും വെള്ളക്കരം 5 ശതമാനം വർദ്ധിപ്പിച്ചിരുന്നു. എന്നാൽ കേന്ദ്ര നിർദ്ദേശമായതിനാൽ സംസ്ഥാനത്തെ സാഹചര്യങ്ങൾ വിവരിച്ച് കേരളം കത്ത് നൽകി. എന്നാൽ ഇതുവരെ കേന്ദ്രം മറുപടി നൽകിയിട്ടില്ല. ഇതേത്തുടർന്നാണ് നിരക്ക് വർദ്ധന നടപ്പാക്കേണ്ടെന്ന് തീരുമാനിച്ചത്.